༣༡. ཝི་ཀ་པྤ་ནཱ་ནི་དྡེ་སོ

ཝི་ཀ་པྤ་ནཱ ཙེ་ཝཱཏི –

༢༢༡. ས་མྨུ་ཁཱ པ་ར་མྨུ་ཁཱ་ཏི, དུ་ཝེ ཝུ་ཏྟཱ ཝི་ཀ་པྤ་ནཱ;

ས་མྨུ་ཁཱ་ཡ ཝི་ཀ་པྤེ་ནྟོ, བྱ་ཏྟ་སྶེ་ཀ་སྶ ས་ནྟི་ཀེ;

‘‘ཨི་མཾ ཙཱི་ཝ་རཾ ཏུ་ཡ྄ཧཾ, ཝི་ཀ་པྤེ་མཱི’’ཏི བྷཱ་ས་ཡེ.

༢༢༢. ཨེ་ཏྟཱ་ཝ་ཏཱ ནི་དྷེ་ཏུཾ་ཝ, ཀ་པྤ་ཏཱི ན ཙ ཀ་པྤ་ཏི;

པ་རི་བྷོ་གཱ་དི་ཀཾ ཏེ་ན, ཨ་པྤ་ཙྩུ་དྡྷ་ཊ་བྷཱ་ཝ་ཏོ.

༢༢༣. ‘‘མ་ཡ྄ཧཾ ས་ནྟ་ཀཾ པ་རི་བྷུ་ཉྫ ཝཱ ཝི་སྶ་ཛྫེ་ཧི ཝཱ ཡ་ཐཱ་པ་ཙྩ་ཡཾ ཝཱ ཀ་རོ་ཧཱི’’ཏི –

ཏེ་ན པ་ཙྩུ་དྡྷ་ཊེ་ཡེ་ཝ, པ་རི་བྷོ་གཱ་དི ཀ་པྤ་ཏི.

༢༢༤. ཨ་པ་རཱ ས་མྨུ་ཁཱ་ཝེ་ཀཱ, བྷི་ཀྑུ་སྶེ་ཀ་སྶ ས་ནྟི་ཀེ;

ག་ཧེ་ཏྭཱ ནཱ་མ་མེ་ཀ་སྶ, པ་ཉྩ་ནྣཾ ས་ཧ་དྷ་མྨི་ནཾ.

༢༢༥. ‘‘ཨི་མཾ ཙཱི་ཝ་རཾ ཏི་སྶ་སྶ བྷི་ཀྑུ་ནོ, ཏི་སྶཱ་ཡ བྷི་ཀྑུ་ནི་ཡཱ, ཏི་སྶ་སྶ སཱ་མ་ཎེ་ར་སྶ, ཏི་སྶཱ་ཡ སཱ་མ་ཎེ་རི་ཡཱ, ཏི་སྶཱ་ཡ སི་ཀྑ་མཱ་ནཱ་ཡ ཝི་ཀ་པྤེ་མཱི’’ཏི ཝ་ཏྟ་བྦཾ.

ཏེ་ན བྷི་ཀྑུ་ནཱ ‘‘ཏི་སྶ་སྶ བྷི་ཀྑུ་ནོ, ཏི་སྶཱ་ཡ བྷི་ཀྑུ་ནི་ཡཱ, ཏི་སྶ་སྶ སཱ་མ་ཎེ་ར་སྶ, ཏི་སྶཱ་ཡ སཱ་མ་ཎེ་རི་ཡཱ, ཏི་སྶཱ་ཡ སི་ཀྑ་མཱ་ནཱ་ཡ ས་ནྟ་ཀཾ པ་རི་བྷུ་ཉྫ ཝཱ ཝི་སྶ་ཛྫེ་ཧི ཝཱ ཡ་ཐཱ་པ་ཙྩ་ཡཾ ཝཱ ཀ་རོ་ཧཱི’’ཏི ཝ་ཏྟ་བྦཾ.

༢༢༦. པ་ར་མྨུ་ཁཱ་ཝི་ཀ་པྤ་ནེ-ཀ་སྶ་ནྟི་ཀེ་ཝ་མཱི་ར་ཡེ;

‘‘ཨི་མཾ ཙཱི་ཝ་རཾ ཏུ་ཡ྄ཧཾ ཝི་ཀ་པྤ་ན་ཏྠཱ་ཡ ད་མྨཱི’’ཏི.

༢༢༧. ཏེ་ན ཝ་ཏྟ་བྦོ ‘‘ཀོ ཏེ མི་ཏྟོ ཝཱ ས་ནྡི་ཊྛོ ཝཱ’’ཏི. ཨི་ཏ་རེ་ན ཙེ་ཝཾ ཝ་ཏྟ་བྦཾ ‘‘ཏི་སྶོ བྷི་ཀྑཱུ’’ཏི ཝཱ ‘‘ཏི་སྶཱ བྷི་ཀྑུ་ནཱི’’ཏི ཝཱ ‘‘ཏི་སྶོ སཱ་མ་ཎེ་རོ’’ཏི ཝཱ ‘‘ཏི་སྶཱ སཱ་མ་ཎེ་རཱི’’ཏི ཝཱ ‘‘ཏི་སྶཱ སི་ཀྑ་མཱ་ནཱ’’ཏི ཝཱ.

པུ་ན ཏེ་ན ‘‘ཨ་ཧཾ ཏི་སྶ་སྶ ཏི་སྶཱ་ཡ ཝཱ ད་མྨཱི’’ཏི ཝི་ཀ་པྤེ་ཏྭཱ ཏེ་ནེ་ཝ ‘‘ཏི་སྶ་སྶ བྷི་ཀྑུ་ནོ, ཏི་སྶཱ་ཡ བྷི་ཀྑུ་ནི་ཡཱ, ཏི་སྶ་སྶ སཱ་མ་ཎེ་ར་སྶ, ཏི་སྶཱ་ཡ སཱ་མ་ཎེ་རི་ཡཱ, ཏི་སྶཱ་ཡ སི་ཀྑ་མཱ་ནཱ་ཡ ས་ནྟ་ཀཾ པ་རི་བྷུ་ཉྫ ཝཱ ཝི་སྶ་ཛྫེ་ཧི ཝཱ ཡ་ཐཱ་པ་ཙྩ་ཡཾ ཝཱ ཀ་རོ་ཧཱི’’ཏི པ་ཙྩུ་དྡྷ་རི་ཏ་བྦཾ.

༢༢༨. དཱུ་ར་ས་ནྟི་ཀ་ཏྟེ་ཀ་ཏྟ་བ་ཧུ་བྷཱ་ཝཾ ཝི་ཛཱ་ནི་ཡ;

‘‘ཨེ་ཏཾ ཨི་མ’’ནྟི ‘‘ཨེ་ཏཱ་ནི, ཨི་མཱ་ནཱི’’ཏེ་ཏྠ ཡོ་ཛ་ཡེ.

༢༢༩. ད་སཱ་ཧཾ མཱ་ས་མེ་ཀཾ ཝཱ, པ་ཉྩ ཝཱ ཀ་ཐི་ན་ཏྠ་ཏེ;

པཱ་རི་པཱུ་ར་ཏྠ་མཱུ་ན་སྶ, པ་ཙྩཱ་སཱ ས་ཏི མཱ་ས་ཀཾ;

ནུ་པྤཱ་ད་ཡ་ཏི ནི་སྶ་གྒིཾ, ནཱ་དྷི་ཊྛི་ཏ་ཝི་ཀ་པྤི་ཏ་ནྟི.