༡. ག་བྦྷི་ནཱི་སི་ཀྑཱ་པ་ད་ཝ་ཎྞ་ནཱ

ག་བྦྷི་ནི་ཝ་གྒ་སྶ པ་ཋ་མེ ‘‘ག་བྦྷི་ནཱི’’ཏི ཛཱ་ནི་ཏྭཱ ཨུ་པ་ཛ྄ཛྷཱ་ཡཱ་ཡ ཝུ་ཊྛཱ་པེ་ནྟི་ཡཱ ག་ཎ་པ་རི་ཡེ་ས་ནཱ་དཱི་སུ ཙ ཉ་ཏྟི་ཀ་མྨ་ཝཱ་ཙཱ་དྭ་ཡེ ཙ དུ་ཀྐ་ཊཾ, ཀ་མྨ་ཝཱ་ཙཱ་པ་རི་ཡོ་སཱ་ནེ པཱ་ཙི་ཏྟི་ཡཾ.

སཱ་ཝ་ཏྠི་ཡཾ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ ག་བྦྷི་ནིཾ ཝུ་ཊྛཱ་པ་ན་ཝ་ཏྠུ་སྨིཾ པ་ཉྙ་ཏྟཾ, ག་བྦྷི་ནི་ཡཱ ཝེ་མ་ཏི་ཀཱ་ཡ ཨ་ག་བྦྷི་ནི་ཡཱ ག་བྦྷི་ནི་ས་ཉྙཱ་ཡ ཙེ་ཝ ཝེ་མ་ཏི་ཀཱ་ཡ ཙ དུ་ཀྐ་ཊཾ. ཨུ་བྷོ་སུ ཨ་ག་བྦྷི་ནི་ས་ཉྙཱ་ཡ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ག་བྦྷི་ནི་ཏཱ, ‘ག་བྦྷི་ནཱི’ཏི ཛཱ་ན་ནཾ, ཝུ་ཊྛཱ་པ་ན་ནྟི ཨི་མཱ་ནེ་ཏྠ ཏཱི་ཎི ཨ་ངྒཱ་ནི. ས་མུ་ཊྛཱ་ནཱ་དཱི་ནི ཨ་དི་ནྣཱ་དཱ་ན་ས་དི་སཱ་ནི, ཨི་དཾ པ་ན པ་ཎྞ་ཏྟི་ཝ་ཛྫཾ, ཏི་ཙི་ཏྟཾ, ཏི་ཝེ་ད་ན་ནྟི.

ག་བྦྷི་ནཱི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.