༧. ནི་ཀྐ་ཌྜྷ་ན་སི་ཀྑཱ་པ་ད་ཝ་ཎྞ་ནཱ

ས་ཏྟ་མེ ཀུ་པི་ཏོཏི ཀུ་དྡྷོ. ཨ་ན་ཏྟ་མ་ནོཏི ཨ་ཏུ་ཊྛ་ཙི་ཏྟོ. ནི་ཀྐ་ཌྜྷེ་ཡྻ ཝཱ ནི་ཀྐ་ཌྜྷཱ་པེ་ཡྻ ཝཱ པཱ་ཙི་ཏྟི་ཡནྟི ཨེ་ཏྠ ཡེ ཨ་ནེ་ཀ་བྷཱུ་མ་ཀཱ པཱ་སཱ་དཱ, ཨ་ནེ་ཀ་ཀོ་ཊྛ་ཀཱ་ནི ཝཱ ཙ་ཏུ་སྶཱ་ལཱ་ནི, ཏཱ་དི་སེ་སུ སེ་ནཱ་ས་ནེ་སུ ག་ཧེ་ཏྭཱ ཨ་ནྟ་རཱ ཨ་ཊྛ་པེ་ཏྭཱ ཨེ་ཀེ་ནེ་ཝ པ་ཡོ་གེ་ན ཨ་ཏི་ཀྐཱ་མེ་ནྟ་སྶ ཨེ་ཀཾ པཱ་ཙི་ཏྟི་ཡཾ, ཋ་པེ་ཏྭཱ ཋ་པེ་ཏྭཱ ནཱ་ནཱ་པ་ཡོ་གེ་ཧི ཨ་ཏི་ཀྐཱ་མེ་ནྟ་སྶ དྭཱ་ར་ག་ཎ་ནཱ་ཡ པཱ་ཙི་ཏྟི་ཡཱ་ནི, ཧ་ཏྠེ་ན ཨ་ནཱ་མ་སི་ཏྭཱ ‘ནི་ཀྑ་མཱ’ཏི ཝ་ཏྭཱ ཝཱ་ཙཱ་ཡ ནི་ཀྐ་ཌྜྷ་ནྟ་སྶཱ་པི ཨེ་སེ་ཝ ན་ཡོ. ནི་ཀྐ་ཌྜྷཱ་པེ་ནྟ་སྶ པ་ན ‘ནི་ཀྐ་ཌྜྷཱ’ཏི ཨཱ་ཎ་ཏྟ་མ་ཏྟེ དུ་ཀྐ་ཊཾ, ས་ཀིཾ ཨཱ་ཎ་ཏྟེ པ་ན ཏ་སྨིཾ བ་ཧུ་ཀེ་པི དྭཱ་རེ ནི་ཀྑ་མ་ནྟེ ཨི་ཏ་ར་སྶ ཨེ་ཀ་མེ་ཝ པཱ་ཙི་ཏྟི་ཡཾ. ས་ཙེ པ་ན ‘‘ཨེ་ཏྟ་ཀཱ་ནི དྭཱ་རཱ་ནི ནི་ཀྐ་ཌྜྷཱ་ཧཱི’’ཏི ཝཱ, ‘‘ཡཱ་ཝ མ་ཧཱ་དྭཱ་རཾ, ཏཱ་ཝ ནི་ཀྐ་ཌྜྷཱ་ཧཱི’’ཏི ཝཱ ཨེ་ཝཾ ནི་ཡ་མེ་ཏྭཱ ཨཱ་ཎ་ཏྟོ ཧོ་ཏི, དྭཱ་ར་ག་ཎ་ནཱ་ཡ པཱ་ཙི་ཏྟི་ཡཱ་ནི.

སཱ་ཝ་ཏྠི་ཡཾ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ བྷི་ཀྑུཾ ས་ངྒྷི་ཀཱ ཝི་ཧཱ་རཱ ནི་ཀྐ་ཌྜྷ་ན་ཝ་ཏྠུ་སྨིཾ

པ་ཉྙ་ཏྟཾ, སཱ་དྷཱ་ར་ཎ་པ་ཉྙ་ཏྟི, སཱ་ཎ་ཏྟི་ཀཾ, ཏི་ཀ་པཱ་ཙི་ཏྟི་ཡཾ, པུ་གྒ་ལི་ཀེ ཏི་ཀ་དུ་ཀྐ་ཊཾ, ཏ་སྶ པ་རི་ཀྑཱ་ར་ནི་ཀྐ་ཌྜྷ་ནེ, ཨུ་པ་ཊྛཱ་ན་སཱ་ལཱ་དི་ཀཱ ཝི་ཧཱ་རཱུ་པ་ཙཱ་རཱ ཏ་སྶ ཝཱ ཏ་སྶ པ་རི་ཀྑཱ་ར་སྶ ཝཱ ནི་ཀྐ་ཌྜྷ་ནེ, ཨ་ནུ་པ་ས་མྤ་ནྣ་སྶ པ་ན ཨ་ནུ་པ་ས་མྤ་ནྣ་པ་རི་ཀྑཱ་ར་སྶ ཝཱ ཝི་ཧཱ་རཱ ཝཱ ཝི་ཧཱ་རཱུ་པ་ཙཱ་རཱ ཝཱ ནི་ཀྐ་ཌྜྷ་ནེ ནི་ཀྐ་ཌྜྷཱ་པ་ནེ ཙ དུ་ཀྐ་ཊ་མེ་ཝ. ཏ་ཉྩ ཁོ ཨ་ས་མྦ་དྡྷེ་སུ པ་རི་ཀྑཱ་རེ་སུ པ་རི་ཀྑཱ་ར་ག་ཎ་ནཱ་ཡ ཝེ་དི་ཏ་བྦཾ. ཨ་ཏྟ་ནོ ཝཱ, ཝི་སྶཱ་སི་ཀ་སྶ ཝཱ ས་ནྟ་ཀཱ ཝི་ཧཱ་རཱ ནི་ཀྐ་ཌྜྷ་ནེ, ས་ཀ་ལ་ས་ངྒྷཱ་རཱ་མ་ཏོ་པི བྷ་ཎྜ་ན་ཀཱ་ར་ཀ་སྶ ཝཱ ཏ་སྶ པ་རི་ཀྑཱ་ར་སྶ ཝཱ ནི་ཀྐ་ཌྜྷ་ནེ ནི་ཀྐ་ཌྜྷཱ་པ་ནེ ཝཱ, ཨ་ཏྟ་ནོ ཝ་ས་ན་ཊྛཱ་ན་ཏོ ཨ་ལ་ཛྫི་སྶ, ཨུ་མྨ་ཏྟ་ཀ་སྶ, ན ས་མྨཱ་ཝ་ཏྟ་ནྟཱ་ནཾ ཨ་ནྟེ་ཝཱ་སི་ཀ་ས་ཨ་ཝི་ཧཱ་རི་ཀཱ་ནཾ, ཏེ་སཾ པ་རི་ཀྑཱ་ར་སྶ ཝཱ ནི་ཀྐ་ཌྜྷ་ནེ ཙ, ས་ཡཾ ཨུ་མྨ་ཏྟ་ཀཱ་དཱི་ན་ཉྩ ཨ་ནཱ་པ་ཏྟི. ས་ངྒྷི་ཀ་ཝི་ཧཱ་རོ, ཨུ་པ་ས་མྤ་ནྣ་སྶ བྷ་ཎྜ་ན་ཀཱ་ར་ཀ་བྷཱ་ཝཱ་དི་ཝི་ནི་མུ་ཏྟ་ཏཱ, ཀོ་པེ་ན ནི་ཀྐ་ཌྜྷ་ནཾ ཝཱ ནི་ཀྐ་ཌྜྷཱ་པ་ནཾ ཝཱ་ཏི ཨི་མཱ་ནེ་ཏྠ ཏཱི་ཎི ཨ་ངྒཱ་ནི. ས་མུ་ཊྛཱ་ནཱ་དཱི་ནི ཨ་དི་ནྣཱ་དཱ་ན་ས་དི་སཱ་ནི, ཨི་དཾ པ་ན དུ་ཀྑ་ཝེ་ད་ན་ནྟི.

ནི་ཀྐ་ཌྜྷ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.