༢. ས་མྦཱ་དྷ་ལོ་མ་སི་ཀྑཱ་པ་ད་ཝ་ཎྞ་ནཱ

དུ་ཏི་ཡེ ས་མྦཱ་དྷེཏི པ་ཊི་ཙྪ་ནྣོ་ཀཱ་སེ, ཨུ་པ་ཀ་ཙྪ་ཀེ་སུ ཙ མུ་ཏྟ་ཀ་ར་ཎེ ཙཱ་ཏི ཨ་ཏྠོ. སཾ་ཧ་རཱ་པེ་ཡྻཱཏི ཨེ་ཏྠ ཁུ་ར་ས་ཎྜཱ་ས་ཀ་ཏྟ་རི་ཨཱ་དཱི་སུ ཡེ་ན ཀེ་ན་ཙི སཾ་ཧ་རཱ་པེ་ནྟི་ཡཱ པ་ཡོ་ག་ག་ཎ་ནཱ་ཡ པཱ་ཙི་ཏྟི་ཡཾ, ན ལོ་མ་ག་ཎ་ནཱ་ཡ.

སཱ་ཝ་ཏྠི་ཡཾ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ ས་མྦཱ་དྷེ ལོ་མཾ སཾ་ཧ་རཱ་པ་ན་ཝ་ཏྠུ་སྨིཾ པ་ཉྙ་ཏྟཾ, ཨ་ཏྟ་ནོ ཨ་ཏྠཱ་ཡ ཨ་ཉྙཾ ཨཱ་ཎཱ་པེ་ནྟི་ཡཱ སཱ་ཎ་ཏྟི་ཀཾ, ཨཱ་པ་ཏྟི་བྷེ་དོ་ན་ཏྠི. ཨཱ་བཱ་དྷ་པ་ཙྩ་ཡཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཨཱ་བཱ་དྷཱ་བྷཱ་ཝོ, ས་མྦཱ་དྷེ ལོ་མ་སཾ་ཧ་ར་ཎ་ནྟི ཨི་མཱ་ནེ་ཏྠ དྭེ ཨ་ངྒཱ་ནི. ས་མུ་ཊྛཱ་ནཱ་དཱི་ནི བྷི་ཀྑུ་ནི་ཡཱ ས་དྡྷིཾ ཨེ་ཀ་དྡྷཱ་ན་མ་གྒ་ག་མ་ན་སི་ཀྑཱ་པ་ད་ས་དི་སཱ་ནཱི་ཏི.

ས་མྦཱ་དྷ་ལོ་མ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.