༡. ལ་སུ་ཎ་སི་ཀྑཱ་པ་ད་ཝ་ཎྞ་ནཱ

པཱ་ཙི་ཏྟི་ཡེ་སུ ལ་སུ་ཎ་ཝ་གྒ་སྶ ཏཱ་ཝ པ་ཋ་མེ ལ་སུ་ཎནྟི མ་ག་དྷ་ར་ཊྛེ ཛཱ་ཏཾ ཨཱ་མ་ཀཾ བྷ་ཎྜི་ཀ་ལ་སུ་ཎ་མེ་ཝ, ན ཨེ་ཀ་དྭི་ཏི་མི་ཉྫ་ཀཾ. ཏ་ཉྷི ‘‘ཁཱ་དི་སྶཱ་མཱི’’ཏི པ་ཊི་གྒ་ཎྷ་ནྟི་ཡཱ དུ་ཀྐ་ཊཾ, ཨ་ཛ྄ཛྷོ་ཧཱ་རེ ཨ་ཛ྄ཛྷོ་ཧཱ་རེ པཱ་ཙི་ཏྟི་ཡཾ.

སཱ་ཝ་ཏྠི་ཡཾ ཐུ་ལླ་ན་ནྡཾ ཨཱ་ར་བྦྷ ལ་སུ་ཎཾ ཧ་རཱ་པ་ན་ཝ་ཏྠུ་སྨིཾ པ་ཉྙ་ཏྟཾ, ཏི་ཀ་པཱ་ཙི་ཏྟི་ཡཾ, ཨ་ལ་སུ་ཎེ དྭི་ཀ་དུ་ཀྐ་ཊཾ. ཏ་སྨིཾ པ་ན ཨ་ལ་སུ་ཎ་ས་ཉྙཱ་ཡ, པ་ལ་ཎྜུ་ཀེ, བྷ་ཉྫ་ན་ཀེ, ཧ་རི་ཏ་ཀེ, ཙཱ་པ་ལ་སུ་ཎེ, སཱུ་པ་ས་མྤཱ་ཀེ, མཾ་ས་ས་མྤཱ་ཀེ, ཏེ་ལ་ས་མྤཱ་ཀེ, སཱ་ལ༹་ཝེ, ཨུ་ཏྟ་རི་བྷ་ངྒེ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཨཱ་མ་ཀ་ལ་སུ་ཎ་ཉྩེ་ཝ, ཨ་ཛ྄ཛྷོ་ཧ་ར་ཎ་ཉྩཱ་ཏི ཨི་མཱ་ནེ་ཏྠ དྭེ ཨ་ངྒཱ་ནི. ས་མུ་ཊྛཱ་ནཱ་དཱི་ནི ཨེ་ལ༹་ཀ་ལོ་མ་ས་དི་སཱ་ནཱི་ཏི.

ལ་སུ་ཎ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.