༣. སུ་ཏྟ་ཀ་ནྟ་ན་སི་ཀྑཱ་པ་ད་ཝ་ཎྞ་ནཱ

ཏ་ཏི་ཡེ སུ་ཏྟནྟི ཚ་ནྣཾ ཨ་ཉྙ་ཏ་རཾ. ཀ་ནྟེ་ཡྻཱཏི ཨེ་ཏྠ ཡ་ཏྟ་ཀཾ ཧ་ཏྠེ་ན ཨ་ཉྪི་ཏཾ ཧོ་ཏི, ཏ་སྨིཾ ཏ་ཀྐ་མྷི ཝེ་ཋི་ཏེ ཨེ་ཀཱ ཨཱ་པ་ཏྟི. ཨི་ད་ཉྷི ས་ནྡྷཱ་ཡ པ་ད་བྷཱ་ཛ་ནཱི་ཡེ (པཱ་ཙི. ༩༨༨) ‘‘ཨུ་ཛྫ་ཝུ་ཛྫ་ཝེ’’ཏི ཝུ་ཏྟཾ.

སཱ་ཝ་ཏྠི་ཡཾ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ སུ་ཏྟཾ ཀ་ནྟ་ན་ཝ་ཏྠུ་སྨིཾ པ་ཉྙ་ཏྟཾ, ཀ་ནྟ་ན་ཏོ པུ་བྦེ ཀ་པྤཱ་ས་ཝི་ཙི་ན་ནཾ ཨཱ་དིཾ ཀ་ཏྭཱ ས་བྦ་པྤ་ཡོ་གེ་སུ ཧ་ཏྠ་ཝཱ་ར་ག་ཎ་ནཱ་ཡ དུ་ཀྐ་ཊཾ. ཀ་ནྟི་ཏ་སུ་ཏྟཾ ཀ་ནྟ་ནྟི་ཡཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཨ་ཀ་ནྟི་ཏ་ཏཱ, ཀ་ནྟ་ན་ནྟི ཨི་མཱ་ནེ་ཏྠ དྭེ ཨ་ངྒཱ་ནི. ས་མུ་ཊྛཱ་ནཱ་དཱི་ནི ཨེ་ལ༹་ཀ་ལོ་མ་ས་དི་སཱ་ནཱི་ཏི.

སུ་ཏྟ་ཀ་ནྟ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.