༣༦. བྷེ་ས་ཛྫ་ནི་དྡེ་སོ
བྷེ་ས་ཛྫནྟི –
༢༧༤. ཛ་ན་སྶ ཀཱ་ཏུཾ བྷེ་ས་ཛྫཾ, དཱ་ཏུཾ ཝ་ཏྟུཾ ན ལ་བྦྷ་ཏི;
བྷི་ཀྑཱ་ཙ་རི་ཡ་ཝི་ཉྙ་ཏྟི, ས་ཀེ་ཧི ས་ཧ་དྷ་མྨི་ནཾ.
༢༧༥. པི་ཏཱུ་ནཾ ཏ་དུ་པ་ཊྛཱ་ཀ་བྷི་ཀྑུ་ནི་སྶི་ཏ་བྷ་ཎྜུ་ནཾ;
ལ་བྦྷཾ བྷེ་ས་ཛྫ་ཀ་ར་ཎཾ, ཝེ་ཡྻཱ་ཝ་ཙྩ་ཀ་ར་སྶ ཙ.
༢༧༦. མ་ཧཱ་ཙཱུ་ལ༹་པི་ཏཱ་མཱ་ཏཱ་བྷཱ་ཏཱ་བྷ་གི་ནི་ཨཱ་དི་ནཾ;
ཏེ་སཾ ས་ཀེ་ན་ཏྟ་ནི་ཡེ, དཱ་ཏ་བྦཾ ཏཱ་ཝ་ཀཱ་ལི་ཀཾ.
༢༧༧. ཀུ་ལ་དཱུ་ས་ན་ཝི་ཉྙ་ཏྟི, བྷེ་ས་ཛྫ་ཀ་ར་ཎཱ་དི ཧི;
མཱ་ཏཱ་པི་ཏཱུ་ཧི ས་མྦ་ནྡྷ་ཉཱ་ཏ་ཀེ་སུ ན རཱུ་ཧ་ཏི.
༢༧༨. པི་ཎྜ་པཱ་ཏོ ཨ་ནཱ་མ་ཊྛོ, མཱ་ཏཱ་དཱི་ན་མ་ཝཱ་རི་ཏོ;
ཚ་ནྣཾ དཱ་མ་རི་ཀ་ཙོ་ར་སྶ, དཱ་ཏུ་མི་སྶ་རི་ཡ་སྶ ཙ.
༢༧༩. ཏེ་སཾ སུ་ཏྟོ་ད་ཀེ་ཧེ་ཝ, པ་རི་ཏྟཾ ཀ་ཡི་རཱ ན་ཏྟ་ནོ;
བྷ་ཎི་ཏ་བྦཾ བྷ་ཎཱ་པེ་ནྟེ, པ་རི་ཏྟཾ སཱ་ས་ནོ་ག་དྷཾ.
༢༨༠. སཱི་ལཾ དྷ་མྨཾ པ་རི་ཏྟཾ ཝཱ, ཨཱ་ག་ནྟྭཱ དེ་ཏུ བྷཱ་ས་ཏུ;
དཱ་ཏུཾ ཝ་ཏྟུ་ཉྩ ལ་བྦྷ་ཏི, ག་ནྟྭཱ ཀེ་ན་ཙི པེ་སི་ཏོ་ཏི.