༦. ཨ་མཱུ་ལ་ཀ་སི་ཀྑཱ་པ་ད་ཝ་ཎྞ་ནཱ

ཚ་ཊྛེ ཨ་མཱུ་ལ་ཀེ་ནཱཏི དི་ཊྛཱ་དི་མཱུ་ལ་ཝི་ར་ཧི་ཏེ་ན. ཨ་ནུ་དྡྷཾ་སེ་ཡྻཱཏི ཙོ་དེ་ཡྻ ཝཱ ཙོ་དཱ་པེ་ཡྻ ཝཱ. པཱ་ཙི་ཏྟི་ཡནྟི ས་ཙེ ཙུ་དི་ཏ་ཀོ ཏ་ངྑ་ཎ་ཉྙེ་ཝ ‘‘ཙོ་དེ་ཏི མ’’ནྟི ཛཱ་ནཱ་ཏི, ཙོ་ད་ཀ་སྶ པཱ་ཙི་ཏྟི་ཡཾ.

སཱ་ཝ་ཏྠི་ཡཾ ཚ་བྦ་གྒི་ཡེ ཨཱ་ར་བྦྷ ཨ་མཱུ་ལ་ཀེ་ན ས་ངྒྷཱ་དི་སེ་སེ་ན ཨ་ནུ་དྡྷཾ་ས་ན་ཝ་ཏྠུ་སྨིཾ པ་ཉྙ་ཏྟཾ, སཱ་དྷཱ་ར་ཎ་པ་ཉྙ་ཏྟི, སཱ་ཎ་ཏྟི་ཀཾ, ཏི་ཀ་པཱ་ཙི་ཏྟི་ཡཾ, ཨཱ་ཙཱ་ར་ཝི་པ་ཏྟི་ཡཱ ཝཱ དི་ཊྛི་ཝི་པ་ཏྟི་ཡཱ ཝཱ ཨ་ནུ་དྡྷཾ་ས་ནེ དུ་ཀྐ་ཊཾ, ཨ་ནུ་པ་ས་མྤ་ནྣེ ཏི་ཀ་དུ་ཀྐ་ཊཾ. ཏ་ཐཱ་ས་ཉྙི་སྶ, ཨུ་མྨ་ཏྟ་ཀཱ་དཱི་ན་ཉྩ ཨ་ནཱ་པ་ཏྟི. ཨུ་པ་ས་མྤ་ནྣ་ཏཱ, ས་ངྒྷཱ་དི་སེ་ས་སྶ ཨ་མཱུ་ལ་ཀ་ཏཱ, ཨ་ནུ་དྡྷཾ་ས་ནཱ, ཏ་ངྑ་ཎ་ཝི་ཛཱ་ན་ནཱ་ཏི ཨི་མཱ་ནེ་ཏྠ ཙ་ཏྟཱ་རི ཨ་ངྒཱ་ནི. ས་མུ་ཊྛཱ་ནཱ་དཱི་ནི ཨ་དི་ནྣཱ་དཱ་ན་ས་དི་སཱ་ནི, ཨི་དཾ པ་ན དུ་ཀྑ་ཝེ་ད་ན་ནྟི.

ཨ་མཱུ་ལ་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.