༣༤. པ་ཐ་ཝཱི་ནི་དྡེ་སོ

པ་ཐ་ཝཱི ཙཱཏི –

༢༤༢. ཛཱ་ཏཱ་ཛཱ་ཏཱ་ཏི དུ་ཝི་དྷཱ, སུ་དྡྷ་མ་ཏྟི་ཀ་པཾ་སུ་ཀཱ;

ཛཱ་ཏཱ་ད་ཌྜྷཱ ཙ པ་ཐ་ཝཱི, བ་ཧུ་མ་ཏྟི་ཀ་པཾ་སུ་ཀཱ;

ཙཱ་ཏུ་མཱ་སཱ་དྷི་ཀོ་ཝ་ཊྛ་པཾ་སུ་མ་ཏྟི་ཀ་རཱ་སི ཙ.

༢༤༣. སུ་དྡྷ་ས་ཀྑ་ར་པཱ་སཱ་ཎ་མ་རུ་མྦ་ཀ་ཐ་ལ་ཝཱ་ལུ་ཀཱ;

ད་ཌྜྷཱ ཙ བྷཱུ་མི ཡེ་བྷུ་ཡྻ་ས་ཀྑ་རཱ་དི་མ་ཧཱི་པི ཙ;

དུ་ཏི་ཡཱ ཝུ་ཏྟ་རཱ་སི ཙ, ཙཱ་ཏུ་མཱ་སོ་མ་ཝ་ཊྛ་ཀོ.

༢༤༤. དྭེ བྷཱ་གཱ ཏཱི་སུ བྷཱ་གེ་སུ, མ་ཏྟི་ཀཱ ཡ་སྶ བྷཱུ་མི་ཡཱ;

ཡེ་བྷུ་ཡྻ་མ་ཏྟི་ཀཱ ཨེ་སཱ, སེ་སེ་སུ་པི ཨ་ཡཾ ན་ཡོ.

༢༤༥. པཱ་ཙི་ཏྟི ཁ་ཎ་ནེ ཛཱ་ཏེ, ཛཱ་ཏ་ས་ཉྙི་སྶ དུ་ཀྐ་ཊཾ;

དྭེ་ལ༹ྷ་སྶཱ་ཛཱ་ཏ་ས་ཉྙི་སྶ, ནཱ་པ་ཏྟཱ་ཎཱ་པ་ནེ ཏ་ཐཱ.

༢༤༦. པ་ཧཱ་རེ པ་ཧཱ་རཱ་པ་ཏྟི, ཁ་ཎ་མཱ་ན་སྶ ཨ་ཏྟ་ནཱ;

ཨེ་ཀཱ་ཡཱ་ཎ་ཏྟི་ཡཱ ཨེ་ཀཱ, ནཱ་ནཱ་ཎ་ཏྟཱི་སུ ཝཱ་ཙ་སོ.

༢༤༧. ‘‘ཨི་མཾ ཋཱ་ན་མི་མཾ ཀ་ནྡ་མི་དྷ ཝཱ་པིཾ ཁ་ཎེ་ཏྠ ཙ;

ཛཱ་ལེ་ཧ་གྒི’’ནྟི ཝཱ ཝ་ཏྟུཾ, ནི་ཡ་མེ་ཏྭཱ ན ཝ་ཊྚ་ཏི.

༢༤༨. ‘‘ཐ་མྦྷ་སྶི་མ་སྶཱ་ཝཱ་ཊཾ ཝཱ, མ་ཏྟི་ཀཾ ཛཱ་ན མཱ་ཧ་ར;

ཀ་རོ་ཧི ཀ་པྤི་ཡ་ཉྩེ’’ཏི, ཝ་ཙ་ནཾ ཝ་ཊྚ་ཏེ་དི་སཾ.

༢༤༩. ཨ་ས་མྦ་དྡྷཾ པ་ཐ་ཝི་ཡཱ, སུ་ཀྑ་ཀ་དྡ་མ་ཨཱ་དི་ཀཾ;

ཀོ་པེ་ཏུཾ ཏ་ནུ་ཀཾ ལ་བྦྷ་མུ་སྶི་ཉྩ་ནཱི་ཡ་ཀ་དྡ་མཾ.

༢༥༠. ག་ཎྜུ་པྤཱ་དཾ ཨུ་པ་ཙི་ཀཱ་མ་ཏྟི་ཀཾ མཱུ་སི་ཀུ་ཀྐི་རཾ;

ཙཱ་ཏུ་མཱ་སཱ་དྷི་ཀོ་ཝ་ཊྛཾ, ལེ་ཌྜཱ་དི་ཉྩ ན ཀོ་པ་ཡེ.

༢༥༡. པ་ཏི་ཏེ ཝཱ་པི་ཨཱ་དཱི་ནཾ, ཀཱུ་ལེ ཨུ་ད་ཀ་ས་ནྟི་ཀེ;

པཱ་སཱ་ཎེ ཙ ར་ཛེ ལ་གྒེ, པ་ཏི་ཏེ ན་ཝ་སོ་ཎྜི་ཡཱ.

༢༥༢. ཝ་མྨི་ཀེ མ་ཏྟི་ཀཱ་ཀུ་ཊྚེ, ཨ་བྦྷོ་ཀཱ་སུ་ཊྛི་ཏེ ཏ་ཐཱ;

ཡེ་བྷུ་ཡྻ་ཀ་ཐ་ལ་ཊྛཱ་ནེ, ཏི་ཊྛ་ཏི་ཊྛ་ཀ་ཀུ་ཊྚ་ཀོ.

༢༥༣. ཐ་མྦྷཱ་དིཾ ག་ཎྷི་ཏུཾ བྷཱུ་མིཾ, ས་ཉྩཱ་ལེ་ཏྭཱ ཝི་ཀོ་པ་ཡཾ;

དྷཱ་རཱ་ཡ བྷི་ནྡི་ཏུཾ བྷཱུ་མིཾ, ཀཱ་ཏུཾ ཝཱ ཝི་ས་མཾ ས་མཾ.

༢༥༤. ས་མྨུ་ཉྫ་ནཱི་ཧི གྷཾ་སི་ཏུཾ, ཀ་ཎྚ་ཀཱ་དིཾ པ་ཝེ་སི་ཏུཾ;

ད་སྶེ་སྶཱ་མཱི་ཏི བྷི་ནྡ་ནྟོ, བྷཱུ་མིཾ ཙ་ངྐ་མི་ཏུཾ པ་དཾ.

༢༥༥. གྷཾ་སི་ཏུཾ ཨ་ངྒ་པ་ཙྩ་ངྒཾ, ཀ་ཎྜུ་རོ་གཱི ཏ་ཊཱ་དི་སུ;

ཧ་ཏྠཾ ཝཱ དྷོ་ཝི་ཏུཾ བྷཱུ་མིཾ, གྷཾ་སི་ཏུཾ ན ཙ ཀ་པྤ་ཏི.

༢༥༦. ཐ་མྦྷཱ་དི་ཨུ་ཛུ་ཀུ་དྡྷཱ་རོ, པཱ་སཱ་ཎཱ་དི་པ་ཝ་ཊྚ་ནཾ;

སཱ་ཁཱ་དི་ཀ་ཌྜྷ་ནཾ རུ་ཀྑ་ལ་ཏཱ་ཙྪེ་ད་ན་ཕཱ་ལ་ནཾ.

༢༥༧. སེ་ཀོ པ་སྶཱ་ཝ་ཨཱ་དཱི་ནཾ, སུ་དྡྷ་ཙི་ཏྟ་སྶ ཝ་ཊྚ་ཏི;

ཨ་ལླ་ཧ་ཏྠཾ ཋ་པེ་ཏྭཱ་ན, ར་ཛ་གྒཱ་ཧོ ཙ བྷཱུ་མི་ཡཱ.

༢༥༨. ཨ་གྒི་སྶ ཨ་ནུ་པཱ་དཱ་ནེ, ཀ་པཱ་ལེ ཨི་ཊྛ་ཀཱ་ཡ ཝཱ;

པཱ་ཏེ་ཏུཾ ལ་བྦྷ་ཏེ ཨ་གྒིཾ, བྷཱུ་མི་ཡཾ ཝཱ་ཝ་སེ ས་ཏཱི་ཏི.