༤. པུ་རཱ་ཎ་ཙཱི་ཝ་ར་སི་ཀྑཱ་པ་ད་ཝ་ཎྞ་ནཱ

‘‘སཱ་ཀི་ཡཱ་ནི་ཡོ ཝི་ཡ སུ་དྡྷ་བྷི་ཀྑུ་ས་ངྒྷེ ཝཱ’’ཏི ཨི་དཾ ‘‘བྷི་ཀྑུ་ནཱི ནཱ་མ ཨུ་བྷ་ཏོ་ས་ངྒྷེ ཨུ་པ་ས་མྤ་ནྣཱ’’ཏི (པཱ་རཱ. ༥༠༥) ཨི་མི་ནཱ ཝི་རུ་ཛ྄ཛྷ་ཏཱི་ཏི ཙེ? ན, ཨ་དྷི་པྤཱ་ཡཱ་ཛཱ་ན་ན་ཏོ. བྷི་ཀྑཱུ་ནཾ ས་ནྟི་ཀེ ཨུ་པ་ས་མྤ་དཱ་ཡ པ་ཊི་ཀྑི་ཏྟ་ཏྟཱ ཏ་ད་ནུ་པྤ་ས་ངྒ་བྷ་ཡཱ ཨེ་ཝཾ ཝུ་ཏྟ་ནྟི ཝེ་དི་ཏ་བྦཾ.

ཨེ་ཀེ་ན ཝ་ཏྠུ་ནཱཏི ཡེ་ན ཀེ་ན་ཙི པ་ཋ་མེ་ན. ཨ་ཝུ་ཏྟཱ ཝཱ དྷོ་ཝ་ཏཱིཏི ཨ་ཝུ་ཏྟཱ དྷོ་ཝ་ཏི, ར་ཛ་ཏི ཨཱ་ཀོ་ཊེ་ཏཱི་ཏི ཨ་ཏྠོ. ‘‘‘ཨ་ཝུ་ཏྟཱ’ཏི ཝ་ཙ་ན་ཏོ ཨ་ཝཱ་དཱ་པེ་ཏྭཱ དྷོ་ཝ་ནཱ་དཱི་སུ ཨ་ནཱ་པ་ཏྟཱི’’ཏི ལི་ཁི་ཏཾ. ཨི་དྷ ཙཱི་ཝ་རཾ ནཱ་མ ནི་ཝཱ་ས་ན་པཱ་རུ་པ་ནཱུ་པ་ག་མེ་ཝ. ཡ་དི ཨེ་ཝཾ ‘‘ནི་ཝཱ་ས་ན་པཱ་རུ་པ་ནཱུ་པ་ག་མེ་ཝ ཝ་ཏྟ་བྦ’’ནྟི ཙེ? ཏཾ ན ཝ་ཏྟ་བྦཾ ‘‘པུ་རཱ་ཎ་ཙཱི་ཝ་ར’’ནྟི ཨི་མི་ནཱ་ཝ སི་དྡྷ་ཏྟཱ. ཝུ་ཏྟ་ཉྷེ་ཏཾ ‘‘པུ་རཱ་ཎ་ཙཱི་ཝ་རཾ ནཱ་མ ས་ཀིཾ ནི་ཝ་ཏྠ་མྤི ས་ཀིཾ པཱ་རུ་ཏ་མྤཱི’’ཏི (པཱ་རཱ. ༥༠༥).

པུ་རཱ་ཎ་ཙཱི་ཝ་ར་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.