༤. ཨ་ཏྟ་ཀཱ་མ་སི་ཀྑཱ་པ་ད་ཝ་ཎྞ་ནཱ

དུ་ཊྛུ་ལློ་བྷཱ་ས་ནེ ཝུ་ཏྟ་པྤ་ཀཱ་རཱ་ཡཱཏི དུ་ཊྛུ་ལླཱ་དུ་ཊྛུ་ལླ་ཛཱ་ན་ན་ས་མ་ཏྠཱ་ཡ. པ་ར་སྶ བྷི་ཀྑུ་ནོ ཨ་ཏྟ་ཀཱ་མ་པཱ་རི་ཙ་རི་ཡཱ་ཡ ཝ་ཎྞ་བྷ་ཎ་ནེ དུ་ཀྐ་ཊཾ, ‘‘ཡོ ཏེ ཝི་ཧཱ་རེ ཝ་ས་ཏི, ཏ་སྶ ཨ་གྒ་དཱ་ནཾ མེ་ཐུ་ནཾ དྷ་མྨཾ དེ་ཧཱི’’ཏི པ་རི་ཡཱ་ཡ་ཝ་ཙ་ནེ་པི དུ་ཀྐ་ཊཾ, ‘‘ཨ་ཏྟ་ཀཱ་མ་པཱ་རི་ཙ་རི་ཡཱ་ཡ ཝ་ཎྞཾ བྷཱ་སེ་ཡྻ, ཡཱ མཱ་དི་སཾ སཱི་ལ་ཝ་ནྟ’’ནྟི ཙ ཝུ་ཏྟ་ཏྟཱ་ཏི ཨེ་ཀེ. པ་ཉྩ་སུ ཨ་ངྒེ་སུ ས་བྦྷཱ་ཝཱ ས་ངྒྷཱ་དི་སེ་སོ་ཝཱ་ཏི ཨེ་ཀེ, ཝི་ཙཱ་རེ་ཏྭཱ ག་ཧེ་ཏ་བྦཾ. ‘‘ཨི་མ་སྨིཾ སི་ཀྑཱ་པ་ད་དྭ་ཡེ ཀཱ་ཡ་སཾ་ས་གྒེ ཝི་ཡ ཡ་ཀྑི་པེ་ཏཱི་སུ་པི དུ་ཊྛུ་ལླ་ཏྟ་ཀ་ཨཱ་མ་ཝ་ཙ་ནེ ཐུ་ལླ་ཙྩ་ཡ་ནྟི ཝ་ད་ནྟི. ཨ་ཊྛ་ཀ་ཐཱ་སུ པ་ན ནཱ་ག་ཏ’’ནྟི (ཝ་ཛི་ར. ཊཱི. པཱ་རཱ་ཛི་ཀ ༢༩༥) ལི་ཁི་ཏཾ. ཨུ་བྷ་ཏོ་བྱ་ཉྫ་ན་ཀོ པ་ན པ་ཎྜ་ཀ་ག་ཏི་ཀོ་ཝ.

ཨ་ཏྟ་ཀཱ་མ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.