༡. ས་ཉྩི་ཙྩ་སི་ཀྑཱ་པ་ད་ཝ་ཎྞ་ནཱ

ས་པྤཱ་ཎ་ཀ་ཝ་གྒ་སྶ པ་ཋ་མེ པཱ་ཎོཏི ཏི་ར་ཙྪཱ་ན་ག་ཏ་པཱ་ཎོ ཨ་དྷི་པྤེ་ཏོ. ཏཾ ཁུ་དྡ་ཀ་མྤི མ་ཧ་ནྟ་མྤི མཱ་རེ་ནྟ་སྶ པཱ་ཙི་ཏྟི་ཡ་མེ་ཝ, མ་ཧ་ནྟེ པ་ན ཨུ་པ་ཀྐ་མ་མ་ཧ་ནྟ་ཏཱ་ཡ ཨ་ཀུ་ས་ལཾ མ་ཧ་ནྟཾ ཧོ་ཏི.

སཱ་ཝ་ཏྠི་ཡཾ ཨུ་དཱ་ཡི་ཏྠེ་རཾ ཨཱ་ར་བྦྷ པཱ་ཎཾ ཛཱི་ཝི་ཏཱ ཝོ་རོ་པ་ན་ཝ་ཏྠུ་སྨིཾ པ་ཉྙ་ཏྟཾ, སཱ་དྷཱ་ར་ཎ་པ་ཉྙ་ཏྟི, སཱ་ཎ་ཏྟི་ཀཾ, པཱ་ཎེ ཝེ་མ་ཏི་ཀ་སྶ, ཨ་པཱ་ཎེ པཱ་ཎ་ས་ཉྙི་ནོ, ཝེ་མ་ཏི་ཀ་སྶ ཝཱ དུ་ཀྐ་ཊཾ. ཨ་པཱ་ཎ་ས་ཉྙི་སྶ, ཨ་ས་ཉྩི་ཙྩ, ཨ་ཛཱ་ན་ནྟ་སྶ, ན་མ་ར་ཎཱ་དྷི་པྤཱ་ཡ་སྶ, ཨུ་མྨ་ཏྟ་ཀཱ་དཱི་ན་ཉྩ ཨ་ནཱ་པ་ཏྟི. སེ་སཾ མ་ནུ་སྶ་ཝི་གྒ་ཧེ ཝུ་ཏྟ་ན་ཡ་མེ་ཝཱ་ཏི.

ས་ཉྩི་ཙྩ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.