༦. ཁཱི་ཡ་ན་དྷ་མྨ་སི་ཀྑཱ་པ་ད་ཝ་ཎྞ་ནཱ

ཚ་ཊྛེ ཨ་ལཾ ཏཱ་ཝ ཏེ ཨ་ཡྻེ ཝུ་ཊྛཱ་པི་ཏེ་ནཱ་ཏི ཝུ་ཙྩ་མཱ་ནཱཏི ཝུ་ཊྛཱ་པ་ན་ས་མྨུ་ཏི་ཡཱ ཡཱ་ཙི་ཏཱ་ཡ ས་ངྒྷེ་ན ཨུ་པ་པ་རི་ཀྑི་པི་ཏྭཱ ‘‘ཡ་སྨཱ བཱ་ལཱ ཨ་བྱ་ཏྟཱ ཙ ཨ་ལ་ཛྫི་ནཱི ཙ ཧོ་ཏི, ཏ་སྨཱ ཨ་ལཾ ཏཱ་ཝ ཏུ་ཡ྄ཧཾ ཨུ་པ་ས་མྤཱ་དི་ཏེ་ནཱ’’ཏི ཨེ་ཝཾ ནི་ཝཱ་རཱི་ཡ་མཱ་ནཱ. པ་ཙྪཱ ཁཱི་ཡ་ན་དྷ་མྨནྟི པ་ཙྪཱ ཨ་ཉྙཱ་སཾ བྱ་ཏྟཱ་ནཾ ལ་ཛྫི་ནཱི་ནཾ ཝུ་ཊྛཱ་པ་ན་ས་མྨུ་ཏིཾ དི་ཡྻ་མཱ་ནཾ དི་སྭཱ ‘‘ཨ་ཧ་མེ་ཝ ནཱུ་ན བཱ་ལཱ’’ཏི་ཨཱ་དཱི་ནི བྷ་ཎ་མཱ་ནཱ ཡ་ཏྠ ཀ་ཏྠ་ཙི ཁཱི་ཡེ་ཡྻ. པཱ་ཙི་ཏྟི་ཡནྟི ཨེ་ཝཾ ཁཱི་ཡ་ན་དྷ་མྨཾ ཨཱ་པ་ཛྫ་ནྟི་ཡཱ པཱ་ཙི་ཏྟི་ཡཾ.

སཱ་ཝ་ཏྠི་ཡཾ ཙ་ཎྜ་ཀཱ་ལི༹ཾ ཨཱ་ར་བྦྷ ཨེ་ཝཾ ཁཱི་ཡ་ན་དྷ་མྨཾ ཨཱ་པ་ཛྫ་ན་ཝ་ཏྠུ་སྨིཾ པ་ཉྙ་ཏྟཾ, པ་ཀ་ཏི་ཡཱ ཚ་ནྡཱ་དཱི་ནཾ ཝ་སེ་ན ཀ་རོ་ནྟཱི་ནཾ ཁཱི་ཡ་ནྟི་ཡཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཝུ་ཊྛཱ་པ་ན་ས་མྨུ་ཏི་ཡཱ ཡཱ་ཙ་ནཾ, ཨུ་པ་པ་རི་ཀྑི་ཏྭཱ ན ཚ་ནྡཱ་དི་ཝ་སེ་ན པ་ཊི་ཀྑི་ཏྟཱ་ཡ ‘‘སཱ་དྷཱུ’’ཏི པ་ཊི་སྶ་ཝོ, པ་ཙྪཱ་ཁཱི་ཡ་ན་ནྟི ཨི་མཱ་ནེ་ཏྠ ཏཱི་ཎི ཨ་ངྒཱ་ནི. ས་མུ་ཊྛཱ་ནཱ་དཱི་ནི ཨ་དི་ནྣཱ་དཱ་ན་ས་དི་སཱ་ནི, ཨི་དཾ པ་ན དུ་ཀྑ་ཝེ་ད་ན་ནྟི.

ཁཱི་ཡ་ན་དྷ་མྨ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.