༩. ནཱ་ནུ་བ་ནྡྷ་ན་སི་ཀྑཱ་པ་ད་ཝ་ཎྞ་ནཱ

ན་ཝ་མེ ཝུ་ཊྛཱ་པི་ཏཾ པ་ཝ་ཏྟི་ནིནྟི ཝུ་ཊྛཱ་པི་ཏཾ པ་ཝ་ཏྟི་ནིཾ ཡཱ་ཡ ཨུ་པ་ས་མྤཱ་དི་ཏཱ, ཏཾ ཨུ་པ་ཛ྄ཛྷཱ་ཡི་ནི་ནྟི ཨ་ཏྠོ. ནཱ་ནུ་བ་ནྡྷེ་ཡྻཱཏི ཙུ་ཎྞེ་ན མ་ཏྟི་ཀཱ་ཡ ད་ནྟ་ཀ་ཊྛེ་ན མུ་ཁོ་ད་ཀེ་ནཱ་ཏི ཨེ་ཝཾ ཏེ་ན ཏེ་ན ཀ་ར་ཎཱི་ཡེ་ན ན ཨུ་པ་ཊྛ་ཧེ་ཡྻ. པཱ་ཙི་ཏྟི་ཡནྟི ནཱ་ནུ་བ་ནྡྷི་སྶ་ནྟི དྷུ་རེ ནི་ཀྑི་ཏྟ་མ་ཏྟེ པཱ་ཙི་ཏྟི་ཡཾ.

སཱ་ཝ་ཏྠི་ཡཾ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ ནཱ་ནུ་བ་ནྡྷ་ན་ཝ་ཏྠུ་སྨིཾ པ་ཉྙ་ཏྟཾ. བཱ་ལཾ པ་ན ཨ་ལ་ཛྫི་ནིཾ ཝཱ ཨ་ན་ནུ་བ་ནྡྷ་ནྟི་ཡཱ, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཝུ་ཊྛཱ་པི་ཏ་པྤ་ཝ་ཏྟི་ནི་ཏཱ, དྭེ ཝ་སྶཱ་ནི ཨ་ན་ནུ་བ་ནྡྷ་ནེ དྷུ་ར་ནི་ཀྑེ་པོ, ཨ་ནུ་ཉྙཱ་ཏ་ཀཱ་ར་ཎཱ་བྷཱ་ཝོ་ཏི ཨི་མཱ་ནེ་ཏྠ ཏཱི་ཎི ཨ་ངྒཱ་ནི. ས་མུ་ཊྛཱ་ནཱ་དཱི་ནི པ་ཋ་མ་པཱ་རཱ་ཛི་ཀ་ས་དི་སཱ་ནི, ཨི་དཾ པ་ན ཨ་ཀི་རི་ཡཾ, དུ་ཀྑ་ཝེ་ད་ན་ནྟི.

ནཱ་ནུ་བ་ནྡྷ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.