༢. ཨ་ངྒུ་ལི་པ་ཏོ་ད་ཀ་སི་ཀྑཱ་པ་ད་ཝ་ཎྞ་ནཱ

དུ་ཏི་ཡེ ཨ་ངྒུ་ལི་པ་ཏོ་ད་ཀེཏི ཨ་ངྒུ་ལཱི་ཧི ཨུ་པ་ཀ་ཙྪ་ཀཱ་དི་གྷ་ཊྚ་ནཾ ཝུ་ཙྩ་ཏི, ཨ་པི་ཙ ཡེ་ན ཀེ་ན་ཙི ས་རཱི་རཱ་ཝ་ཡ་ཝེ་ན ཧ་སཱ་དྷི་པྤཱ་ཡ་སྶ ཨུ་པ་ས་མྤ་ནྣཾ ཕུ་ས་ཏོ པཱ་ཙི་ཏྟི་ཡཾ.

སཱ་ཝ་ཏྠི་ཡཾ ཚ་བྦ་གྒི་ཡེ ཨཱ་ར་བྦྷ ཨ་ངྒུ་ལི་པ་ཏོ་ད་ཀེ་ན ཧ་ས་ན་ཝ་ཏྠུ་སྨིཾ པ་ཉྙ་ཏྟཾ, སཱ་དྷཱ་ར་ཎ་པ་ཉྙ་ཏྟི, ཨ་ནཱ་ཎ་ཏྟི་ཀཾ, ཏི་ཀ་པཱ་ཙི་ཏྟི་ཡཾ, ཨ་ནུ་པ་ས་མྤ་ནྣེ ཏི་ཀ་དུ་ཀྐ་ཊཾ, ཨི་དྷ པ་ན བྷི་ཀྑུ་ནཱི་པི བྷི་ཀྑུ་སྶ, བྷི་ཀྑུ ཙ བྷི་ཀྑུ་ནི་ཡཱ ཨ་ནུ་པ་ས་མྤ་ནྣོ ཨེ་ཝ, ཀཱ་ཡ་པྤ་ཊི་བ་དྡྷཱ་དཱི་སུ ས་བྦ་ཏྠ དུ་ཀྐ་ཊ་མེ་ཝ. ན ཧ་ས་ནཱ་དྷི་པྤཱ་ཡ་སྶ, ས་ཏི ཀ་ར་ཎཱི་ཡེ ཨཱ་མ་ས་ཏོ, ཨུ་མྨ་ཏྟ་ཀཱ་དཱི་ན་ཉྩ ཨ་ནཱ་པ་ཏྟི. ཧ་སཱ་དྷི་པྤཱ་ཡ་ཏཱ, ཨུ་པ་ས་མྤ་ནྣ་སྶ ཀཱ་ཡེ་ན ཀཱ་ཡཱ་མ་ས་ན་ནྟི ཨི་མཱ་ནེ་ཏྠ དྭེ ཨ་ངྒཱ་ནི. ས་མུ་ཊྛཱ་ནཱ་དཱི་ནི པ་ཋ་མ་པཱ་རཱ་ཛི་ཀ་ས་དི་སཱ་ནེ་ཝཱ་ཏི.

ཨ་ངྒུ་ལི་པ་ཏོ་ད་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.