༡༤. བྷཱུ་མི་ནི་དྡེ་སོ

བྷཱུ་མི་ཡོཏི –

༡༣༦. ས་མྨུ་ཏུ་སྶཱ་ཝ་ན་ནྟཱ ཙ, གོ་ནི་སཱ་དཱི ག་ཧཱ་པ་ཏི;

ཀ་པྤི་ཡཱ བྷཱུ་མི་ཡོ ཡཱ་སུ, ཝུ་ཏྠཾ པ་ཀྐ་ཉྩ ཀ་པྤ་ཏི.

༡༣༧. ཝཱ་ས་ཏྠཱ་ཡ ཀ་ཏེ གེ་ཧེ, ས་ངྒྷི་ཀེ ཝེ་ཀ་ས་ནྟ་ཀེ;

ཀ་པྤི་ཡཱ ཀུ་ཊི ལ་དྡྷ་བྦཱ, ས་ཧ་སེ་ཡྻ་པྤ་ཧོ་ན་ཀེ.

༡༣༨. གེ་ཧེ ས་ངྒྷ་སྶ ཝེ་ཀ་སྶ, ཀ་ར་མཱ་ནེ་ཝ་མཱི་ར་ཡཾ;

པ་ཋ་མི་ཊྛ་ཀ་ཐ་མྦྷཱ་དིཾ, ཋ་པེ་ཡྻུསྶཱ་ཝ་ན་ནྟི་ཀཱ;

‘‘ཀ་པྤི་ཡ་ཀུ་ཊིཾ ཀ་རོ་མ, ཀ་པྤི་ཡ་ཀུ་ཊིཾ ཀ་རོ་མཱ’’ཏི.

༡༣༩. ཡེ་བྷུ་ཡྻེ་ནཱ་པ་རི་ཀྑི་ཏྟོ, ཨཱ་རཱ་མོ ས་ཀ་ལོ་པི ཝཱ;

ཝུ་ཙྩ་ཏེ ‘‘གོ་ནི་སཱ་དཱི’’ཏི, ས་མྨུ་ཏཱི ས་ངྒྷ་ས་མྨ་ཏཱ.

༡༤༠. བྷི་ཀྑུཾ ཋ་པེ་ཏྭཱ ཨ་ཉྙེ་ཧི, དི་ནྣོ ཏེ་སཾ་ཝ ས་ནྟ་ཀོ;

ཨ་ཏྠཱ་ཡ ཀ་པྤ་ཀུ་ཊི་ཡཱ, གེ་ཧོ ག་ཧ་པ་ཏཱི མ་ཏོ.

༡༤༡. ཨ་ཀ་པྤ་ཀུ་ཊི་ཡཱ ཝུ་ཏྠ་ས་པྤི་ཨཱ་དཱི་ཧི མི་སྶི་ཏཾ;

ཝ་ཛེ་ཡྻ ཨ་ནྟོ་ཝུ་ཏྠ་ཏྟཾ, པུ་རི་མཾ ཀཱ་ལི་ཀ་དྭ་ཡཾ.

༡༤༢. ཏེ་ཧེ་ཝ བྷི་ཀྑུ་ནཱ པ་ཀྐཾ, ཀ་པྤ་ཏེ ཡཱ་ཝ་ཛཱི་ཝི་ཀཾ;

ནི་རཱ་མི་སཾ་ཝ ས་ཏྟཱ་ཧཾ, སཱ་མི་སེ སཱ་མ་པཱ་ཀ་ཏཱ.

༡༤༣. ཨུ་སྶཱ་ཝ་ན་ནྟི་ཀཱ ཡེ་ཧི, ཐ་མྦྷཱ་དཱི་ཧི ཨ་དྷི་ཊྛི་ཏཱ;

ཏེ་སུ་ཡེ་ཝཱ་པ་ནཱི་ཏེ་སུ, ཏ་ད་ཉྙེ་སུ་པི ཏི་ཊྛ་ཏི.

༡༤༤. ས་བྦེ་སུ ཨ་པ་ནཱི་ཏེ་སུ, བྷ་ཝེ ཛ་ཧི་ཏ་ཝ་ཏྠུ་ཀཱ;

གོ་ནི་སཱ་དཱི པ་རི་ཀྑི་ཏྟེ, སེ་སཱ ཚ་ད་ན་ཝི་བྦྷ་མཱ་ཏི.