༧. བྷི་ཀྑུ་ནི་ཨུ་མྨ་དྡཱ་པ་ན་སི་ཀྑཱ་པ་ད་ཝ་ཎྞ་ནཱ

ས་ཏྟ་མེ ཨུ་མྨ་དྡཱ་པེ་ཡྻཱཏི ཨུ་བྦ་ཊྚཱ་པེ་ཡྻ. པ་རི་མ་དྡཱ་པེ་ཡྻཱཏི ས་མྦཱ་ཧཱ་པེ་ཡྻ. ཨེ་ཏྠ ཙ ཧ་ཏྠཾ ཨ་མུ་ཉྩི་ཏྭཱ ཨུ་བྦ་ཊྚ་ནེ ཨེ་ཀཱ་ཝ ཨཱ་པ་ཏྟི, མོ་ཙེ་ཏྭཱ མོ་ཙེ་ཏྭཱ ཨུ་བྦ་ཊྚ་ནེ པ་ཡོ་ག་ག་ཎ་ནཱ་ཡ ཨཱ་པ་ཏྟི་ཡོ. ས་མྦཱ་ཧ་ནེ་པི ཨེ་སེ་ཝ ན་ཡོ.

སཱ་ཝ་ཏྠི་ཡཾ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ བྷི་ཀྑུ་ནི་ཡཱ ཨུ་མྨ་དྡཱ་པ་ན་པ་རི་མ་དྡཱ་པ་ན་ཝ་ཏྠུ་སྨིཾ པ་ཉྙ་ཏྟཾ, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཨི་དྷ མ་གྒ་ག་མ་ན་པ་རི་སྶ་མོ་པི གེ་ལ་ཉྙཾ, ཙོ་ར་བྷ་ཡཱ་དཱི་ཧི ས་རཱི་ར་ཀ་མྤ་ནཱ་ད་ཡོ་པི ཨཱ་པ་དཱ. སེ་སཾ ཙ་ཏུ་ཏྠེ ཝུ་ཏྟ་ན་ཡེ་ནེ་ཝ ཝེ་དི་ཏ་བྦ་ནྟི.

བྷི་ཀྑུ་ནི་ཨུ་མྨ་དྡཱ་པ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.