༡. ཚ་ཏྟུ་པཱ་ཧ་ན་སི་ཀྑཱ་པ་ད་ཝ་ཎྞ་ནཱ

ཚ་ཏྟ་ཝ་གྒ་སྶ པ་ཋ་མེ ཚ་ཏྟུ་པཱ་ཧ་ནནྟི པ་ད་བྷཱ་ཛ་ནེ (པཱ་ཙི. ༡༡༧༨-༡༡༨༢) ཝུ་ཏྟ་ལ་ཀྑ་ཎཾ ཚ་ཏྟ་ཉྩ ཨུ་པཱ་ཧ་ནཱ་ཡོ ཙ. དྷཱ་རེ་ཡྻཱཏི པ་རི་བྷོ་ག་ཝ་སེ་ན མ་གྒ་ག་མ་ནེ ཨེ་ཀ་པྤ་ཡོ་གེ་ནེ་ཝ དི་ཝ་ས་མྤི དྷཱ་རེ་ནྟི་ཡཱ ཨེ་ཀཱ ཨཱ་པ་ཏྟི. ས་ཙེ པ་ན ཏཱ་དི་སཾ ཋཱ་ནཾ པ་ཏྭཱ ཚ་ཏྟ་མྤི ཨ་པ་ནཱ་མེ་ཏྭཱ ཨུ་པཱ་ཧ་ནཱ་པི ཨོ་མུ་ཉྩི་ཏྭཱ པུ་ན་པྤུ་ནཾ དྷཱ་རེ་ཏི, པ་ཡོ་ག་ག་ཎ་ནཱ་ཡ པཱ་ཙི་ཏྟི་ཡཾ.

སཱ་ཝ་ཏྠི་ཡཾ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ ཚ་ཏྟུ་པཱ་ཧ་ན་དྷཱ་ར་ཎ་ཝ་ཏྠུ་སྨིཾ པ་ཉྙ་ཏྟཾ, ‘‘ཨ་གི་ལཱ་ནཱ’’ཏི ཨ་ཡ་མེ་ཏྠ ཨ་ནུ་པ་ཉྙ་ཏྟི, ཚ་ཏྟ་སྶེ་ཝ ཨུ་པཱ་ཧ་ནཱ་ནཾ་ཡེ་ཝ ཝཱ དྷཱ་ར་ཎེ དུ་ཀྐ་ཊཾ, ཨ་གི་ལཱ་ནཱ་ཡ ཏི་ཀ་པཱ་ཙི་ཏྟི་ཡཾ, གི་ལཱ་ནཱ་ཡ དྭི་ཀ་དུ་ཀྐ་ཊཾ. གི་ལཱ་ན་ས་ཉྙཱ་ཡ པ་ན, ཨཱ་རཱ་མེ ཨཱ་རཱ་མཱུ་པ་ཙཱ་རེ དྷཱ་རེ་ནྟི་ཡཱ, ཨཱ་པ་དཱ་སུ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཨུ་བྷི་ནྣཾ དྷཱ་ར་ཎཾ, ཨ་ནུ་ཉྙཱ་ཏ་ཀཱ་ར་ཎཱ་བྷཱ་ཝོ་ཏི ཨི་མཱ་ནེ་ཏྠ དྭེ ཨ་ངྒཱ་ནི. ས་མུ་ཊྛཱ་ནཱ་དཱི་ནི ཨེ་ལ༹་ཀ་ལོ་མ་ས་དི་སཱ་ནཱི་ཏི.

ཚ་ཏྟུ་པཱ་ཧ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.