༩. ཚ་ཏྟུ་པཱ་ཧ་ན་ཝ་གྒོ

༡. ཚ་ཏྟུ་པཱ་ཧ་ན་སི་ཀྑཱ་པ་ད་ཝ་ཎྞ་ནཱ

ཚ་ཏྟ་ཝ་གྒ་སྶ པ་ཋ་མེ ཚ་ཏྟུ་པཱ་ཧ་ནནྟི པ་ད་བྷཱ་ཛ་ནེ (པཱ་ཙི. ༡༡༧༨-༡༡༨༢) ཝུ་ཏྟ་ལ་ཀྑ་ཎཾ ཚ་ཏྟ་ཉྩ ཨུ་པཱ་ཧ་ནཱ་ཡོ ཙ. དྷཱ་རེ་ཡྻཱཏི པ་རི་བྷོ་ག་ཝ་སེ་ན མ་གྒ་ག་མ་ནེ ཨེ་ཀ་པྤ་ཡོ་གེ་ནེ་ཝ དི་ཝ་ས་མྤི དྷཱ་རེ་ནྟི་ཡཱ ཨེ་ཀཱ ཨཱ་པ་ཏྟི. ས་ཙེ པ་ན ཏཱ་དི་སཾ ཋཱ་ནཾ པ་ཏྭཱ ཚ་ཏྟ་མྤི ཨ་པ་ནཱ་མེ་ཏྭཱ ཨུ་པཱ་ཧ་ནཱ་པི ཨོ་མུ་ཉྩི་ཏྭཱ པུ་ན་པྤུ་ནཾ དྷཱ་རེ་ཏི, པ་ཡོ་ག་ག་ཎ་ནཱ་ཡ པཱ་ཙི་ཏྟི་ཡཾ.

སཱ་ཝ་ཏྠི་ཡཾ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ ཚ་ཏྟུ་པཱ་ཧ་ན་དྷཱ་ར་ཎ་ཝ་ཏྠུ་སྨིཾ པ་ཉྙ་ཏྟཾ, ‘‘ཨ་གི་ལཱ་ནཱ’’ཏི ཨ་ཡ་མེ་ཏྠ ཨ་ནུ་པ་ཉྙ་ཏྟི, ཚ་ཏྟ་སྶེ་ཝ ཨུ་པཱ་ཧ་ནཱ་ནཾ་ཡེ་ཝ ཝཱ དྷཱ་ར་ཎེ དུ་ཀྐ་ཊཾ, ཨ་གི་ལཱ་ནཱ་ཡ ཏི་ཀ་པཱ་ཙི་ཏྟི་ཡཾ, གི་ལཱ་ནཱ་ཡ དྭི་ཀ་དུ་ཀྐ་ཊཾ. གི་ལཱ་ན་ས་ཉྙཱ་ཡ པ་ན, ཨཱ་རཱ་མེ ཨཱ་རཱ་མཱུ་པ་ཙཱ་རེ དྷཱ་རེ་ནྟི་ཡཱ, ཨཱ་པ་དཱ་སུ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཨུ་བྷི་ནྣཾ དྷཱ་ར་ཎཾ, ཨ་ནུ་ཉྙཱ་ཏ་ཀཱ་ར་ཎཱ་བྷཱ་ཝོ་ཏི ཨི་མཱ་ནེ་ཏྠ དྭེ ཨ་ངྒཱ་ནི. ས་མུ་ཊྛཱ་ནཱ་དཱི་ནི ཨེ་ལ༹་ཀ་ལོ་མ་ས་དི་སཱ་ནཱི་ཏི.

ཚ་ཏྟུ་པཱ་ཧ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

༢. ཡཱ་ན་སི་ཀྑཱ་པ་ད་ཝ་ཎྞ་ནཱ

དུ་ཏི་ཡེ ཡཱ་ནེ་ནཱཏི ཝ་ཡ྄ཧཱ་དི་ནཱ. ཨེ་ཏྠཱ་པི ཨོ་རོ་ཧི་ཏྭཱ པུ་ན་པྤུ་ནཾ ཨ་བྷི་རུ་ཧ་ནྟི་ཡཱ པ་ཡོ་ག་ག་ཎ་ནཱ་ཡ པཱ་ཙི་ཏྟི་ཡཾ. ཨ་ནཱ་པ་ཏྟི་ཡཾ ‘‘ཨཱ་རཱ་མེ ཨཱ་རཱ་མཱུ་པ་ཙཱ་རེ’’ཏི ན་ཏྠི, སེ་སཾ པ་ཋ་མེ ཝུ་ཏྟ་ན་ཡེ་ནེ་ཝ ཝེ་དི་ཏ་བྦ་ནྟི.

ཡཱ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

༣. ས་ངྒྷཱ་ཎི་སི་ཀྑཱ་པ་ད་ཝ་ཎྞ་ནཱ

ཏ་ཏི་ཡེ ས་ངྒྷཱ་ཎིནྟི ཡཾ་ཀི་ཉྩི ཀ་ཊཱུ་པ་གཾ. དྷཱ་རེ་ཡྻཱཏི ཀ་ཊི་ཡཾ པ་ཊི་མུ་ཉྩེ་ཡྻ. ཨེ་ཏྠཱ་པི ཨོ་མུ་ཉྩི་ཏྭཱ ཨོ་མུ་ཉྩི་ཏྭཱ དྷཱ་རེ་ནྟི་ཡཱ པ་ཡོ་ག་ག་ཎ་ནཱ་ཡ པཱ་ཙི་ཏྟི་ཡཾ.

སཱ་ཝ་ཏྠི་ཡཾ ཨ་ཉྙ་ཏ་རཾ བྷི་ཀྑུ་ནིཾ ཨཱ་ར་བྦྷ ས་ངྒྷཱ་ཎིཾ དྷཱ་ར་ཎ་ཝ་ཏྠུ་སྨིཾ པ་ཉྙ་ཏྟཾ. ཨཱ་བཱ་དྷ་པ་ཙྩ་ཡཱ ཀ་ཊི་སུ་ཏྟཾ དྷཱ་རེ་ནྟི་ཡཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. སེ་སཾ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ, ཨི་དཾ པ་ན ཨ་ཀུ་ས་ལ་ཙི་ཏྟ་ནྟི.

ས་ངྒྷཱ་ཎི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

༤. ཨི་ཏྠཱ་ལ་ངྐཱ་ར་སི་ཀྑཱ་པ་ད་ཝ་ཎྞ་ནཱ

ཙ་ཏུ་ཏྠེ ཨི་ཏྠཱ་ལ་ངྐཱ་རནྟི སཱི་སཱུ་པ་གཱ་དཱི་སུ ཨ་ཉྙ་ཏ་རཾ ཡཾ་ཀི་ཉྩི པི་ལ༹་ནྡྷ་ནཾ. ཨི་དྷ ཏ་སྶ ཏ་སྶ ཝ་སེ་ན ཝ་ཏྠུ་ག་ཎ་ནཱ་ཡ ཨཱ་པ་ཏྟི ཝེ་དི་ཏ་བྦཱ.

སཱ་ཝ་ཏྠི་ཡཾ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ ཨི་ཏྠཱ་ལ་ངྐཱ་རཾ དྷཱ་ར་ཎ་ཝ་ཏྠུ་སྨིཾ པ་ཉྙ་ཏྟཾ, ཨཱ་བཱ་དྷ་པ་ཙྩ་ཡཱ ཀི་ཉྩི་དེ་ཝ དྷཱ་རེ་ནྟི་ཡཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. སེ་སཾ ཝུ་ཏྟ་ས་དི་ས་མེ་ཝཱ་ཏི.

ཨི་ཏྠཱ་ལ་ངྐཱ་ར་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

༥. ག་ནྡྷ་ཝ་ཎྞ་ཀ་སི་ཀྑཱ་པ་ད་ཝ་ཎྞ་ནཱ

པ་ཉྩ་མེ ག་ནྡྷ་ཝ་ཎྞ་ཀེ་ནཱཏི ཡེ་ན་ཀེ་ན་ཙི ག་ནྡྷེ་ན ཙ ཝ་ཎྞ་ཀེ་ན ཙ. ཨི་དྷ ག་ནྡྷཱ་དི་ཡོ་ཛ་ན་ཏོ པ་ཊྛཱ་ཡ པུ་བྦ་པ་ཡོ་གེ དུ་ཀྐ་ཊཾ, ན་ཧཱ་ན་པ་རི་ཡོ་སཱ་ནེ པཱ་ཙི་ཏྟི་ཡཾ. ཨཱ་བཱ་དྷ་པ་ཙྩ་ཡཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. སེ་སཾ ཙ་ཏུ་ཏྠ་ས་དི་ས་མེ་ཝཱ་ཏི.

ག་ནྡྷ་ཝ་ཎྞ་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

༦. ཝཱ་སི་ཏ་ཀ་སི་ཀྑཱ་པ་ད་ཝ་ཎྞ་ནཱ

ཚ་ཊྛེ ཝཱ་སི་ཏ་ཀེ་ནཱཏི ག་ནྡྷ་ཝཱ་སི་ཏ་ཀེ་ན. པི་ཉྙཱ་ཀེ་ནཱཏི ཏི་ལ་པི་ཊྛེ་ན. སེ་སཾ པ་ཉྩ་མ་ས་དི་ས་མེ་ཝཱ་ཏི.

ཝཱ་སི་ཏ་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

༧. བྷི་ཀྑུ་ནི་ཨུ་མྨ་དྡཱ་པ་ན་སི་ཀྑཱ་པ་ད་ཝ་ཎྞ་ནཱ

ས་ཏྟ་མེ ཨུ་མྨ་དྡཱ་པེ་ཡྻཱཏི ཨུ་བྦ་ཊྚཱ་པེ་ཡྻ. པ་རི་མ་དྡཱ་པེ་ཡྻཱཏི ས་མྦཱ་ཧཱ་པེ་ཡྻ. ཨེ་ཏྠ ཙ ཧ་ཏྠཾ ཨ་མུ་ཉྩི་ཏྭཱ ཨུ་བྦ་ཊྚ་ནེ ཨེ་ཀཱ་ཝ ཨཱ་པ་ཏྟི, མོ་ཙེ་ཏྭཱ མོ་ཙེ་ཏྭཱ ཨུ་བྦ་ཊྚ་ནེ པ་ཡོ་ག་ག་ཎ་ནཱ་ཡ ཨཱ་པ་ཏྟི་ཡོ. ས་མྦཱ་ཧ་ནེ་པི ཨེ་སེ་ཝ ན་ཡོ.

སཱ་ཝ་ཏྠི་ཡཾ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ བྷི་ཀྑུ་ནི་ཡཱ ཨུ་མྨ་དྡཱ་པ་ན་པ་རི་མ་དྡཱ་པ་ན་ཝ་ཏྠུ་སྨིཾ པ་ཉྙ་ཏྟཾ, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཨི་དྷ མ་གྒ་ག་མ་ན་པ་རི་སྶ་མོ་པི གེ་ལ་ཉྙཾ, ཙོ་ར་བྷ་ཡཱ་དཱི་ཧི ས་རཱི་ར་ཀ་མྤ་ནཱ་ད་ཡོ་པི ཨཱ་པ་དཱ. སེ་སཾ ཙ་ཏུ་ཏྠེ ཝུ་ཏྟ་ན་ཡེ་ནེ་ཝ ཝེ་དི་ཏ་བྦ་ནྟི.

བྷི་ཀྑུ་ནི་ཨུ་མྨ་དྡཱ་པ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

༨-༩-༡༠. སི་ཀྑ་མཱ་ན་ཨུ་མྨ་དྡཱ་པ་ནཱ་དི་སི་ཀྑཱ་པ་ད་ཝ་ཎྞ་ནཱ

ཨ་ཊྛ་མ་ན་ཝ་མ་ད་ས་མེ་སུ་པི སི་ཀྑ་མཱ་ནཱ་ཡ སཱ་མ་ཎེ་རི་ཡཱ གི་ཧི་ནི་ཡཱ་ཏི ཨེ་ཏྟ་ཀ་མེ་ཝ ནཱ་ནཾ. སེ་སཾ ས་ཏྟ་མ་ས་དི་ས་མེ་ཝཱ་ཏི.

སི་ཀྑ་མཱ་ན་ཨུ་མྨ་དྡཱ་པ་ནཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

༡༡. ཨ་ནཱ་པུ་ཙྪཱ་སི་ཀྑཱ་པ་ད་ཝ་ཎྞ་ནཱ

ཨེ་ཀཱ་ད་ས་མེ བྷི་ཀྑུ་སྶ པུ་ར་ཏོཏི ན ཨ་བྷི་མུ་ཁ་མེ་ཝཱ་ཏི ཨ་ཏྠོ, ཨི་དཾ པ་ན ཨུ་པ་ཙཱ་རཾ ས་ནྡྷཱ་ཡ ཀ་ཐི་ཏ་ནྟི ཝེ་དི་ཏ་བྦཾ. ཏ་སྨཱ བྷི་ཀྑུ་སྶ ཨུ་པ་ཙཱ་རེ ཨ་ནྟ་མ་སོ ཚ་མཱ་ཡ་པི ‘‘ནི་སཱི་དཱ་མི, ཨ་ཡྻཱ’’ཏི ཨ་ནཱ་པུ་ཙྪི་ཏྭཱ ནི་སཱི་ད་ནྟི་ཡཱ པཱ་ཙི་ཏྟི་ཡཾ.

སཱ་ཝ་ཏྠི་ཡཾ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ ཨ་ནཱ་པུ་ཙྪཱ ནི་སཱི་ད་ན་ཝ་ཏྠུ་སྨིཾ པ་ཉྙ་ཏྟཾ, ཏི་ཀ་པཱ་ཙི་ཏྟི་ཡཾ, ཨཱ་པུ་ཙྪི་ཏེ དྭི་ཀ་དུ་ཀྐ་ཊཾ. ཏ་སྨིཾ ཨཱ་པུ་ཙྪི་ཏ་ས་ཉྙཱ་ཡ, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. བྷི་ཀྑུ་སྶ ཨ་ནཱ་པུ་ཙྪཱ, ཨུ་པ་ཙཱ་རེ ནི་ས་ཛྫཱ, ཨ་ནུ་ཉྙཱ་ཏ་ཀཱ་ར་ཎཱ་བྷཱ་ཝོ་ཏི ཨི་མཱ་ནེ་ཏྠ ཏཱི་ཎི ཨ་ངྒཱ་ནི. ས་མུ་ཊྛཱ་ནཱ་དཱི་ནི ཀ་ཐི་ན་ས་དི་སཱ་ནི, ཨི་དཾ པ་ན ཀི་རི་ཡཱ་ཀི་རི་ཡ་ནྟི.

ཨ་ནཱ་པུ་ཙྪཱ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

༡༢. པ་ཉྷཱ་པུ་ཙྪ་ན་སི་ཀྑཱ་པ་ད་ཝ་ཎྞ་ནཱ

དྭཱ་ད་ས་མེ ཨ་ནོ་ཀཱ་ས་ཀ་ཏནྟི ‘‘ཨ་སུ་ཀ་སྨིཾ ནཱ་མ ཋཱ་ནེ པུ་ཙྪཱ་མཱི’’ཏི ཨེ་ཝཾ ཨ་ཀ་ཏ་ཨོ་ཀཱ་སཾ, ཏ་སྨཱ སུ་ཏྟ་ནྟེ ཨོ་ཀཱ་སཾ ཀཱ་རཱ་པེ་ཏྭཱ ཝི་ན་ཡཾ ཝཱ ཨ་བྷི་དྷ་མྨཾ ཝཱ པུ་ཙྪ་ནྟི་ཡཱ པཱ་ཙི་ཏྟི་ཡཾ. སེ་སེ་སུ་པི ཨེ་སེ་ཝ ན་ཡོ, ས་བྦ་སོ ཨ་ཀཱ་རི་ཏེ པ་ན ཝ་ཏྟ་བྦ་མེ་ཝ ན་ཏྠི.

སཱ་ཝ་ཏྠི་ཡཾ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ ཨ་ནོ་ཀཱ་ས་ཀ་ཏཾ བྷི་ཀྑུཾ པ་ཉྷཾ པུ་ཙྪ་ན་ཝ་ཏྠུ་སྨིཾ པ་ཉྙ་ཏྟཾ. ཏ་ཏྠ ཏ་ཏྠ ཨོ་ཀཱ་སཾ ཀཱ་རཱ་པེ་ཏྭཱ པུ་ཙྪ་ནྟི་ཡཱ, ཨ་ནོ་དི་སྶ ཨོ་ཀཱ་སཾ ཀཱ་རཱ་པེ་ཏྭཱ ཡ་ཏྠ ཀ་ཏྠ་ཙི པུ་ཙྪ་ནྟི་ཡཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. བྷི་ཀྑུ་སྶ ཨ་ནོ་ཀཱ་ས་ཀཱ་རཱ་པ་ནཾ, པ་ཉྷཾ པུ་ཙྪ་ན་ནྟི ཨི་མཱ་ནེ་ཏྠ དྭེ ཨ་ངྒཱ་ནི. ས་མུ་ཊྛཱ་ནཱ་དཱི་ནི པ་ད་སོ་དྷ་མྨ་ས་དི་སཱ་ནི, ཨི་དཾ པ་ན ཀི་རི་ཡཱ་ཀི་རི་ཡ་ནྟི.

པ་ཉྷཱ་པུ་ཙྪ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

༡༣. ཨ་སཾ་ཀ་ཙྩི་ཀ་སི་ཀྑཱ་པ་ད་ཝ་ཎྞ་ནཱ

ཏེ་ར་ས་མེ ཨ་སཾ་ཀ་ཙྩི་ཀཱཏི ཨ་དྷ་ཀྑ་ཀ་ཨུ་བྦྷ་ནཱ་བྷི་མ་ཎྜ་ལ་ས་ངྑཱ་ཏ་སྶ ས་རཱི་ར་སྶ པ་ཊི་ཙྪཱ་ད་ན་ཏྠཾ ཨ་ནུ་ཉྙཱ་ཏ་སཾ་ཀ་ཙྩི་ཀ་ཝི་ར་ཧི་ཏཱ. གཱ་མཾ པ་ཝི་སེ་ཡྻཱཏི ཨེ་ཏྠ པ་རི་ཀྑི་ཏྟ་སྶ གཱ་མ་སྶ པ་རི་ཀྑེ་པཾ, ཨ་པ་རི་ཀྑི་ཏྟ་སྶ ཨུ་པ་ཙཱ་རཾ ཨ་ཏི་ཀྐ་མ་ནྟི་ཡཱ ཝཱ ཨོ་ཀྐ་མ་ནྟི་ཡཱ ཝཱ པ་ཋ་མ་པཱ་དེ དུ་ཀྐ་ཊཾ, དུ་ཏི་ཡེ པཱ་ཙི་ཏྟི་ཡཾ.

སཱ་ཝ་ཏྠི་ཡཾ ཨ་ཉྙ་ཏ་རཾ བྷི་ཀྑུ་ནིཾ ཨཱ་ར་བྦྷ ཨ་སཾ་ཀ་ཙྩི་ཀཱ་ཡ གཱ་མཾ པ་ཝི་ས་ན་ཝ་ཏྠུ་སྨིཾ པ་ཉྙ་ཏྟཾ. ཡ་སྶཱ པ་ན སཾ་ཀ་ཙྩི་ཀ་ཙཱི་ཝ་རཾ ཨ་ཙྪི་ནྣཾ ཝཱ ན་ཊྛཾ ཝཱ, ཏ་སྶཱ, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཨ་སཾ་ཀ་ཙྩི་ཀ་ཏཱ, ཝུ་ཏྟ་པ་རི་ཙྪེ་དཱ་ཏི་ཀྐ་མོ, ཨ་ནུ་ཉྙཱ་ཏ་ཀཱ་ར་ཎཱ་བྷཱ་ཝོ་ཏི ཨི་མཱ་ནེ་ཏྠ ཏཱི་ཎི ཨ་ངྒཱ་ནི. ས་མུ་ཊྛཱ་ནཱ་དཱི་ནི ཨེ་ལ༹་ཀ་ལོ་མ་ས་དི་སཱ་ནཱི་ཏི.

ཨ་སཾ་ཀ་ཙྩི་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

ཚ་ཏྟུ་པཱ་ཧ་ན་ཝ་གྒོ ན་ཝ་མོ.

༡༠…པེ…༡༦. མུ་སཱ་ཝཱ་དཱ་དི་ཝ་གྒོ

མུ་སཱ་ཝཱ་དཱ་དི་སི་ཀྑཱ་པ་ད་ཝ་ཎྞ་ནཱ

ཨི་ཏོ པ་རེ་སུ མུ་སཱ་ཝཱ་ད་ཝ་གྒཱ་དཱི་སུ ས་ཏྟ་སུ ཝ་གྒེ་སུ བྷི་ཀྑུ་པཱ་ཏི་མོ་ཀྑ་ཝ་ཎྞ་ནཱ་ཡཾ ཝུ་ཏྟ་ན་ཡེ་ནེ་ཝ ཝི་ནི་ཙྪ་ཡོ ཝེ་དི་ཏ་བྦོ་ཏི.

སོ་ལ༹་ས་མ་ཝ་གྒོ.

ཨུ་དྡི་ཊྛཱ ཁོ ཨ་ཡྻཱ་ཡོ ཚ་ས་ཊྛི་ས་ཏཱ པཱ་ཙི་ཏྟི་ཡཱ དྷ་མྨཱཏི བྷི་ཀྑཱུ ཨཱ་ར་བྦྷ པ་ཉྙ་ཏྟཱ སཱ་དྷཱ་ར་ཎཱ ས་ཏྟ་ཏི, ཨ་སཱ་དྷཱ་ར་ཎཱ ཚ་ནྣ་ཝུ་ཏཱི་ཏི ཨེ་ཝཾ ཚ་ས་ཊྛི་ས་ཏཱ. སེ་སཾ ས་བྦ་ཏྠ ཨུ་ཏྟཱ་ན་མེ་ཝཱ་ཏི.

ཀ་ངྑཱ་ཝི་ཏ་ར་ཎི་ཡཱ པཱ་ཏི་མོ་ཀྑ་ཝ་ཎྞ་ནཱ་ཡ

བྷི་ཀྑུ་ནི་པཱ་ཏི་མོ་ཀྑེ

སུ་དྡྷ་པཱ་ཙི་ཏྟི་ཡ་ཝ་ཎྞ་ནཱ ནི་ཊྛི་ཏཱ.

ཏ་ཏྲཱ་ཡཾ ས་ངྑེ་པ་ཏོ ཨ་སཱ་དྷཱ་ར་ཎ་སི་ཀྑཱ་པ་དེ་སུ ས་མུ་ཊྛཱ་ན་ཝི་ནི་ཙྪ་ཡོ – གི་ར་གྒ་ས་མ་ཛྫཱ ཙི་ཏྟཱ་གཱ་ར་སི་ཀྑཱ་པ་དཾ ས་ངྒྷཱ་ཎཱི ཨི་ཏྠཱ་ལ་ངྐཱ་རོ ག་ནྡྷ་ཝ་ཎྞ་ཀོ ཝཱ་སི་ཏ་ཀ་པི་ཉྙཱ་ཀོ བྷི་ཀྑུ་ནི་ཨཱ་དཱི་ཧི ཨུ་མྨ་དྡ་ན་པ་རི་མ་དྡ་ནཱ་ཏི ཨི་མཱ་ནི ད་ས སི་ཀྑཱ་པ་དཱ་ནི ཨ་ཙི་ཏྟ་ཀཱ་ནི ལོ་ཀ་ཝ་ཛྫཱ་ནི ཨ་ཀུ་ས་ལ་ཙི་ཏྟཱ་ནི. ཨ་ཡཾ པ་ནེ་ཏྠ ཨ་དྷི་པྤཱ་ཡོ, ཝི་ནཱ་པི ཙི་ཏྟེ་ན ཨཱ་པ་ཛྫི་ཏ་བྦ་ཏྟཱ ཨ་ཙི་ཏྟ་ཀཱ་ནི, ཙི་ཏྟེ པ་ན ས་ཏི ཨ་ཀུ་ས་ལེ་ནེ་ཝ ཨཱ་པ་ཛྫི་ཏ་བྦ་ཏྟཱ ལོ་ཀ་ཝ་ཛྫཱ་ནི ཙེ་ཝ ཨ་ཀུ་ས་ལ་ཙི་ཏྟཱ་ནི ཙཱ་ཏི. ཨ་ཝ་སེ་སཱ་ནི ས་ཙི་ཏྟ་ཀཱ་ནི པ་ཎྞ་ཏྟི་ཝ་ཛྫཱ་ནེ་ཝ. ཙོ་རི་ཝུ་ཊྛཱ་པ་ནཾ གཱ་མ་ནྟ་རཾ ཨཱ་རཱ་མ་སི་ཀྑཱ་པ་དཾ ག་བྦྷི་ནི་ཝ་གྒེ ཨཱ་དི་ཏོ པ་ཊྛཱ་ཡ ས་ཏྟ, ཀུ་མཱ་རི་བྷཱུ་ཏ་ཝ་གྒེ ཨཱ་དི་ཏོ པ་ཊྛཱ་ཡ པ་ཉྩ པུ་རི་སཱ་དི་སཾ་ས་ཊྛཾ པཱ་རི་ཝཱ་སི་ཀ་ཚ་ནྡ་དཱ་ནཾ ཨ་ནུ་ཝ་སྶ་ཝུ་ཊྛཱ་པ་ནཾ ཨེ་ཀ་ནྟ་རི་ཀ་ཝུ་ཊྛཱ་པ་ན་ནྟི ཨི་མཱ་ནི ཨེ་ཀཱུ་ན་ཝཱི་ས་ཏི སི་ཀྑཱ་པ་དཱ་ནི ས་ཙི་ཏྟ་ཀཱ་ནི པ་ཎྞ་ཏྟི་ཝ་ཛྫཱ་ནི. ཨ་ཝ་སེ་སཱ་ནི ས་ཙི་ཏྟ་ཀཱ་ནི ལོ་ཀ་ཝ་ཛྫཱ་ནེ་ཝཱ་ཏི.