༤. ཨུ་ཀྑི་ཏྟ་ཀ་ཨོ་སཱ་ར་ཎ་སི་ཀྑཱ་པ་ད་ཝ་ཎྞ་ནཱ

ཙ་ཏུ་ཏྠེ ཨུ་ཀྑི་ཏྟནྟི ཨཱ་པ་ཏྟི་ཡཱ ཨ་ད་སྶ་ནཱ་དཱི་སུ ཨུ་ཀྑི་ཏྟཾ. ཨ་ན་ཉྙཱ་ཡ ག་ཎ་སྶ ཚ་ནྡནྟི ཏ་སྶེ་ཝ ཀཱ་ར་ཀ་ས་ངྒྷ་སྶ ཚ་ནྡཾ ཨ་ཛཱ་ནི་ཏྭཱ. ཨོ་སཱ་རེ་ཡྻཱཏི ཨོ་སཱ་ར་ཎ་ཀ་མྨཾ ཀ་རེ་ཡྻ. ཏ་སྶཱ ཨེ་ཝཾ ཀ་རོ་ནྟི་ཡཱ, ག་ཎ་པ་རི་ཡེ་ས་ནེ སཱི་མཱ་ས་མྨུ་ཏི་ཡཱ ཉ་ཏྟི་ཡཱ ཙ དུ་ཀྐ་ཊཾ, དྭཱི་ཧི ཀ་མྨ་ཝཱ་ཙཱ་ཧི ཐུ་ལླ་ཙྩ་ཡཾ, ཀ་མྨ་ཝཱ་ཙཱ་པ་རི་ཡོ་སཱ་ནེ ས་ངྒྷཱ་དི་སེ་སོ.

སཱ་ཝ་ཏྠི་ཡཾ ཐུ་ལླ་ན་ནྡཾ ཨཱ་ར་བྦྷ ཨེ་ཝཾ ཨོ་སཱ་ར་ཎ་ཝ་ཏྠུ་སྨིཾ པ་ཉྙ་ཏྟཾ, ཏི་ཀ་ས་ངྒྷཱ་དི་སེ་སཾ, ཨ་དྷ་མྨ་ཀ་མྨེ ཏི་ཀ་དུ་ཀྐ་ཊཾ, ཀཱ་ར་ཀ་ས་ངྒྷཾ ཝཱ ཨཱ་པུ་ཙྪི་ཏྭཱ, ག་ཎ་སྶ ཝཱ ཚ་ནྡཾ ཛཱ་ནི་ཏྭཱ, ཝ་ཏྟེ ཝཱ ཝ་ཏྟ་ནྟིཾ, ཨ་ས་ནྟེ ཀཱ་ར་ཀ་ས་ངྒྷེ ཨོ་སཱ་རེ་ནྟི་ཡཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. དྷ་མྨ་ཀ་མྨེ་ན ཨུ་ཀྑི་ཏྟ་ཏཱ, ཨ་ཉྙ་ཏྲ ཨ་ནུ་ཉྙཱ་ཏ་ཀཱ་ར་ཎཱ ཨོ་སཱ་ར་ཎ་ནྟི ཨི་མཱ་ནེ་ཏྠ དྭེ ཨ་ངྒཱ་ནི. ས་མུ་ཊྛཱ་ནཱ་དཱི་ནི ས་ངྒྷ་བྷེ་ད་སི་ཀྑཱ་པ་དེ ཝུ་ཏྟ་ན་ཡཱ་ནེ་ཝ, ཨི་དཾ པ་ན ཀི་རི་ཡཱ་ཀི་རི་ཡ་ནྟི.

ཨུ་ཀྑི་ཏྟ་ཀ་ཨོ་སཱ་ར་ཎ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.