༣༠. ཝ་ཏྟ་ནི་དྡེ་སོ
ཝ་ཏྟནྟི –
༢༡༣. ཨཱ་ག་ནྟུ་ཀོ ན ཨཱ་རཱ་མཾ, པ་ཝི་སེ ས་ཨུ་པཱ་ཧ་ནོ;
ས་ཚ་ཏྟོ་གུ་ཎྛི་ཏོ སཱི་སེ, ཀ་རི་ཏྭཱ ཝཱ་པི ཙཱི་ཝ་རཾ.
༢༡༤. པཱ་ནཱི་ཡེ་ན ན དྷོ་ཝེ་ཡྻ, པཱ་དེ ཝུ་ཌྜྷ་ཏ་རེ་པི ཙ;
ཨཱ་ཝཱ་སི་ཀེ་བྷི་ཝཱ་དེ་ཡྻ, པུ་ཙྪེ་ཡྻ ས་ཡ་ནཱ་ས་ནཾ.
༢༡༥. ག་མི་ཀོ པ་ཊི་སཱ་མེ་ཏྭཱ, དཱ་རུ་མ་ཏྟི་ཀ་བྷ་ཎྜ་ཀཾ;
ཝི་ཧཱ་ར་ཉྩ ཐ་ཀེ་ཏྭཱ་ན, ཨཱ་པུ་ཙྪ ས་ཡ་ནཱ་ས་ནཾ.
༢༡༦. ཨཱ་པུ་ཙྪི་ཏ་བྦེ ཨ་ས་ཏི, སཾ་གོ་པེ་ཏྭཱ་ན སཱ་དྷུ་ཀཾ;
པ་ཀྐ་མེ་ཡྻ་ཉྙ་ཐཱ ཏ་སྶ, པ་ཀྐ་ནྟུཾ ན ཙ ཀ་པྤ་ཏི.
༢༡༧. ཨཱ་ཝཱ་སི་ཀོ པ་ཉྙཱ་པེ་ཡྻ, ཝུ་ཌྜྷཱ་ག་ནྟུ་སྶ ཨཱ་ས་ནཾ;
ཨུ་པ་ནི་ཀྑི་པེ པཱ་དོ་ད-པྤ་བྷུ་ཏིཾ པ་ཏྟ་ཙཱི་ཝ་རཾ.
༢༡༨. པ་ཙྩུ་གྒ་ནྟྭཱ་ན ག་ཎྷེ་ཡྻ, པཱ་ནཱི་ཡེ་ན ཙ པུ་ཙྪ་ཡེ;
ཨཱ་ག་ནྟུ་ཀེ་བྷི་ཝཱ་དེ་ཡྻ, པ་ཉྙ་པེ ས་ཡ་ནཱ་ས་ནཾ.
༢༡༩. ཨ་ཛ྄ཛྷཱ་ཝུ་ཏྠ་མ་ཝུ་ཏྠཾ ཝཱ, གོ་ཙ་རཱ་གོ་ཙ་རཾ ཝ་དེ;
ཝ་ཙྩ་པ་སྶཱ་ཝ་ཋཱ་ནཱ་ནི, ཀ་ཏི་ཀཾ སེ་ཀྑ་ས་མྨུ་ཏིཾ.
༢༢༠. པ་ཝེ་ས་ནི་ཀྑ་མེ ཀཱ་ལཾ, པ་རི་བྷོ་ཛི་ཡ་པཱ་ནི་ཡཾ;
ནི་སི་ནྣོ་ཝ ན་ཝ་ཀ་སྶ, ཨེ་ཏཾ ས་བྦཾ ས་མུ་དྡི་སེ་ཏི.