༡༥. ཨུ་པ་ཛ྄ཛྷཱ་ཙ་རི་ཡ་ཝ་ཏྟ་ནི་དྡེ་སོ

ཨུ་པ་ཛ྄ཛྷཱ་ཙ་རི་ཡ་ཝ་ཏྟཱ་ནཱིཏི –

༡༤༥. ནི་སྶཱ་ཡུ་པ་ཛ྄ཛྷཱ་ཙ་རི་ཡེ, ཝ་ས་མཱ་ནོ སུ་པེ་ས་ལོ;

ད་ནྟ་ཀ་ཊྛཱ་ས་ནཾ ཏོ་ཡཾ, ཡཱ་གུཾ ཀཱ་ལེ ད་དེ ས་དཱ.

༡༤༦. པ་ཏྟེ ཝ་ཏྟཾ ཙ་རེ གཱ་མ-པྤ་ཝེ་སེ ག་མ་ནཱ་ག་མེ;

ཨཱ་ས་ནེ པཱ་ད་པཱི་ཋེ ཙ, ཀ་ཐ་ལོ་པཱ་ཧ་ན་ཙཱི་ཝ་རེ.

༡༤༧. པ་རི་བྷོ་ཛ་ནཱི་ཡ་པཱ་ནཱི་ཡ-ཝ་ཙྩ་པྤ་སྶཱ་ཝ་ཋཱ་ནི་སུ;

ཝི་ཧཱ་ར་སོ་དྷ་ནེ ཝ་ཏྟཾ, པུ་ན པ་ཉྙཱ་པ་ནེ ཏ་ཐཱ.

༡༤༨. ན པ་པྥོ་ཊེ་ཡྻ སོ་དྷེ་ནྟོ, པ་ཊི་ཝཱ་ཏེ ཙ ས་ངྒ་ཎེ;

ཝི་ཧཱ་རཾ བྷི་ཀྑུ པཱ་ནཱི་ཡ-སཱ་མ་ནྟཱ ས་ཡ་ནཱ་ས་ནཾ.

༡༤༩. ནྷཱ་ནེ ནྷཱ་ཏ་སྶ ཀཱ་ཏ་བྦེ, ར་ངྒ་པཱ་ཀེ ཙ དྷོ་ཝ་ནེ;

སི་བྦ་ནེ ཙཱི་ཝ་རེ ཐེ་ཝེ, ར་ཛ་ནྟོ ན ཝ་ཛེ ཋི་ཏེ.

༡༥༠. ཨེ་ཀ་ཙྩ་སྶ ཨ་ནཱ་པུ་ཙྪཱ, པ་ཏྟཾ ཝཱ ཙཱི་ཝ་རཱ་ནི ཝཱ;

ན ད་དེ་ཡྻ ན ག་ཎྷེ་ཡྻ, པ་རི་ཀྑཱ་ར་ཉྩ ཀི་ཉྩ་ནཾ.

༡༥༡. ཨེ་ཀ་ཙྩཾ པ་ཙྪ་ཏོ ཀཱ་ཏུཾ, ག་ནྟུཾ ཝཱ ཏ་སྶ པ་ཙྪ་ཏོ;

པི་ཎྜ་པཱ་ཏ་ཉྩ ནི་ནྣེ་ཏུཾ, ནཱི་ཧ་རཱ་པེ་ཏུ་མ་ཏྟ་ནོ.

༡༥༢. ཀི་ཙྩ་ཡཾ པ་རི་ཀ་མྨཾ ཝཱ, ཀེ་ས་ཙྪེ་ད་ཉྩ ཨ་ཏྟ་ནོ;

ཀཱ་རཱ་པེ་ཏུཾ ཝ ཀཱ་ཏུཾ ཝཱ, ཨ་ནཱ་པུ་ཙྪཱ ན ཝ་ཊྚ་ཏི.

༡༥༣. གཱ་མཾ སུ་སཱ་ནཾ ནི་སྶཱི་མཾ, དི་སཾ ཝཱ ག་ནྟུ་མི་ཙྪ་ཏོ;

ཨ་ཏྟ་ནོ ཀི་ཙྩ་ཡཾ ཝཱ་པི, ཨ་ནཱ་པུ་ཙྪཱ ན ཝ་ཊྚ་ཏི.

༡༥༤. ཨུ་པྤ་ནྣཾ ཨ་ར་ཏིཾ དི་ཊྛིཾ, ཀུ་ཀྐུ་ཙྩཾ ཝཱ ཝི་ནོ་ད་ཡེ;

ཀ་རེ་ཡྻ ཝཱ་པི ཨུ་སྶུ་ཀྐཾ, ས་ངྒྷཱ་ཡ་ཏྟེ་སུ ཀ་མྨ་སུ.

༡༥༥. གི་ལཱ་ནེ་སུ ཨུ་པ་ཊྛེ་ཡྻ, ཝུ་ཊྛཱ་ནཾ ནེ་ས་མཱ་ག་མེ;

ཝ་ཏྟ་བྷེ་དེ་ན ས་བྦ་ཏྠ, ཨ་ནཱ་ད་རེ་ན དུ་ཀྐ་ཊ་ནྟི.