༡༣. པཱ་པ་ས་མཱ་ཙཱ་ར་དུ་ཏི་ཡ་སི་ཀྑཱ་པ་ད་ཝ་ཎྞ་ནཱ

ཏེ་ར་ས་མེ ཨེ་ཝཾ ཝ་དེ་ཡྻཱཏི ཏཱ ས་མ་ནུ་བྷ་ཊྛཱ བྷི་ཀྑུ་ནི་ཡོ ཨེ་ཝཾ ཝ་དེ་ཡྻ. ཨེ་ཝཱ་ཙཱ་རཱཏི ཨེ་ཝཾ་ཨཱ་ཙཱ་རཱ, ཡཱ་དི་སོ ཏུ་མྷཱ་ཀཾ ཨཱ་ཙཱ་རོ, ཏཱ་དི་སོ ཨཱ་ཙཱ་རོ་ཏི ཨ་ཏྠོ, ཨེ་ས ན་ཡོ ས་བྦ་ཏྠ. ཨུ་ཉྙཱ་ཡཱཏི ཨ་ཝ་ཉྙཱ་ཡ ནཱི་ཙཾ ཀ་ཏྭཱ ཛཱ་ན་ནཱ་ཡ. པ་རི་བྷ་ཝེ་ནཱཏི ‘‘ཀིཾ ཨི་མཱ ཀ་རི་སྶ་ནྟཱི’’ཏི ཨེ་ཝཾ པ་རི་བྷ་ཝི་ཏྭཱ ཛཱ་ན་ནེ་ན. ཨ་ཀྑ་ནྟི་ཡཱཏི ཨ་ས་ཧ་ན་ཏཱ་ཡ, ཀོ་དྷེ་ནཱ་ཏི ཨ་ཏྠོ. ཝེ་བྷ་སྶི་ཡཱཏི བ་ལ་ཝ་ནྟ་སྶ བྷཱ་ཝེ་ན, ཨ་ཏྟ་ནོ བ་ལ་པྤ་ཀཱ་ས་ནེ་ན ས་མུ་ཏྲཱ་སེ་ནཱ་ཏི ཨ་ཏྠོ. དུ་བྦ་ལྱཱཏི ཏུ་མྷཱ་ཀཾ དུ་བྦ་ལ་བྷཱ་ཝེ་ན, ས་བྦ་ཏྠ ཨུ་ཉྙཱ་ཡ ཙ པ་རི་བྷ་ཝེ་ན ཙཱ་ཏི ཨེ་ཝཾ ས་མུ་ཙྩ་ཡ་ཏྠོ ད་ཊྛ་བྦོ. ཝི་ཝི་ཙྩ་ཐཱཏི ནཱ་ནཱ ཧོ་ཐ, ཨ་ན་ནུ་ལོ་མི་ཀཾ ཀཱ་ཡི་ཀ་ཝཱ་ཙ་སི་ཀ་སཾ་ས་གྒཾ པ་ཛ་ཧ་ཐཱ་ཏི ཨ་ཏྠོ.

སཱ་ཝ་ཏྠི་ཡཾ ཐུ་ལླ་ན་ནྡཾ ཨཱ་ར་བྦྷ ‘‘སཾ་ས་ཊྛཱ་ཝ, ཨ་ཡྻེ, ཏུ་མྷེ ཝི་ཧ་ར་ཐ, མཱ ཏུ་མྷེ ནཱ་ནཱ ཝི་ཧ་རི་ཏྠཱ’’ཏི ཨུ་ཡྻོ་ཛ་ན་ཝ་ཏྠུ་སྨིཾ པ་ཉྙ་ཏྟཾ, སེ་ས་མེ་ཏྠཱ་པི ད་ས་མེ ཝུ་ཏྟ་ན་ཡེ་ནེ་ཝ ཝེ་དི་ཏ་བྦ་ནྟི.

པཱ་པ་ས་མཱ་ཙཱ་ར་དུ་ཏི་ཡ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.