༦. ཨཱ་རཱ་མ་ཝ་གྒོ
༡. ཨཱ་རཱ་མ་པ་ཝི་ས་ན་སི་ཀྑཱ་པ་ད་ཝ་ཎྞ་ནཱ
ཨཱ་རཱ་མ་ཝ་གྒ་སྶ པ་ཋ་མེ ས་བྷི་ཀྑུ་ཀཾ ཨཱ་རཱ་མནྟི ཡ་ཏྠ བྷི་ཀྑཱུ རུ་ཀྑ་མཱུ་ལེ་པི ཝ་ས་ནྟི, ཏཾ པ་དེ་སཾ. ཨ་ནཱ་པུ་ཙྪཱཏི ཨེ་ཏྠ བྷི་ཀྑུ་སཱ་མ་ཎེ་ར་ཨཱ་རཱ་མི་ཀེ་སུ ཡཾ་ཀི་ཉྩི ཨ་ནཱ་པུ་ཙྪཱ, པ་རི་ཀྑི་ཏྟ་སྶ ཨཱ་རཱ་མ་སྶ པ་རི་ཀྑེ་པཾ ཨ་ཏི་ཀྐ་མ་ནྟི་ཡཱ, ཨ་པ་རི་ཀྑི་ཏྟ་སྶ ཨུ་པ་ཙཱ་རཾ ཨོ་ཀྐ་མ་ནྟི་ཡཱ པ་ཋ་མ་པཱ་དེ དུ་ཀྐ་ཊཾ, དུ་ཏི་ཡ་པཱ་དེ པཱ་ཙི་ཏྟི་ཡཾ.
སཱ་ཝ་ཏྠི་ཡཾ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ ཨ་ནཱ་པུ་ཙྪཱ ཨཱ་རཱ་མཾ པ་ཝི་ས་ན་ཝ་ཏྠུ་སྨིཾ པ་ཉྙ་ཏྟཾ, ‘‘ས་ནྟཾ བྷི་ཀྑུཾ ཨ་ནཱ་པུ་ཙྪཱ’’ཏི ཙ ‘‘ཛཱ་ནཾ ས་བྷི་ཀྑུ་ཀ’’ནྟི ཙ ཨི་མཱ་ནེ་ཏྠ དྭེ ཨ་ནུ་པ་ཉྙ་ཏྟི་ཡོ, ས་བྷི་ཀྑུ་ཀེ ཝེ་མ་ཏི་ཀཱ་ཡ, ཨ་བྷི་ཀྑུ་ཀེ ས་བྷི་ཀྑུ་ཀ་ས་ཉྙཱ་ཡ ཙེ་ཝ ཝེ་མ་ཏི་ཀཱ་ཡ ཙ དུ་ཀྐ་ཊཾ. ཏ་སྨིཾ པ་ན དུ་ཝི་དྷེ་པི ཨ་བྷི་ཀྑུ་ཀ་ས་ཉྙཱ་ཡ, ས་ནྟཾ བྷི་ཀྑུཾ ཨཱ་པུ་ཙྪཱ པ་ཝི་ས་ནྟི་ཡཱ, པ་ཋ་མ་པྤ་ཝི་ཊྛཱ་ནཾ ཝཱ བྷི་ཀྑུ་ནཱི་ནཾ སཱི་སཾ་ནུ་ལོ་ཀི་ཀཱ་ཡ, ཡ་ཏྠ ཝཱ བྷི་ཀྑུ་ནི་ཡོ ས་ནྣི་པ་ཏི་ཏཱ, ཏ་ཏྠ ‘‘ཏཱ་སཾ ས་ནྟི་ཀཾ ག་ཙྪཱ་མཱི’’ཏི ས་ཉྙཱ་ཡ, ཨཱ་རཱ་མེ་ན ཝཱ མ་གྒོ ཧོ་ཏི, ཏེ་ན ག་ཙྪ་ནྟི་ཡཱ, ཨཱ་པ་དཱ་སུ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ས་བྷི་ཀྑུ་ཀཱ་རཱ་མ་ཏཱ, ས་བྷི་ཀྑུ་ཀ་ས་ཉྙི་ཏཱ, ཝུ་ཏྟ་པ་རི་ཙྪེ་དཱ་ཏི་ཀྐ་མོ, ཨ་ནུ་ཉྙཱ་ཏ་ཀཱ་ར་ཎཱ་བྷཱ་ཝོ་ཏི ཨི་མཱ་ནེ་ཏྠ ཙ་ཏྟཱ་རི ཨ་ངྒཱ་ནི. ས་མ་ནུ་བྷཱ་ས་ན་ས་མ་ཨུ་ཊྛཱ་ནཾ, ཀི་རི་ཡཱ་ཀི་རི་ཡཾ, ས་ཉྙཱ་ཝི་མོ་ཀྑཾ, ས་ཙི་ཏྟ་ཀཾ, པ་ཎྞ་ཏྟི་ཝ་ཛྫཾ, ཀཱ་ཡ་ཀ་མྨཾ, ཝ་ཙཱི་ཀ་མྨཾ, ཏི་ཙི་ཏྟཾ, ཏི་ཝེ་ད་ན་ནྟི.
ཨཱ་རཱ་མ་པ་ཝི་ས་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༢. བྷི་ཀྑུ་ཨ་ཀྐོ་ས་ན་སི་ཀྑཱ་པ་ད་ཝ་ཎྞ་ནཱ
དུ་ཏི་ཡེ ཨ་ཀྐོ་སེ་ཡྻཱཏི ད་ས་ནྣཾ ཨ་ཀྐོ་ས་ཝ་ཏྠཱུ་ནཾ ཨ་ཉྙ་ཏ་རེ་ན ས་མྨུ་ཁཱ ཝཱ པ་ར་མྨུ་ཁཱ ཝཱ ཨ་ཀྐོ་སེ་ཡྻ. པ་རི་བྷཱ་སེ་ཡྻཱཏི བྷ་ཡ་མ་སྶ ཨུ་པ་དཾ་སེ་ཡྻ. པཱ་ཙི་ཏྟི་ཡནྟི ཏ་སྶཱ ཨེ་ཝཾ ཀ་རོ་ནྟི་ཡཱ པཱ་ཙི་ཏྟི་ཡཾ.
ཝེ་སཱ་ལི་ཡཾ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ ཨཱ་ཡ་སྨ་ནྟཾ ཨུ་པཱ་ལིཾ ཨ་ཀྐོ་ས་ན་ཝ་ཏྠུ་སྨིཾ པ་ཉྙ་ཏྟཾ, ཏི་ཀ་པཱ་ཙི་ཏྟི་ཡཾ, ཨ་ནུ་པ་ས་མྤ་ནྣེ ཏི་ཀ་དུ་ཀྐ་ཊཾ, ཨ་ཏྠ་དྷ་མྨ་ཨ་ནུ་སཱ་ས་ནི་པུ་རེ་ཀྑཱ་རཱ་ཡ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཨུ་པ་ས་མྤ་ནྣ་ཏཱ, ཨ་ཀྐོ་ས་ན་པ་རི་བྷཱ་ས་ནཾ, ཨ་ཏྠ་པུ་རེ་ཀྑཱ་ར་ཏཱ་དཱི་ནཾ ཨ་བྷཱ་ཝོ་ཏི ཨི་མཱ་ནེ་ཏྠ ཏཱི་ཎི ཨ་ངྒཱ་ནི. ས་མུ་ཊྛཱ་ནཱ་དཱི་ནི ཨ་དི་ནྣཱ་དཱ་ན་ས་དི་སཱ་ནི, ཨི་དཾ པ་ན དུ་ཀྑ་ཝེ་ད་ན་ནྟི.
བྷི་ཀྑུ་ཨ་ཀྐོ་ས་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༣. ག་ཎ་པ་རི་བྷཱ་ས་ན་སི་ཀྑཱ་པ་ད་ཝ་ཎྞ་ནཱ
ཏ་ཏི་ཡེ ཙ་ཎྜི་ཀ་ཏཱཏི ཀུ་དྡྷཱ. ག་ཎནྟི བྷི་ཀྑུ་ནི་ས་ངྒྷཾ. པ་རི་བྷཱ་སེ་ཡྻཱཏི ཨེ་ཏྠ ‘‘བཱ་ལཱ ཨེ་ཏཱ ཨ་བྱ་ཏྟཱ ཨེ་ཏཱ, ནེ་ཏཱ ཛཱ་ན་ནྟི ཀ་མྨཾ ཝཱ ཀ་མྨ་དོ་སཾ ཝཱ ཀ་མྨ་ས་མྤ་ཏྟིཾ ཝཱ ཀ་མྨ་ཝི་པ་ཏྟིཾ ཝཱ’’ཏི ཨེ་ཝཾ ཡ་ཏྠ ཀ་ཏྠ་ཙི པ་རི་བྷཱ་ས་ནྟི་ཡཱ པཱ་ཙི་ཏྟི་ཡཾ.
སཱ་ཝ་ཏྠི་ཡཾ ཐུ་ལླ་ན་ནྡཾ ཨཱ་ར་བྦྷ ག་ཎཾ པ་རི་བྷཱ་ས་ན་ཝ་ཏྠུ་སྨིཾ པ་ཉྙ་ཏྟཾ, ས་མྦ་ཧུ་ལཱ ཝཱ ཨེ་ཀཾ ཝཱ ཨ་ནུ་པ་ས་མྤ་ནྣཾ ཝཱ པ་རི་བྷཱ་ས་ནྟི་ཡཱ དུ་ཀྐ་ཊཾ. སེ་སཾ དུ་ཏི་ཡ་ས་དི་ས་མེ་ཝཱ་ཏི.
ག་ཎ་པ་རི་བྷཱ་ས་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༤. པ་ཝཱ་རི་ཏ་སི་ཀྑཱ་པ་ད་ཝ་ཎྞ་ནཱ
ཙ་ཏུ་ཏྠེ ག་ཎ་བྷོ་ཛ་ནེ ཝུ་ཏྟ་ན་ཡེ་ན ནི་མ་ནྟི་ཏཱ, པ་ཝཱ་ར་ཎཱ་སི་ཀྑཱ་པ་དེ ཝུ་ཏྟ་ན་ཡེ་ན པ་ཝཱ་རི་ཏཱ ཝེ་དི་ཏ་བྦཱ. པཱ་ཙི་ཏྟི་ཡནྟི ཏ་སྶཱ པུ་རེ་བྷ་ཏྟཾ ཋ་པེ་ཏྭཱ ཡཱ་གུ་ཉྩེ་ཝ སེ་སཱ་ནི ཙ ཏཱི་ཎི ཀཱ་ལི་ཀཱ་ནི ཨ་ཉྙཾ ཡཾ་ཀི་ཉྩི ཨཱ་མི་སཾ ཨ་ཛ྄ཛྷོ་ཧ་ར་ཎ་ཏྠཱ་ཡ པ་ཊི་གྒ་ཎྷ་ནྟི་ཡཱ ག་ཧ་ཎེ དུ་ཀྐ་ཊཾ, ཨ་ཛ྄ཛྷོ་ཧཱ་རེ ཨ་ཛ྄ཛྷོ་ཧཱ་རེ པཱ་ཙི་ཏྟི་ཡཾ.
སཱ་ཝ་ཏྠི་ཡཾ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ ཨ་ཉྙ་ཏྲ བྷུ་ཉྫ་ན་ཝ་ཏྠུ་སྨིཾ པ་ཉྙ་ཏྟཾ, ཏཱི་ཎི ཀཱ་ལི་ཀཱ་ནི ཨཱ་ཧཱ་ར་ཏྠཱ་ཡ པ་ཊི་གྒ་ཎྷ་ནྟི་ཡཱ་པི ཨ་ཛ྄ཛྷོ་ཧ་ར་ནྟི་ཡཱ་པི དུ་ཀྐ་ཊཾ. ཡཱ པ་ན ནི་མ་ནྟི་ཏཱ ཨ་པྤ་ཝཱ་རི་ཏཱ ཡཱ་གུཾ པི་ཝ་ཏི, སཱ་མི་ཀེ ཨ་པ་ལོ་ཀེ་ཏྭཱ བྷུ་ཉྫ་ཏི, ཏཱི་ཎི ཀཱ་ལི་ཀཱ་ནི ས་ཏི པ་ཙྩ་ཡེ པ་རི་བྷུ་ཉྫ་ཏི, ཏ་སྶཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ནི་མ་ནྟི་ཏཱ ཝཱ པ་ཝཱ་རི་ཏཱ ཝཱ ཏཾ ཨུ་བྷ་ཡཾ ཝཱ, པུ་རེ་བྷ་ཏྟཾ ཝུ་ཏྟ་ལ་ཀྑ་ཎ་སྶ ཨཱ་མི་ས་སྶ ཨ་ཛ྄ཛྷོ་ཧཱ་རོ, སཱ་མི་ཀཱ་ནཾ ཨ་ནཱ་པུ་ཙྪ་ན་ནྟི ཨི་མཱ་ནེ་ཏྠ ཏཱི་ཎི ཨ་ངྒཱ་ནི. ཨ་དྡྷཱ་ན་ས་མུ་ཊྛཱ་ནཾ, ནི་མ་ནྟི་ཏཱ་ཡ ཨ་ནཱ་པུ་ཙྪཱ བྷུ་ཉྫ་ནྟི་ཡཱ ཨཱ་པ་ཏྟི་ས་མྦྷ་ཝ་ཏོ སི་ཡཱ ཀི་རི་ཡཱ་ཀི་རི་ཡཾ, པ་ཝཱ་རི་ཏཱ་ཡ ཀ་པྤི་ཡཾ ཀཱ་རེ་ཏྭཱ་པི ཨ་ཀཱ་རེ་ཏྭཱ་པི པ་རི་བྷུ་ཉྫ་ནྟི་ཡཱ ཨཱ་པ་ཏྟི་ས་མྦྷ་ཝ་ཏོ སི་ཡཱ ཀི་རི་ཡཾ, ནོ་ས་ཉྙཱ་ཝི་མོ་ཀྑཾ, ཨ་ཙི་ཏྟ་ཀཾ, པ་ཎྞ་ཏྟི་ཝ་ཛྫཾ ཀཱ་ཡ་ཀ་མྨཾ, ཝ་ཙཱི་ཀ་མྨཾ, ཏི་ཙི་ཏྟཾ, ཏི་ཝེ་ད་ན་ནྟི.
པ་ཝཱ་རི་ཏ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༥. ཀུ་ལ་མ་ཙྪ་རི་ནཱི་སི་ཀྑཱ་པ་ད་ཝ་ཎྞ་ནཱ
པ་ཉྩ་མེ ཀུ་ལེ མ་ཙྪ་རོ ཀུ་ལ་མ་ཙྪ་རོ, ཀུ་ལ་མ་ཙྪ་རོ ཨེ་ཏི་སྶཱ ཨ་ཏྠི, ཀུ་ལཾ ཝཱ མ་ཙྪ་རཱ་ཡ་ཏཱི་ཏི ཀུ་ལ་མ་ཙྪ་རི་ནཱི. ཨ་སྶཱཏི ཡཱ ཨཱི་དི་སཱི བྷ་ཝེ་ཡྻ. པཱ་ཙི་ཏྟི་ཡནྟི ཏ་སྶཱ ‘‘ཡཾ ཀུ་ལཾ བྷི་ཀྑུ་ནཱི་ནཾ པ་ཙྩ་ཡེ དཱ་ཏུ་ཀཱ་མཾ, ཀ་ཐཾ ནཱ་མ ཏ་ཏྠ བྷི་ཀྑུ་ནི་ཡོ ན ག་ཙྪེ་ཡྻུ’’ནྟི བྷི་ཀྑུ་ནཱི་ནཾ ཝཱ ས་ནྟི་ཀེ ཀུ་ལ་སྶ, ‘‘ཀ་ཐཾ ནཱ་མ ཨི་མེ ཏཱ་སཾ ཀི་ཉྩི ན ད་ཛྫེ་ཡྻུ’’ནྟི ཀུ་ལ་སྶ ཝཱ ས་ནྟི་ཀེ བྷི་ཀྑུ་ནཱི་ནཾ ཨ་ཝ་ཎྞཾ བྷཱ་ས་ནྟི་ཡཱ པཱ་ཙི་ཏྟི་ཡཾ.
སཱ་ཝ་ཏྠི་ཡཾ ཨ་ཉྙ་ཏ་རཾ བྷི་ཀྑུ་ནིཾ ཨཱ་ར་བྦྷ ཀུ་ལ་མ་ཙྪ་རཱ་ཡ་ན་ཝ་ཏྠུ་སྨིཾ པ་ཉྙ་ཏྟཾ. ཨ་མ་ཙྪ་རཱ་ཡི་ཏྭཱ ས་ནྟཾ་ཡེ་ཝ ཨཱ་དཱི་ན་ཝཾ ཨཱ་ཙི་ཀྑ་ནྟི་ཡཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. བྷི་ཀྑུ་ནཱི་ནཾ ཨ་ལཱ་བྷ་ཀཱ་མ་ཏཱ, ཀུ་ལ་སྶ ཝཱ ས་ནྟི་ཀེ བྷི་ཀྑུ་ནཱི་ནཾ བྷི་ཀྑུ་ནཱི་ནཾ ཝཱ ས་ནྟི་ཀེ ཀུ་ལ་སྶ ཨ་ཝ་ཎྞ་བྷ་ཎ་ན་ནྟི ཨི་མཱ་ནེ་ཏྠ དྭེ ཨ་ངྒཱ་ནི. ས་མུ་ཊྛཱ་ནཱ་དཱི་ནི ཨ་དི་ནྣཱ་དཱ་ན་ས་དི་སཱ་ནི, ཨི་དཾ པ་ན དུ་ཀྑ་ཝེ་ད་ན་ནྟི.
ཀུ་ལ་མ་ཙྪ་རི་ནཱི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༦. ཨ་བྷི་ཀྑུ་ཀཱ་ཝཱ་ས་སི་ཀྑཱ་པ་ད་ཝ་ཎྞ་ནཱ
ཚ་ཊྛེ ས་ཙེ བྷི་ཀྑུ་ནུ་པ་སྶ་ཡ་ཏོ ཨ་དྡྷ་ཡོ་ཛ་ན་བྦྷ་ནྟ་རེ ཨོ་ཝཱ་ད་དཱ་ཡ་ཀཱ བྷི་ཀྑཱུ ན ཝ་ས་ནྟི, མ་གྒོ ཝཱ ཨ་ཁེ་མོ ཧོ་ཏི ན ས་ཀྐཱ ཨ་ན་ནྟ་རཱ་ཡེ་ན ག་ནྟུཾ, ཨ་ཡཾ ཨ་བྷི་ཀྑུ་ཀོ ནཱ་མ ཨཱ་ཝཱ་སོ. ཏ་ཏྠ ‘‘ཝ་སྶཾ ཝ་སི་སྶཱ་མཱི’’ཏི སེ་ནཱ་ས་ན་པ་ཉྙཱ་པ་ན་པཱ་ནཱི་ཡ་ཨུ་པ་ཊྛཱ་པ་ནཱ་དཱི་ནི ཀ་རོ་ནྟི་ཡཱ དུ་ཀྐ་ཊཾ, ས་ཧ ཨ་རུ་ཎུ་གྒ་མ་ནཱ པཱ་ཙི་ཏྟི་ཡཾ. ཨ་ཡ་མེ་ཏྠ ས་ངྑེ་པོ, ཝི་ཏྠཱ་རོ པ་ན ས་མ་ནྟ་པཱ་སཱ་དི་ཀཱ་ཡཾ (པཱ་ཙི. ཨ་ཊྛ. ༡༤༤ ཨཱ་ད་ཡོ) ཝུ་ཏྟོ.
སཱ་ཝ་ཏྠི་ཡཾ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ ཨ་བྷི་ཀྑུ་ཀེ ཨཱ་ཝཱ་སེ ཝ་སྶཾ ཝ་ས་ན་ཝ་ཏྠུ་སྨིཾ པ་ཉྙ་ཏྟཾ, ཡ་ཏྠ པ་ན ཝ་སྶཱུ་པ་ག་ཏཱ བྷི་ཀྑཱུ པ་ཀྐ་ནྟཱ ཝཱ ཧོ་ནྟི ཝི་བྦྷ་ནྟཱ ཝཱ ཀཱ་ལ་ངྐ་ཏཱ ཝཱ པ་ཀྑ་ས་ངྐ་ནྟཱ ཝཱ ཏ་ཏྠ ཝ་ས་ནྟི་ཡཱ, ཨཱ་པ་དཱ་སུ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཨ་བྷི་ཀྑུ་ཀཱ་ཝཱ་ས་ཏཱ, ཝ་སྶཱུ་པ་ག་མ་ནཾ, ཨ་རུ་ཎུ་གྒ་མ་ན་ནྟི ཨི་མཱ་ནེ་ཏྠ ཏཱི་ཎི ཨ་ངྒཱ་ནི. ས་མུ་ཊྛཱ་ནཱ་དཱི་ནི ཨེ་ལ༹་ཀ་ལོ་མ་ས་དི་སཱ་ནེ་ཝཱ་ཏི.
ཨ་བྷི་ཀྑུ་ཀཱ་ཝཱ་ས་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༧. ཨ་པ་ཝཱ་ར་ཎཱ་སི་ཀྑཱ་པ་ད་ཝ་ཎྞ་ནཱ
ས་ཏྟ་མེ ཝ་སྶཾ་ཝུ་ཊྛཱཏི པུ་རི་མཾ ཝཱ པ་ཙྪི་མཾ ཝཱ ཏེ་མཱ་སཾ ཝུ་ཊྛཱ. ཨུ་བྷ་ཏོ་ས་ངྒྷེཏི བྷི་ཀྑུ་ནི་ས་ངྒྷེ ཙེ་ཝ བྷི་ཀྑུ་ས་ངྒྷེ ཙ. ཨ་ཡཾ པ་ནེ་ཏྠ ཝི་ནི་ཙྪ་ཡ་ཀ་ཐཱ – བྷི་ཀྑུ་ནཱི་ཧི ཙཱ་ཏུ་དྡ་སེ་ཡེ་ཝ ས་ནྣི་པ་ཏི་ཏྭཱ ‘‘སུ་ཎཱ་ཏུ མེ, ཨ་ཡྻེ, ས་ངྒྷོ, ཨ་ཛྫ པ་ཝཱ་ར་ཎཱ ཙཱ་ཏུ་དྡ་སཱི, ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ པ་ཝཱ་རེ་ཡྻཱ’’ཏི ཨེ་ཝཾ ས་བྦ་ས་ངྒཱ་ཧི་ཀ་ཉ་ཏྟིཾ ཝཱ, ‘‘ཏེ་ཝཱ་ཙི་ཀཾ པ་ཝཱ་རེ་ཡྻཱ’’ཏི ཨེ་ཝཾ ཏེ་ཝཱ་ཙི་ཀ་ཉ་ཏྟིཾ ཝཱ, ས་ཏི ཨ་ནྟ་རཱ་ཡེ ‘‘དྭེ་ཝཱ་ཙི་ཀཾ, ཨེ་ཀ་ཝཱ་ཙི་ཀཾ, ས་མཱ་ན་ཝ་སྶི་ཀཾ པ་ཝཱ་རེ་ཡྻཱ’’ཏི ཨེ་ཝཾ དྭེ་ཝཱ་ཙི་ཀཱ་དི་ཉ་ཏྟིཾ ཝཱ ཋ་པེ་ཏྭཱ ས་བྦ་ས་ངྒཱ་ཧི་ཀ་ཉ་ཏྟི ཙེ ཋ་པི་ཏཱ, ‘‘ས་ངྒྷཾ, ཨ་ཡྻེ, པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ནྟུ མཾ ཨ་ཡྻཱ་ཡོ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟཱི པ་ཊི་ཀ་རི་སྶཱ་མཱི’’ཏི (ཙཱུ་ལ༹་ཝ. ༤༢༧) ཨེ་ཝཾ ས་ཀིཾ ཝཱ, ‘‘དུ་ཏི་ཡ་མྤི, ཨ་ཡྻེ, ས་ངྒྷཾ…པེ… ཏ་ཏི་ཡ་མྤི, ཨ་ཡྻེ, ས་ངྒྷཾ…པེ… པ་ཊི་ཀ་རི་སྶཱ་མཱི’’ཏི ཨེ་ཝཾ དྭ་ཏྟི་ཀྑ་ཏྟུཾ ཝཱ ཝ་ཏྭཱ པ་ཊི་པཱ་ཊི་ཡཱ པ་ཝཱ་རེ་ཏ་བྦཾ. ཏེ་ཝཱ་ཙི་ཀཱ་ཡ ཉ་ཏྟི་ཡཱ ཝ་ཙ་ནཾ ན ཧཱ་པེ་ཏ་བྦཾ, དྭེ་ཝཱ་ཙི་ཀཱ་དཱི་སུ ཝ་ཌྜྷེ་ཏུཾ ཝ་ཊྚ་ཏི, ཧཱ་པེ་ཏུཾ ན ཝ་ཊྚ་ཏི. ཨེ་ཝཾ བྷི་ཀྑུ་ནི་ས་ངྒྷེ པ་ཝཱ་རེ་ཏྭཱ ཏ་ཏྠེ་ཝ ཨེ་ཀཱ བྷི་ཀྑུ་ནཱི བྷི་ཀྑུ་ནི་ཀྑ་ནྡྷ་ཀེ (ཙཱུ་ལ༹་ཝ. ༤༢༧) ཝུ་ཏྟེ་ན ཉ་ཏྟི་དུ་ཏི་ཡ་ཀ་མྨེ་ན བྷི་ཀྑུ་ནི་ས་ངྒྷ་སྶ་ཏྠཱ་ཡ བྷི་ཀྑུ་ས་ངྒྷཾ པ་ཝཱ་རེ་ཏུཾ ས་མྨ་ནྣི་ཏ་བྦཱ. ཏཱ་ཡ ས་མྨ་ཏཱ་ཡ བྷི་ཀྑུ་ནི་ཡཱ པ་ནྣ་ར་སེ བྷི་ཀྑུ་ནི་ས་ངྒྷཾ ཨཱ་དཱ་ཡ བྷི་ཀྑུ་ས་ངྒྷཾ ཨུ་པ་ས་ངྐ་མི་ཏྭཱ ཨེ་ཀཾ་སཾ ཨུ་ཏྟ་རཱ་ས་ངྒཾ ཀ་རི་ཏྭཱ ཨ་ཉྫ་ལིཾ པ་གྒ་ཧེ་ཏྭཱ ཨེ་ཝ་མ་སྶ ཝ་ཙ་ནཱི་ཡོ ‘‘བྷི་ཀྑུ་ནི་ས་ངྒྷོ ཨ་ཡྻ བྷི་ཀྑུ་ས་ངྒྷཾ པ་ཝཱ་རེ་ཏི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ཏཱ་ཡྻ བྷི་ཀྑུ་ས་ངྒྷོ བྷི་ཀྑུ་ནི་ས་ངྒྷཾ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶ་ཏི, དུ་ཏི་ཡ་མྤི ཨ་ཡྻ…པེ… ཏ་ཏི་ཡ་མྤི ཨ་ཡྻ…པེ… པ་སྶ་ནྟོ པ་ཊི་ཀ་རི་སྶ་ཏཱི’’ཏི ཨེ་ཝཾ པ་ཝཱ་རེ་ཏ་བྦཾ.
ས་ཙེ པ་ཉྩ་ཝ་གྒོ བྷི་ཀྑུ་ནི་ས་ངྒྷོ ན པཱུ་ར་ཏི, ཙ་ཏཱུ་ཧི ཝཱ ཏཱི་ཧི ཝཱ ག་ཎ་ཉ་ཏྟིཾ ཋ་པེ་ཏྭཱ, དྭཱི་ཧི ཝི་ནཱ ཉ་ཏྟི་ཡཱ ཨ་ཉྙ་མ་ཉྙཾ པ་ཝཱ་རེ་ཏ་བྦཾ. ཨེ་ཀཱ་ཡ ‘‘ཨ་ཛྫ མེ པ་ཝཱ་ར་ཎཱ’’ཏི ཨ་དྷི་ཊྛཱ་ཏ་བྦཾ.
ཝི་ཧཱ་རཾ པ་ན ག་ནྟྭཱ ‘‘བྷི་ཀྑུ་ནི་ཡོ, ཨ་ཡྻ, བྷི་ཀྑུ་ས་ངྒྷཾ པ་ཝཱ་རེ་ནྟི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ཏཱ་ཡྻ བྷི་ཀྑུ་ས་ངྒྷོ བྷི་ཀྑུ་ནི་ཡོ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟི་ཡོ པ་ཊི་ཀ་རི་སྶ་ནྟཱི’’ཏི ཙ, ‘‘ཨ་ཧཾ, ཨ་ཡྻ, བྷི་ཀྑུ་ས་ངྒྷཾ པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ཏུ མཾ, ཨ་ཡྻ, བྷི་ཀྑུ་ས་ངྒྷོ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟཱི པ་ཊི་ཀ་རི་སྶཱ་མཱི’’ཏི ཙ ཨེ་ཝཾ ཏི་ཀྑ་ཏྟུཾ ཝ་ཏྟ་བྦཾ.
ས་ཙེ བྷི་ཀྑུ་ས་ངྒྷོ ན པཱུ་ར་ཏི, ‘‘བྷི་ཀྑུ་ནི་ས་ངྒྷོ, ཨ་ཡྻ, ཨ་ཡྻེ པ་ཝཱ་རེ་ཏི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ནྟུ ཨ་ཡྻཱ བྷི་ཀྑུ་ནི་ས་ངྒྷཾ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶ་ཏཱི’’ཏི ཙ, ‘‘བྷི་ཀྑུ་ནི་ས་ངྒྷོ, ཨ་ཡྻ, ཨ་ཡྻཾ པ་ཝཱ་རེ་ཏི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ཏཱ་ཡྻོ བྷི་ཀྑུ་ནི་ས་ངྒྷཾ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶ་ཏཱི’’ཏི ཙ ཨེ་ཝཾ ཏི་ཀྑ་ཏྟུཾ ཝ་ཏྟ་བྦཾ.
ཨུ་བྷི་ནྣཾ ཨ་པ་རི་པཱུ་རི་ཡཱ ‘‘བྷི་ཀྑུ་ནི་ཡོ, ཨ་ཡྻཱ, ཨ་ཡྻེ པ་ཝཱ་རེ་ནྟི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ནྟཱ་ཡྻཱ བྷི་ཀྑུ་ནི་ཡོ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟི་ཡོ པ་ཊི་ཀ་རི་སྶ་ནྟཱི’’ཏི ཙ, ‘‘བྷི་ཀྑུ་ནི་ཡོ, ཨ་ཡྻ, ཨ་ཡྻཾ པ་ཝཱ་རེ་ནྟི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ཏཱ་ཡྻོ བྷི་ཀྑུ་ནི་ཡོ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟི་ཡོ པ་ཊི་ཀ་རི་སྶ་ནྟཱི’’ཏི ཙ, ‘‘ཨ་ཧཾ, ཨ་ཡྻཱ, ཨ་ཡྻེ པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ…པེ… ཝ་ད་ནྟུ མཾ, ཨ་ཡྻཱ, ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟཱི པ་ཊི་ཀ་རི་སྶཱ་མཱི’’ཏི ཙ, ‘‘ཨ་ཧཾ, ཨ་ཡྻ, ཨ་ཡྻཾ པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ…པེ… ཝ་ད་ཏུ མཾ, ཨ་ཡྻོ, ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟཱི པ་ཊི་ཀ་རི་སྶཱ་མཱི’’ཏི ཙ ཨེ་ཝཾ ཏི་ཀྑ་ཏྟུཾ ཝ་ཏྟ་བྦཾ. ས་བྦཱ་ཧེ་ཝ ཧི ཨི་མི་ནཱ ན་ཡེ་ན ཨུ་བྷ་ཏོ་ས་ངྒྷེ པ་ཝཱ་རི་ཏཱ ཧོ་ཏི, ཡཱ པ་ན ཝ་སྶཾ་ཝུ་ཊྛཱ ‘‘ཨུ་བྷ་ཏོ་ས་ངྒྷེ ཨེ་ཝཾ ན པ་ཝཱ་རེ་སྶཱ་མཱི’’ཏི དྷུ་རཾ ནི་ཀྑི་པ་ཏི, ཏ་སྶཱ ས་ཧ དྷུ་ར་ནི་ཀྑེ་པེ་ན པཱ་ཙི་ཏྟི་ཡཾ.
སཱ་ཝ་ཏྠི་ཡཾ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ ཝ་སྶཾ ཝ་སི་ཏྭཱ ན པ་ཝཱ་ར་ཎཱ་ཝ་ཏྠུ་སྨིཾ པ་ཉྙ་ཏྟཾ. ཨ་ནྟ་རཱ་ཡེ པ་ན ས་ཏི, པ་རི་ཡེ་སི་ཏྭཱ བྷི་ཀྑཱུ ཨ་ལ་བྷ་ནྟི་ཡཱ, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཝ་སྶཾ་ཝུ་ཊྛ་ཏཱ, ན ཨུ་བྷ་ཏོ་ས་ངྒྷེ པ་ཝཱ་ར་ཎཱ, ཨ་ནུ་ཉྙཱ་ཏ་ཀཱ་ར་ཎཱ་བྷཱ་ཝོ་ཏི ཨི་མཱ་ནེ་ཏྠ ཏཱི་ཎི ཨ་ངྒཱ་ནི. ས་མུ་ཊྛཱ་ནཱ་དཱི་ནི ས་མ་ནུ་བྷཱ་ས་ན་ས་དི་སཱ་ནཱི་ཏི.
ཨ་པ་ཝཱ་ར་ཎཱ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༨. ཨོ་ཝཱ་ད་སི་ཀྑཱ་པ་ད་ཝ་ཎྞ་ནཱ
ཨ་ཊྛ་མེ ཨོ་ཝཱ་དཱ་ཡཱཏི ག་རུ་དྷ་མྨ་སྶ་ཝ་ན་ཏྠཱ་ཡ. སཾ་ཝཱ་སཱ་ཡཱཏི ཨུ་པོ་ས་ཐ་པུ་ཙྪ་ན་ཏྠཱ་ཡ ཙེ་ཝ པ་ཝཱ་ར་ཎ་ཏྠཱ་ཡ ཙ. པཱ་ཙི་ཏྟི་ཡནྟི ‘‘ཨེ་ཏེ་སཾ ཨ་ཏྠཱ་ཡ ན ག་ཙྪཱ་མཱི’’ཏི དྷུ་རཾ ནི་ཀྑི་ཏྟ་མ་ཏྟེ པཱ་ཙི་ཏྟི་ཡཾ.
ས་ཀྐེ་སུ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ ཨོ་ཝཱ་དཱ་ཡ ཨ་ག་མ་ན་ཝ་ཏྠུ་སྨིཾ པ་ཉྙ་ཏྟཾ. ཨ་ནྟ་རཱ་ཡེ པ་ན ས་ཏི, པ་རི་ཡེ་སི་ཏྭཱ དུ་ཏི་ཡི་ཀཾ ཨ་ལ་བྷ་ནྟི་ཡཱ, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཨོ་ཝཱ་ད་སཾ་ཝཱ་སཱ་ནཾ ཨ་ཏྠཱ་ཡ ཨ་ག་མ་ནཾ, ཨ་ནུ་ཉྙཱ་ཏ་ཀཱ་ར་ཎཱ་བྷཱ་ཝོ་ཏི ཨི་མཱ་ནེ་ཏྠ དྭེ ཨ་ངྒཱ་ནི. ས་མུ་ཊྛཱ་ནཱ་དཱི་ནི པ་ཋ་མ་པཱ་རཱ་ཛི་ཀ་ས་དི་སཱ་ནི, ཨི་དཾ པ་ན ཨ་ཀི་རི་ཡཾ, དུ་ཀྑ་ཝེ་ད་ན་ནྟི.
ཨོ་ཝཱ་ད་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༩. ཨོ་ཝཱ་དཱུ་པ་ས་ངྐ་མ་ན་སི་ཀྑཱ་པ་ད་ཝ་ཎྞ་ནཱ
ན་ཝ་མེ ཨ་ནྭ་དྡྷ་མཱ་སནྟི ཨ་དྡྷ་མཱ་སེ ཨ་དྡྷ་མཱ་སེ. ཨུ་པོ་ས་ཐ་པུ་ཙྪ་ཀནྟི ཨུ་པོ་ས་ཐ་པུ་ཙྪ་ནཾ. ཨོ་ཝཱ་དཱུ་པ་ས་ངྐ་མ་ནནྟི ཨོ་ཝཱ་ད་ཏྠཱ་ཡ ཨུ་པ་ས་ངྐ་མ་ནཾ. ཏཾ ཨ་ཏི་ཀྐཱ་མེ་ནྟི་ཡཱཏི ཨེ་ཏྠ བྷི་ཀྑུ་ནཱི་ཧི ཏེ་ར་སེ ཝཱ ཙཱ་ཏུ་དྡ་སེ ཝཱ ཨཱ་རཱ་མཾ ག་ནྟྭཱ ‘‘ཨ་ཡཾ ཨུ་པོ་ས་ཐོ ཙཱ་ཏུ་དྡ་སོ པ་ནྣ་ར་སོ’’ཏི པུ་ཙྪི་ཏ་བྦཾ, ཨུ་པོ་ས་ཐ་དི་ཝ་སེ ནི་དཱ་ན་ཝ་ཎྞ་ནཱ་ཡཾ ཝུ་ཏྟ་ན་ཡེ་ན ཨོ་ཝཱ་དཱུ་པ་ས་ངྐ་མ་ནཾ ཡཱ་ཙི་ཏ་བྦཾ. ཡཱ བྷི་ཀྑུ་ནཱི ཝུ་ཏྟ་པྤ་ཀཱ་རེ ཀཱ་ལེ ཏ་དུ་བྷ་ཡཾ ན ཀ་རོ་ཏི, སཱ ཏཾ ཨ་ཏི་ཀྐཱ་མེ་ཏི ནཱ་མ, ཏ་སྶཱ ‘‘ཨུ་པོ་ས་ཐ་མྤི ན པུ་ཙྪི་སྶཱ་མི, ཨོ་ཝཱ་ད་མྤི ན ཡཱ་ཙི་སྶཱ་མཱི’’ཏི དྷུ་རཾ ནི་ཀྑི་ཏྟ་མ་ཏྟེ པཱ་ཙི་ཏྟི་ཡཾ.
སཱ་ཝ་ཏྠི་ཡཾ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ ཨུ་པོ་ས་ཐ་ཨོ་ཝཱ་དཱ་ནཾ ཨ་པུ་ཙྪ་ན་ཨ་ཡཱ་ཙ་ན་ཝ་ཏྠུ་སྨིཾ པ་ཉྙ་ཏྟཾ, ཨ་ནཱ་པ་ཏྟི ཨ་ཊྛ་མ་ས་དི་སཱ་ཡེ་ཝ. ཨུ་པོ་ས་ཐོ་ཝཱ་དཱ་ནཾ ཨ་པུ་ཙྪ་ན་ཨ་ཡཱ་ཙ་ནཱ་ཡཾ དྷུ་ར་ནི་ཀྑེ་པོ, ཨ་ནུ་ཉྙཱ་ཏ་ཀཱ་ར་ཎཱ་བྷཱ་ཝོ་ཏི ཨི་མཱ་ནེ་ཏྠ དྭེ ཨ་ངྒཱ་ནི. ས་མུ་ཊྛཱ་ནཱ་དཱི་ནི ས་མ་ནུ་བྷཱ་ས་ན་ས་དི་སཱ་ནཱི་ཏི.
ཨོ་ཝཱ་དཱུ་པ་ས་ངྐ་མ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
༡༠. པ་སཱ་ཁེ་ཛཱ་ཏ་སི་ཀྑཱ་པ་ད་ཝ་ཎྞ་ནཱ
ད་ས་མེ པ་སཱ་ཁེཏི ནཱ་བྷི་ཡཱ ཧེ་ཊྛཱ ཛཱ་ཎུ་མ་ཎྜ་ལཱ་ནཾ ཨུ་པ་རི་པ་དེ་སེ. ཏ་ཏོ ཧི ཡ་སྨཱ རུ་ཀྑ་སྶ སཱ་ཁཱ ཝི་ཡ ཨུ་བྷོ ཨཱུ་རཱུ པ་བྷི་ཛྫི་ཏྭཱ ག་ཏཱ, ཏ་སྨཱ སོ ‘‘པ་སཱ་ཁོ’’ཏི ཝུ་ཙྩ་ཏི, ཏ་སྨིཾ པ་སཱ་ཁེ. ག་ཎྜནྟི ཡཾ་ཀི་ཉྩི ག་ཎྜཾ. རུ་དྷི་ཏནྟི ཝ་ཎཾ. བྷེ་དཱ་པེ་ཡྻ ཝཱཏི་ཨཱ་དཱི་སུ ས་ཙེ ‘‘བྷི་ནྡ ཕཱ་ལེ་ཧཱི’’ཏི ས་བྦཱ་ནི ཨཱ་ཎཱ་པེ་ཏི, སོ ཙ ཏ་ཐེ་ཝ ཀ་རོ་ཏི, ཚ དུ་ཀྐ་ཊཱ་ནི ཚ ཙ པཱ་ཙི་ཏྟི་ཡཱ་ནི. ཨ་ཐཱ་པི ‘‘ཡཾ་ཀི་ཉྩི ཨེ་ཏྠ ཀ་ཏྟ་བྦཾ, ཏཾ ས་བྦཾ ཀ་རོ་ཧཱི’’ཏི ཨེ་ཝཾ ཨཱ་ཎཱ་པེ་ཏི, སོ ཙ ས་བྦཱ་ནི་པི བྷེ་ད་ནཱ་དཱི་ནི ཀ་རོ་ཏི, ཨེ་ཀ་ཝཱ་ཙཱ་ཡ ཚ དུ་ཀྐ་ཊཱ་ནི ཚ ཙ པཱ་ཙི་ཏྟི་ཡཱ་ནི. ས་ཙེ པ་ན བྷེ་ད་ནཱ་དཱི་སུ ཨེ་ཀཾ་ཡེ་ཝ ‘‘ཨི་དཾ ནཱ་མ ཀ་རོ་ཧཱི’’ཏི ཨཱ་ཎཱ་པེ་ཏི, སོ ཙ ས་བྦཱ་ནི ཀ་རོ་ཏི. ཡཾ ཨཱ་ཎ་ཏྟཾ, ཏ་སྶེ་ཝ ཀ་ར་ཎེ པཱ་ཙི་ཏྟི་ཡཾ.
སཱ་ཝ་ཏྠི་ཡཾ ཨ་ཉྙ་ཏ་རཾ བྷི་ཀྑུ་ནིཾ ཨཱ་ར་བྦྷ པ་སཱ་ཁེ ཛཱ་ཏཾ ག་ཎྜཾ པུ་རི་སེ་ན བྷེ་དཱ་པ་ན་ཝ་ཏྠུ་སྨིཾ པ་ཉྙ་ཏྟཾ, ཨ་པ་ལོ་ཀེ་ཏྭཱ ཝཱ ཝི་ཉྙུཾ ཝཱ ཡཾ་ཀ་ཉྩི དུ་ཏི་ཡི་ཀཾ ག་ཧེ་ཏྭཱ ཨེ་ཝཾ ཀ་རོ་ནྟི་ཡཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. པ་སཱ་ཁེ ཛཱ་ཏ་ཏཱ, ཨ་ན་པ་ལོ་ཀ་ནཾ, དུ་ཏི་ཡི་ཀཱ་བྷཱ་ཝོ, པུ་རི་སེ་ན བྷེ་དཱ་དཱི་ནཾ ཀཱ་རཱ་པ་ན་ནྟི ཨི་མཱ་ནེ་ཏྠ ཙ་ཏྟཱ་རི ཨ་ངྒཱ་ནི. ས་མུ་ཊྛཱ་ནཱ་དཱི་ནི ཀ་ཐི་ན་ས་དི་སཱ་ནི, ཨི་དཾ པ་ན ཀི་རི་ཡཱ་ཀི་རི་ཡ་ནྟི.
པ་སཱ་ཁེ་ཛཱ་ཏ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
ཨཱ་རཱ་མ་ཝ་གྒོ ཚ་ཊྛོ.