ཨ་དྷི་ཀ་ར་ཎ་ས་མ་ཐ་ས་ཏྟ་ཀ་ཝ་ཎྞ་ནཱ
ཨ་དྷི་ཀ་རཱི་ཡ་ནྟི ཨེ་ཏྠཱ་ཏི ཨ་དྷི་ཀ་ར་ཎཱ་ནི. ཀེ ཨ་དྷི་ཀ་རཱི་ཡ་ནྟི? ས་མ་ཐཱ. ཀ་ཐཾ ཨ་དྷི་ཀ་རཱི་ཡ་ནྟཱི་ཏི? ས་མ་ན་ཝ་སེ་ན, ཏ་སྨཱ ཏེ ཏེ་སཾ ས་མ་ན་ཝ་སེ་ན པ་ཝ་ཏྟ་ནྟཱི་ཏི ཨཱ་ཧ ‘‘ཨ་དྷི་ཀ་ར་ཎཱ་ནི ས་མེ་ནྟཱི’’ཏི་ཨཱ་དི. ཨུ་པྤ་ནྣཱ་ནཾ ཨུ་པྤ་ནྣཱ་ནནྟི ཨུ་ཊྛི་ཏཱ་ནཾ ཨུ་ཊྛི་ཏཱ་ནཾ. ས་མ་ཐ་ཏྠནྟི ས་མ་ན་ཏྠཾ.
‘‘ཨ་ཊྛཱ་ར་ས་ཧི ཝ་ཏྠཱུ་ཧཱི’’ཏི ལ་ཀྑ་ཎ་ཝ་ཙ་ན་མེ་ཏཾ ཡ་ཐཱ ‘‘ཡ་དི མེ བྱཱ་དྷཱི དཱ་ཧེ་ཡྻུཾ དཱ་ཏ་བྦ་མི་ད་མོ་ས་དྷ’’ནྟི, ཏ་སྨཱ ཏེ་སུ ཨ་ཉྙ་ཏ་ར་ཉྙ་ཏ་རེ་ན ཝི་ཝ་ད་ནྟཱ ‘‘ཨ་ཊྛཱ་ར་ས་ཧི ཝ་ཏྠཱུ་ཧི ཝི་ཝ་ད་ནྟཱི’’ཏི ཝུ་ཙྩ་ནྟི. ཨུ་པ་ཝ་ད་ནཱཏི ཨ་ཀྐོ་སོ. ཙོ་ད་ནཱཏི ཨ་ནུ་ཡོ་གོ.
ཨ་དྷི་ཀ་ར་ཎ་སྶ ས་མྨུ་ཁཱ་ཝ ཝི་ན་ཡ་ན་ཏོ ས་མྨུ་ཁཱ་ཝི་ན་ཡོ. ས་ནྣི་པ་ཏི་ཏ་པ་རི་སཱ་ཡ དྷ་མྨ་ཝཱ་དཱི་ནཾ ཡེ་བྷུ་ཡྻ་ཏཱ་ཡ ཡེ་བྷུ་ཡྻ་སི་ཀ་ཀ་མྨ་སྶ ཀ་ར་ཎཾ ཡེ་བྷུ་ཡྻ་སི་ཀཱ. ཨ་ཡནྟི ཨ་ཡཾ ཡ་ཐཱ་ཝུ་ཏྟཱ ཙ་ཏུ་བྦི་དྷཱ ས་མྨུ་ཁ་ཏཱ ས་མྨུ་ཁཱ་ཝི་ན་ཡོ ནཱ་མ.
ས་ངྒྷ་སཱ་མ་གྒི་ཝ་སེ་ན ས་མྨུ་ཁཱི་བྷཱ་ཝོ, ན ཡ་ཐཱ ཏ་ཐཱ ཀཱ་ར་ཀ་པུ་གྒ་ལཱ་ནཾ ས་མྨུ་ཁཱ་ཏཱ. བྷཱུ་ཏ་ཏཱཏི ཏ་ཙྪ་ཏཱ. ས་ཙྩ་པ་རི་ཡཱ་ཡོ ཧི ཨི་དྷ དྷ་མྨ-ས་དྡོ ‘‘དྷ་མྨ་ཝཱ་དཱི’’ཏི་ཨཱ་དཱི་སུ (དཱི. ནི. ༡.༩, ༡༩༤) ཝི་ཡ. ཝི་ནེ་ཏི ཨེ་ཏེ་ནཱ་ཏི ཝི་ན་ཡོ, ཏ་སྶ ཏ་སྶ ཨ་དྷི་ཀ་ར་ཎ་སྶ ཝཱུ་པ་ས་མ་ནཱ་ཡ བྷ་ག་ཝ་ཏཱ ཝུ་ཏྟ་ཝི་དྷི, ཏ་སྶ ཝི་ན་ཡ་སྶ ས་མྨུ་ཁ་ཏཱ ཝི་ན་ཡ་ས་མྨུ་ཁ་ཏཱ. ཏེ་ནཱ་ཧ ‘‘ཡ་ཐཱ ཏཾ…པེ… ས་མྨུ་ཁ་ཏཱ’’ཏི. ཡེ་ནཱཏི ཡེ་ན པུ་གྒ་ལེ་ན. ཝི་ཝཱ་ད་ཝ་ཏྠུ་ས་ངྑཱ་ཏེ ཨ་ཏྠེ པ་ཙྩ་ཏྠི་ཀཱ ཨ་ཏྠ་པ་ཙྩ་ཏྠི་ཀཱ. ས་ངྒྷ་ས་མྨུ་ཁ་ཏཱ པ་རི་ཧཱ་ཡ་ཏི ས་མྨ་ཏ་པུ་གྒ་ལེ་ཧེ་ཝ ཝཱུ་པ་ས་མ་ན་ཏོ.
ནནྟི ཝི་ཝཱ་དཱ་དྷི་ཀ་ར་ཎཾ. ‘‘ན ཚ་ནྡཱ་ག་ཏིཾ ག་ཙྪ་ཏཱི’’ཏི་ཨཱ་དི་ནཱ ཝུ་ཏྟཾ པ་ཉྩ་ངྒ་ས་མ་ནྣཱ་ག་ཏཾ. གུ་ལ༹ྷ་ཀཱདཱི་སུ ཨ་ལ་ཛྫུ་སྶ་ནྣཱ་ཡ པ་རི་སཱ་ཡ གུ་ལ༹ྷ་ཀོ ས་ལཱ་ཀ་གྒཱ་ཧོ ཀཱ་ཏ་བྦོ ལ་ཛྫུ་སྶ་ནྣཱ་ཡ ཝི་ཝ་ཊ་ཀོ, བཱ་ལུ་སྶ་ནྣཱ་ཡ ས་ཀ་ཎྞ་ཛ་པྤ་ཀོ. ཡ་སྶཱ ཀི་རི་ཡཱ་ཡ དྷ་མྨ་ཝཱ་དི་ནོ བ་ཧུ་ཏ་རཱ, སཱ ཡེ་བྷུ་ཡྻ་སི་ཀཱཏི ཨཱ་ཧ ‘‘དྷ་མྨ་ཝཱ་དཱི་ནཾ ཡེ་བྷུ་ཡྻ་ཏཱ་ཡཱ’’ཏི་ཨཱ་དི.
‘‘ཙ་ཏཱུ་ཧི ས་མ་ཐེ་ཧི ས་མྨ་ཏཱི’’ཏི ཨི་དཾ ས་བྦ་ས་ངྒཱ་ཧི་ཀ་ཝ་སེ་ན ཝུ་ཏྟཾ. ཏ་ཏྠ པ་ན དྭཱི་ཧི དྭཱི་ཧི ཨེ་ཝ ཝཱུ་པ་ས་མ་ནཾ ད་ཊྛ་བྦཾ. ཨེ་ཝཾ ཝི་ནི་ཙྪི་ཏནྟི ས་ཙེ ཨཱ་པ་ཏྟི ན་ཏྠི, ཨུ་བྷོ ཁ་མཱ་པེ་ཏྭཱ, ཨ་ཐ ཨ་ཏྠི, ཨཱ་པ་ཏྟིཾ ད་སྶེ་ཏྭཱ རོ་པ་ན་ཝ་སེ་ན ཝི་ནི་ཙྪི་ཏཾ. པ་ཊི་ཀ་མྨཾ པ་ན ཨཱ་པ་ཏྟཱ་དྷི་ཀ་ར་ཎ་ས་མ་ཐེ པ་ར་ཏོ ཨཱ་ག་མི་སྶ་ཏི.
ན ས་མ་ཎ་སཱ་རུ་པྤཾ ཨ་སྶཱ་མ་ཎ་ཀཾ, ས་མ་ཎེ་ཧི ཨ་ཀ་ཏྟ་བྦཾ, ཏ་སྨིཾ. ཨ་ཛ྄ཛྷཱ་ཙཱ་རེ ཝཱི་ཏི་ཀྐ་མེ ས་ཏི.
པ་ཊི་ཙ་ར་ཏོཏི པ་ཊི་ཙྪཱ་དེ་ནྟ་སྶ. པཱ་པུ་སྶ་ནྣ་ཏཱ་ཡ པཱ་པི་ཡོ, པུ་གྒ་ལོ, ཏ་སྶ ཀ་ཏྟ་བྦ་ཀ་མྨཾ ཏ་སྶ པཱ་པི་ཡ་སི་ཀཾ. ས་མྨུ་ཁཱ་ཝི་ན་ཡེ་ནེ་ཝ ཝཱུ་པ་ས་མོ ན་ཏྠི པ་ཊི་ཉྙཱ་ཡ ཏ་ཐཱ་རཱུ་པཱ་ཡ, ཁ་ནྟི་ཡཱ ཝཱ ཝི་ནཱ ཨ་ཝཱུ་པ་ས་མ་ན་ཏོ.
ཨེ་ཏྠཱཏི ཨཱ་པ་ཏྟི་དེ་ས་ནཱ་ཡ. པ་ཊི་ཉྙཱ་ཏེ ཨཱ་པ་ནྣ་བྷཱ་ཝཱ་དི་ཀེ ཀ་ར་ཎཾ ཀི་རི་ཡཱ ‘‘ཨཱ་ཡ་ཏིཾ སཾ་ཝ་རེ་ཡྻཱ་སཱི’’ཏི, པ་རི་ཝཱ་ས་དཱ་ནཱ་དི་ཝ་སེ་ན ཙ པ་ཝ་ཏྟཾ ཝ་ཙཱི་ཀ་མྨཾ པ་ཊི་ཉྙཱ་ཏ་ཀ་ར་ཎཾ.
ཡ་ཐཱ་ནུ་རཱུ་པནྟི ‘‘དྭཱི་ཧི ས་མ་ཐེ་ཧི ཙ་ཏཱུ་ཧི ཏཱི་ཧི ཨེ་ཀེ་ནཱ’’ཏི ཨེ་ཝཾ ཝུ་ཏྟ་ན་ཡེ་ན ཡ་ཐཱ་ནུ་རཱུ་པཾ. ཨེ་ཏྠཱཏི ཨི་མ་སྨིཾ སུ་ཏྟེ, ཨི་མ་སྨིཾ ཝཱ ས་མ་ཐ་ཝི་ཙཱ་རེ. ཝི་ནི་ཙྪ་ཡ་ན་ཡོཏི ཝི་ནི་ཙྪ་ཡེ ན་ཡ་མ་ཏྟཾ. ཏེ་ནཱ་ཧ ‘‘ཝི་ཏྠཱ་རོ པ་ནཱ’’ཏི་ཨཱ་དི. ས་མ་ནྟ་པཱ་སཱ་དི་ཀཱ་ཡཾ ཝི་ན་ཡ་ཊྛ་ཀ་ཐཱ་ཡ (ཙཱུ་ལ༹་ཝ. ཨ་ཊྛ. ༡༨༤-༡༨༧) ཝུ་ཏྟོ, ཏ་སྨཱ ཝུ་ཏྟ་ན་ཡེ་ནེ་ཝ ཝེ་དི་ཏ་བྦོ་ཏི ཨ་དྷི་པྤཱ་ཡོ.
ས་ཏྟ་ཀ་ཝ་ཎྞ་ནཱ ནི་ཊྛི་ཏཱ.
ནི་ཊྛི་ཏཱ ཙ དུ་ཏི་ཡ་བྷཱ་ཎ་ཝཱ་ར་ཝ་ཎྞ་ནཱ.