༤. ཨ་ཉྙ་ཝི་ཉྙཱ་པ་ན་སི་ཀྑཱ་པ་ད་ཝ་ཎྞ་ནཱ

པ་ཊི་ལཱ་བྷེ་ནཱཏི པ་ཋ་མ་ཝི་ཉྙ་ཏྟི་ཏོ ཨཱུ་ན་ཏ་ར་སྶཱ་པི ཨ་ཉྙ་སྶ པ་ཊི་ལཱ་བྷེ་ན.

ཏ་སྨིཾ ཨ་པྤ་ཧོ་ནྟེ པུ་ན ཏ་ཉྙེ་ཝཱཏི ཡཾ པ་ཋ་མཾ ཝི་ཉྙ་ཏྟཾ, ཐོ་ཀ་ཏྟཱ ཏ་སྨིཾ ཨ་པྤ་ཧོ་ནྟེ པུ་ན ཏ་ཉྙེ་ཝ ཝི་ཉྙཱ་པེ་ནྟི་ཡཱ་ཏི ཨ་ཏྠོ. ཨ་ཉྙེ་ནཔི ཨ་ཏྠེ ས་ཏཱི ཏི པ་ཋ་མཾ ཝི་ཉྙ་ཏྟི་ཏོ ཨ་ཉྙེ་ན་པི ཨ་ཏྠེ ས་ཏི. ཏེ་ན ས་དྡྷིཾ ཨ་ཉྙ་ཉྩཱཏི ཡཾ པ་ཋ་མཾ ཝི་ཉྙ་ཏྟཾ, ཏེ་ན ས་དྡྷིཾ ཨ་ཉྙ་ཉྩ. ཀིཾ ཝུ་ཏྟཾ ཧོ་ཏི? ས་ཙེ པ་ཋ་མཾ ས་པྤི ཝི་ཉྙ་ཏྟཾ, ‘‘ཡ་མ་ཀཾ པ་ཙི་ཏ་བྦ’’ནྟི ཙ ཝེ་ཛྫེ་ན ཝུ་ཏྟ་ཏྟཱ ཏེ་ལེ་ནཱ་པི ཨ་ཏྠོ ཧོ་ཏི. ཏ་ཏོ ‘‘ཏེ་ལེ་ནཱ་པི མེ ཨ་ཏྠོ’’ཏི ཨེ་ཝ་མཱ་དི་ནཱ ཨ་ཉྙ་ཉྩ ཝི་ཉྙཱ་པེ་ནྟི་ཡཱ་ཏི ཝུ་ཏྟཾ ཧོ་ཏི. ཨཱ་ནི་སཾ་སཾ ད་སྶེ་ཏྭཱཏི ‘‘ས་ཙེ ཀ་ཧཱ་པ་ཎ་སྶ ས་པྤི ཨཱ་བྷ་ཏཾ ཧོ་ཏི, ཨི་མི་ནཱ མཱུ་ལེ་ན དྭི་གུ་ཎཾ ཏེ་ལཾ ལ་བྦྷ་ཏི, ཏེ་ལེ་ནཱ་པི ཙ ཨི་དཾ ཀི་ཙྩཾ ནི་པྤ་ཛྫ་ཏི, ཏ་སྨཱ ཏེ་ལཾ ཨཱ་ཧ་རཱ’’ཏི ཨེ་ཝཾ ཨཱ་ནི་སཾ་སཾ ད་སྶེ་ཏྭཱ.

ཨ་ཉྙ་ཝི་ཉྙཱ་པ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.