༩. ཨོ་ཝཱ་དཱུ་པ་ས་ངྐ་མ་ན་སི་ཀྑཱ་པ་ད་ཝ་ཎྞ་ནཱ

ན་ཝ་མེ ཨ་ནྭ་དྡྷ་མཱ་སནྟི ཨ་དྡྷ་མཱ་སེ ཨ་དྡྷ་མཱ་སེ. ཨུ་པོ་ས་ཐ་པུ་ཙྪ་ཀནྟི ཨུ་པོ་ས་ཐ་པུ་ཙྪ་ནཾ. ཨོ་ཝཱ་དཱུ་པ་ས་ངྐ་མ་ནནྟི ཨོ་ཝཱ་ད་ཏྠཱ་ཡ ཨུ་པ་ས་ངྐ་མ་ནཾ. ཏཾ ཨ་ཏི་ཀྐཱ་མེ་ནྟི་ཡཱཏི ཨེ་ཏྠ བྷི་ཀྑུ་ནཱི་ཧི ཏེ་ར་སེ ཝཱ ཙཱ་ཏུ་དྡ་སེ ཝཱ ཨཱ་རཱ་མཾ ག་ནྟྭཱ ‘‘ཨ་ཡཾ ཨུ་པོ་ས་ཐོ ཙཱ་ཏུ་དྡ་སོ པ་ནྣ་ར་སོ’’ཏི པུ་ཙྪི་ཏ་བྦཾ, ཨུ་པོ་ས་ཐ་དི་ཝ་སེ ནི་དཱ་ན་ཝ་ཎྞ་ནཱ་ཡཾ ཝུ་ཏྟ་ན་ཡེ་ན ཨོ་ཝཱ་དཱུ་པ་ས་ངྐ་མ་ནཾ ཡཱ་ཙི་ཏ་བྦཾ. ཡཱ བྷི་ཀྑུ་ནཱི ཝུ་ཏྟ་པྤ་ཀཱ་རེ ཀཱ་ལེ ཏ་དུ་བྷ་ཡཾ ན ཀ་རོ་ཏི, སཱ ཏཾ ཨ་ཏི་ཀྐཱ་མེ་ཏི ནཱ་མ, ཏ་སྶཱ ‘‘ཨུ་པོ་ས་ཐ་མྤི ན པུ་ཙྪི་སྶཱ་མི, ཨོ་ཝཱ་ད་མྤི ན ཡཱ་ཙི་སྶཱ་མཱི’’ཏི དྷུ་རཾ ནི་ཀྑི་ཏྟ་མ་ཏྟེ པཱ་ཙི་ཏྟི་ཡཾ.

སཱ་ཝ་ཏྠི་ཡཾ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ ཨུ་པོ་ས་ཐ་ཨོ་ཝཱ་དཱ་ནཾ ཨ་པུ་ཙྪ་ན་ཨ་ཡཱ་ཙ་ན་ཝ་ཏྠུ་སྨིཾ པ་ཉྙ་ཏྟཾ, ཨ་ནཱ་པ་ཏྟི ཨ་ཊྛ་མ་ས་དི་སཱ་ཡེ་ཝ. ཨུ་པོ་ས་ཐོ་ཝཱ་དཱ་ནཾ ཨ་པུ་ཙྪ་ན་ཨ་ཡཱ་ཙ་ནཱ་ཡཾ དྷུ་ར་ནི་ཀྑེ་པོ, ཨ་ནུ་ཉྙཱ་ཏ་ཀཱ་ར་ཎཱ་བྷཱ་ཝོ་ཏི ཨི་མཱ་ནེ་ཏྠ དྭེ ཨ་ངྒཱ་ནི. ས་མུ་ཊྛཱ་ནཱ་དཱི་ནི ས་མ་ནུ་བྷཱ་ས་ན་ས་དི་སཱ་ནཱི་ཏི.

ཨོ་ཝཱ་དཱུ་པ་ས་ངྐ་མ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.