༡༣. ས་མ་ཎ་ཀ་པྤ་ནི་དྡེ་སོ
ས་མ་ཎ་ཀ་པྤཱཏི –
༡༢༥. བྷཱུ་ཏ་གཱ་མ་ས་མཱ་ར་མྦྷེ, པཱ་ཙི་ཏྟི ཀ་ཏ་ཀ་པྤི་ཡཾ;
ན་ཁེ་ན ཝཱ་གྒི་ས་ཏྠེ་ཧི, བྷ་ཝེ ས་མ་ཎ་ཀ་པྤི་ཡཾ.
༡༢༦. ས མཱུ་ལ་ཁ་ནྡྷ་བཱི་ཛ་གྒ-ཕ་ལུ༹་བཱི་ཛ་པྤ་བྷཱ་ཝི་ཏོ;
ཨཱ་ར་མྦྷེ དུ་ཀྐ་ཊཾ བཱི་ཛཾ, བྷཱུ་ཏ་གཱ་མ་ཝི་ཡོ་ཛི་ཏཾ.
༡༢༧. ནི་བྦ་ཊྚ་བཱི་ཛཾ ནོ་བཱི་ཛ-མ་ཀ་ཏ་ཉྩཱ་པི ཀ་པྤ་ཏི;
ཀ་ཊཱ་ཧ་བ་དྡྷ་བཱི་ཛཱ་ནི, བ་ཧི་དྡྷཱ ཝཱ་པི ཀཱ་ར་ཡེ.
༡༢༨. ཨེ་ཀཱ་བ་དྡྷེ་སུ བཱི་ཛེ་སུ, བྷཱ་ཛ་ནེ ཝཱ་པི བྷཱུ་མི་ཡཾ;
ཀ་ཏེ ཙ ཀ་པྤི་ཡེ་ཀ་སྨིཾ, ས་བྦེ་སྭེ་ཝ ཀ་ཏཾ བྷ་ཝེ.
༡༢༩. ནི་ཀྑི་ཏྟེ ཀ་པྤི་ཡཾ ཀ་ཏྭཱ, མཱུ་ལ་པ་ཎྞཱ་ནི ཛཱ་ཡ་རུཾ;
ཀ་པྤི་ཡཾ པུ་ན ཀཱ་རེ་ཡྻ, བྷཱུ་ཏ་གཱ་མོ ཧི སོ ཏ་དཱ.
༡༣༠. ས་པ་ཎྞོ ཝཱ ཨ་པ་ཎྞོ ཝཱ, སེ་ཝཱ་ལོ་ད་ཀ་ས་མྦྷ་ཝོ;
ཙེ་ཏི་ཡཱ་དཱི་སུ སེ་ཝཱ་ལོ, ནི་བྦ་ཊྚ་དྭ་ཏྟི་པ་ཏྟ་ཀོ;
བྷཱུ་ཏ་གཱ་མོ་ཝ བཱི་ཛ་མྤི, མཱུ་ལ་པ་ཎྞེ ཝི་ནི་གྒ་ཏེ.
༡༣༡. གྷ་ཊཱ་དི་པི་ཊྛེ སེ་ཝཱ་ལོ, མ་ཀུ་ལ༹ཾ ཨ་ཧི་ཚ་ཏྟ་ཀཾ;
དུ་ཀྐ་ཊ་སྶེ་ཝ ཝ་ཏྠཱུ་ནི, ཕུ་ལླ་མ་བྱ་ཝ་ཧཱ་རི་ཀཾ.
༡༣༢. ལཱ་ཁཱ་ནི་ཡྻཱ་ས་ཚ་ཏྟཱ་ནི, ཨ་ལླ་རུ་ཀྑེ ཝི་ཀོ་པི་ཡ;
ག་ཎྷ་ཏོ ཏ་ཏྠ པཱ་ཙི་ཏྟི, ཚི་ནྡ་ཏོ ཝཱ་པི ཨ་ཀྑ་རཾ.
༡༣༣. པཱི་ལེ༹་ཏུཾ ནཱ་ལི༹་ཀེ་རཱ་དིཾ, དཱ་རུ་མ་ཀྐ་ཊ་ཀཱ་དི་ནཱ;
ཚི་ནྡི་ཏུཾ ག་ཎྛི་ཀཾ ཀཱ་ཏུཾ, ཏི་ཎཱ་དིཾ ན ཙ ཀ་པྤ་ཏི.
༡༣༤. བྷཱུ་ཏ་གཱ་མཾ ཝ བཱི་ཛཾ ཝཱ, ཚི་ནྡ བྷི་ནྡོ་ཙི་ནཱ་ཧི ཝཱ;
ཕཱ་ལེ་ཧི ཝི་ཛ྄ཛྷ པ་ཙ ཝཱ, ནི་ཡ་མེ་ཏྭཱ ན བྷཱ་ས་ཡེ.
༡༣༥. ཨི་མཾ ཀ་རོ་ཧི ཀ་པྤི་ཡཾ, ཨི་མཾ ག་ཎྷེ་ད་མཱ་ཧ་ར;
ཨི་མཾ དེ་ཧི ཨི་མཾ སོ་དྷེ་ཧེ་ཝཾ ཝ་ཊྚ་ཏི བྷཱ་སི་ཏུ་ནྟི.