༥. བྷོ་ཛ་ན་པྤ་ཊི་གྒ་ཧ་ཎ་པ་ཋ་མ་སི་ཀྑཱ་པ་ད་ཝ་ཎྞ་ནཱ

པ་ཉྩ་མེ ཨ་ཝ་སྶུ་ཏཱཏི ཚ་ནྡ་རཱ་གེ་ན ཏི་ནྟཱ. ཨ་ཝ་སྶུ་ཏ་སྶཱཏི ཏཱ་དི་ས་སྶེ་ཝ. ཁཱ་དེ་ཡྻ ཝཱ བྷུ་ཉྫེ་ཡྻ ཝཱཏི ཨེ་ཏྠ པ་ཊི་གྒ་ཧ་ཎེ ཐུ་ལླ་ཙྩ་ཡཾ, ཨ་ཛ྄ཛྷོ་ཧཱ་རེ ཨ་ཛ྄ཛྷོ་ཧཱ་རེ ས་ངྒྷཱ་དི་སེ་སོ.

སཱ་ཝ་ཏྠི་ཡཾ སུ་ནྡ་རཱི་ན་ནྡཾ ཨཱ་ར་བྦྷ ཨ་ཝ་སྶུ་ཏཱ་ཡ ཨ་ཝ་སྶུ་ཏ་སྶ ཧ་ཏྠ་ཏོ ཨཱ་མི་ས་པྤ་ཊི་གྒ་ཧ་ཎ་ཝ་ཏྠུ་སྨིཾ པ་ཉྙ་ཏྟཾ, ཨེ་ཀ་ཏོ་ཨ་ཝ་སྶུ་ཏེ པ་ཊི་གྒ་ཧ་ཎེ དུ་ཀྐ་ཊཾ, ཨ་ཛ྄ཛྷོ་ཧཱ་རེ ཨ་ཛ྄ཛྷོ་ཧཱ་རེ ཐུ་ལླ་ཙྩ་ཡཾ, ཡ་ཀྑ་པེ་ཏ་པ་ཎྜ་ཀ་ཏི་ར་ཙྪཱ་ན་ག་ཏ་མ་ནུ་སྶ་ཝི་གྒ་ཧཱ་ནཾ ཧ་ཏྠ་ཏོ ཨུ་བྷ་ཏོ་ཨ་ཝ་སྶུ་ཏེ་པི ས་ཏི ཨེ་སེ་ཝ ན་ཡོ. ཏ་ཏྠ པ་ན ཨེ་ཀ་ཏོ་ཨ་ཝ་སྶུ་ཏེ ས་ཏི དུ་ཀྐ་ཊཾ, ས་བྦ་ཏྠ ཨུ་ད་ཀ་ད་ནྟ་པོ་ན་གྒ་ཧ་ཎེ་པི པ་རི་བྷོ་གེ་པི དུ་ཀྐ་ཊ་མེ་ཝ. ཨུ་བྷོ་སུ ཨ་ན་ཝ་སྶུ་ཏེ་སུ, ‘‘ཨ་ན་ཝ་སྶུ་ཏོ’’ཏི ཝཱ ཉ་ཏྭཱ ག་ཎྷ་ནྟི་ཡཱ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. ཨུ་ད་ཀ་ད་ནྟ་པོ་ན་ཏོ ཨ་ཉྙཾ ཨ་ཛ྄ཛྷོ་ཧ་ར་ཎཱི་ཡཾ, ཨུ་བྷ་ཏོ་ཨ་ཝ་སྶུ་ཏ་ཏཱ, ས་ཧ་ཏྠཱ ག་ཧ་ཎཾ, ཨ་ཛ྄ཛྷོ་ཧ་ར་ཎ་ནྟི ཨི་མཱ་ནེ་ཏྠ ཙ་ཏྟཱ་རི ཨ་ངྒཱ་ནི. ས་མུ་ཊྛཱ་ནཱ་དཱི་ནི པ་ཋ་མ་པཱ་རཱ་ཛི་ཀ་ས་དི་སཱ་ནཱི་ཏི.

བྷོ་ཛ་ན་པྤ་ཊི་གྒ་ཧ་ཎ་པ་ཋ་མ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.