ཝི་ཝཱ་ད་མཱུ་ལ་ཚ་ཀྐ་ཝ་ཎྞ་ནཱ

༣༢༥. ཀོ་དྷ་ནོཏི ཀུ་ཛ྄ཛྷ་ན་སཱི་ལོ. ཡ་སྨཱ སོ ཨ་པྤ་ཧཱི་ན་ཀོ་དྷ་ཏཱ་ཡ ཝི་ག་ཏ་ཀོ་དྷ་ནོ ནཱ་མ ན ཧོ་ཏི, ཏ་སྨཱ ‘‘ཀོ་དྷེ་ན ས་མ་ནྣཱ་ག་ཏོ’’ཏི ཨཱ་ཧ. ཨུ་པ་ནཱ་ཧོ ཨེ་ཏ་སྶ ཨ་ཏྠི, ཨུ་པ་ན་ཡ྄ཧ་ན་སཱི་ལོ་ཏི ཝཱ ཨུ་པ་ནཱ་ཧཱི. ཝི་ཝཱ་དོ ནཱ་མ ཨུ་པྤ་ཛྫ་མཱ་ནོ ཡེ་བྷུ་ཡྻེ་ན པ་ཋ་མཾ དྭི་ནྣཾ ཝ་སེ་ན ཨུ་པྤ་ཛྫ་ཏཱི་ཏི ཝུ་ཏྟཾ ‘‘དྭི་ནྣཾ བྷི་ཀྑཱུ་ནཾ ཝི་ཝཱ་དོ’’ཏི. སོ པ་ན ཡ་ཐཱ བ་ཧཱུ་ནཾ ཨ་ན་ཏྠཱ་ཝ་ཧོ ཧོ་ཏི, ཏཾ ནི་ད་སྶ་ན་མུ་ཁེ་ན ད་སྶེ་ནྟོ ‘‘ཀ་ཐ’’ནྟི་ཨཱ་དི་མཱ་ཧ. ཨ་བྦྷ་ནྟ་ར་པ་རི་སཱ་ཡཱཏི པ་རི་ས་བྦྷ་ནྟ་རེ.

པ་ར་གུ་ཎ་མ་ཀྑ་ནཱ་ཡ པ་ཝ་ཏྟོ་པི ཨ་ཏྟ་ནོ ཀཱ་ར་ཀཾ གཱུ་ཐེ་ན པ་ཧ་ར་ནྟཾ གཱུ་ཐོ ཝི་ཡ པ་ཋ་མ་ཏ་རཾ མ་ཀྑེ་ཏཱི་ཏི མ་ཀྑོ, སོ ཨེ་ཏ་སྶ ཨ་ཏྠཱི་ཏི མ་ཀྑཱི. པ་ལཱ་ས་ཏཱི་ཏི པ་ལཱ་སོ, པ་ར་སྶ གུ་ཎེ ཌཾ་སི་ཏྭཱ ཝི་ཡ ཨ་པ་ནེ་ཏཱི་ཏི ཨ་ཏྠོ, སོ ཨེ་ཏ་སྶ ཨ་ཏྠཱི་ཏི པ་ལཱ་སཱི. པ་ལཱ་སཱི པུ་གྒ་ལོ ཧི དུ་ཏི་ཡ་སྶ དྷུ་རཾ ན དེ་ཏི, ས་མཾ པ་སཱ་རེ་ཏྭཱ ཏི་ཊྛ་ཏི. ཏེ་ནཱ་ཧ ‘‘ཡུ་ག་གྒཱ་ཧ་ལ་ཀྑ་ཎེ་ན པ་ལཱ་སེ་ན ས་མ་ནྣཱ་ག་ཏོ’’ཏི. ‘‘ཨི་སྶུ་ཀཱི’’ཏི་ཨཱ་དཱི་ནཾ པ་དཱ་ན་མ་ཏྠོ ཧེ་ཊྛཱ ཝུ་ཏྟ་ན་ཡ་ཏྟཱ སུ་ཝི་ཉྙེ་ཡྻོ་ཝ. ཀ་མྨ་པ་ཐ་པྤ་ཏྟཱ་ཡ མི་ཙྪཱ་དི་ཊྛི་ཡཱ ཝ་སེ་ནེ་ཏྠ མི་ཙྪཱ་དི་ཊྛི ཝེ་དི་ཏ་བྦཱ་ཏི ཨཱ་ཧ ‘‘ན་ཏྠི་ཀ་ཝཱ་དཱི ཨ་ཧེ་ཏུ་ཀ་ཝཱ་དཱི ཨ་ཀི་རི་ཡ་ཝཱ་དཱི’’ཏི.