༨. བྷཱུ་ཏཱ་རོ་ཙ་ན་སི་ཀྑཱ་པ་ད་ཝ་ཎྞ་ནཱ

ཨ་ཊྛ་མེ ཨུ་ཏྟ་རི་མ་ནུ་སྶ་དྷ་མྨནྟི ཙ་ཏུ་ཏྠ་པཱ་རཱ་ཛི་ཀེ ཝུ་ཏྟ་ལ་ཀྑ་ཎཾ ཨུ་ཏྟ་རི་མ་ནུ་སྶཱ་ནཾ ཛྷཱ་ཡཱི་ན་ཉྩེ་ཝ ཨ་རི་ཡཱ་ན་ཉྩ དྷ་མྨཾ. བྷཱུ་ཏ་སྨིཾ པཱ་ཙི་ཏྟི་ཡནྟི ཨ་ཏྟ་ནི ཛྷཱ་ནཱ་དི་དྷ་མྨེ ས་ཏི ཏཾ བྷི་ཀྑུ་ཉྩ བྷི་ཀྑུ་ནི་ཉྩ ཋ་པེ་ཏྭཱ ཨ་ཉྙ་སྶ ཨཱ་རོ་ཙ་ཡ་ཏོ པཱ་ཙི་ཏྟི་ཡཾ.

ཝེ་སཱ་ལི་ཡཾ ཝ་གྒུ་མུ་དཱ་ཏཱི་རི་ཡེ བྷི་ཀྑཱུ ཨཱ་ར་བྦྷ ཏེ་སཾ བྷཱུ་ཏཱ་རོ་ཙ་ན་ཝ་ཏྠུ་སྨིཾ པ་ཉྙ་ཏྟཾ, སཱ་དྷཱ་ར་ཎ་པ་ཉྙ་ཏྟི, ཨ་ནཱ་ཎ་ཏྟི་ཀཾ, ནི་པྤ་རི་ཡཱ་ཡེ་ན ཨ་ཏྟ་ནི ཝི་ཛྫ་མཱ་ནཾ ཛྷཱ་ནཱ་དི་དྷ་མྨཾ ཨཱ་རོ་ཙེ་ནྟ་སྶ ས་ཙེ ཡ་སྶ ཨཱ་རོ་ཙེ་ཏི, སོ ཨ་ན་ནྟ་ར་མེ་ཝ ‘‘ཨ་ཡཾ ཛྷཱ་ན་ལཱ་བྷཱི’’ཏི ཝཱ ‘‘ཨ་རི་ཡོ’’ཏི ཝཱ ཡེ་ན ཀེ་ན་ཙི ཨཱ་ཀཱ་རེ་ན ཏ་མ་ཏྠཾ ཛཱ་ནཱ་ཏི, པཱ་ཙི་ཏྟི་ཡཾ. ནོ ཙེ ཛཱ་ནཱ་ཏི, དུ་ཀྐ་ཊཾ. པ་རི་ཡཱ་ཡེ་ན ཨཱ་རོ་ཙི་ཏཾ པ་ན ཛཱ་ནཱ་ཏུ ཝཱ, མཱ ཝཱ, དུ་ཀྐ་ཊ་མེ་ཝ. ཏ་ཐཱ་རཱུ་པེ ཀཱ་ར་ཎེ ས་ཏི ཨུ་པ་ས་མྤ་ནྣ་སྶ ཨཱ་རོ་ཙ་ཡ་ཏོ, ཨཱ་དི་ཀ་མྨི་ཀ་སྶ ཙ ཨ་ནཱ་པ་ཏྟི. ཡ་སྨཱ པ་ན ཨ་རི་ཡཱ་ནཾ ཨུ་མྨ་ཏྟ་ཀཱ་དི་བྷཱ་ཝོ ན་ཏྠི, ཛྷཱ་ན་ལཱ་བྷི་ནོ པ་ན ཏ་སྨིཾ ས་ཏི ཛྷཱ་ནཱ པ་རི་ཧཱ་ཡ་ནྟི, ཏ་སྨཱ ཏེ ཨི་དྷ ན ག་ཧི་ཏཱ. ཨུ་ཏྟ་རི་མ་ནུ་སྶ་དྷ་མྨ་སྶ བྷཱུ་ཏ་ཏཱ, ཨ་ནུ་པ་ས་མྤ་ནྣ་སྶ ཨཱ་རོ་ཙ་ནཾ, ཏ་ངྑ་ཎ་ཝི་ཛཱ་ན་ནཱ, ཨ་ན་ཉྙཱ་པ་དེ་སོ་ཏི ཨི་མཱ་ནེ་ཏྠ ཙ་ཏྟཱ་རི ཨ་ངྒཱ་ནི. བྷཱུ་ཏཱ་རོ་ཙ་ན་ས་མུ་ཊྛཱ་ནཾ, ཀི་རི་ཡཾ, ནོ་ས་ཉྙཱ་ཝི་མོ་ཀྑཾ, ཨ་ཙི་ཏྟ་ཀཾ, པ་ཎྞ་ཏྟི་ཝ་ཛྫཾ, ཀཱ་ཡ་ཀ་མྨཾ, ཝ་ཙཱི་ཀ་མྨཾ, ཀུ་ས་ལཱ་བྱཱ་ཀ་ཏ་ཙི་ཏྟེ་ཧི དྭི་ཙི་ཏྟཾ, སུ་ཁ་མ་ཛ྄ཛྷ་ཏྟ་ཝེ་ད་ནཱ་ཧི དྭི་ཝེ་ད་ན་ནྟི.

བྷཱུ་ཏཱ་རོ་ཙ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.