ཨ་ནྟཱ་ན་ནྟ་ཝཱ་ད་ཝ་ཎྞ་ནཱ

༥༣. ཨ་ནྟཱ་ན་ནྟི་ཀཱཏི ཨེ་ཏྠ ཨ་མ་ཏི ག་ཙྪ་ཏི ཨེ་ཏྠ ས་བྷཱ་ཝོ ཨོ་སཱ་ན་ནྟི ཨ་ནྟོ, མ་རི་ཡཱ་དཱ. ཏ་པྤ་ཊི་སེ་དྷེ་ན ཨ་ན་ནྟོ, ཨ་ནྟོ ཙ ཨ་ན་ནྟོ ཙ ཨ་ནྟཱ་ན་ནྟོ ཙ ནེ་ཝ་ནྟཱ་ནཱ་ན་ནྟོ ཙ ཨ་ནྟཱ་ན་ནྟཱ སཱ་མ་ཉྙ་ནི་དྡེ་སེ་ན, ཨེ་ཀ་སེ་སེ་ན ཝཱ ‘‘ནཱ་མ་རཱུ་པ་པ་ཙྩ་ཡཱ ས་ལཱ༹་ཡ་ཏ་ན’’ནྟི་ཨཱ་དཱི་སུ (མ. ནི. ༣.༡༧༦; སཾ. ནི. ༢.༡; ཨུ་དཱ. ༡) ཝི་ཡ. ཀ་སྶ པ་ན ཨ་ནྟཱ་ན་ནྟོ་ཏི? ལོ་ཀཱི་ཡ་ཏི སཾ་སཱ་ར་ནི་སྶ་ར་ཎ་ཏྠི་ཀེ་ཧི དི་ཊྛི་ག་ཏི་ཀེ་ཧི, ལོ་ཀཱི་ཡ་ནྟི ཝཱ ཨེ་ཏྠ ཏེ་ཧི པུ་ཉྙཱ་པུ་ཉྙཾ ཏ་བྦི་པཱ་ཀོ ཙཱ་ཏི ལོ་ཀོ་ཏི ས་ངྑྱཾ ག་ཏ་སྶ ཨ་ཏྟ་ནོ. ཏེ་ནཱ་ཧ བྷ་ག་ཝཱ ‘‘ཨ་ནྟཱ་ན་ནྟཾ ལོ་ཀ་སྶ པ་ཉྙ་པེ་ནྟཱི’’ཏི. ཀོ པ་ན ཨེ་སོ ཨ་ཏྟཱ་ཏི? ཛྷཱ་ན་ཝི་ས་ཡ་བྷཱུ་ཏ་ཀ་སི་ཎ་ནི་མི་ཏྟཾ. ཏ་ཏྠ ཧི ཨ་ཡཾ དི་ཊྛི་ག་ཏི་ཀོ ལོ་ཀ་ས་ཉྙཱི. ཏ་ཐཱ ཙ ཝུ་ཏྟཾ ‘‘ཏཾ ལོ་ཀོ་ཏི ག་ཧེ་ཏྭཱ’’ཏི. ཀེ་ཙི པ་ན ‘‘ཛྷཱ་ནཾ ཏཾ་ས་མྤ་ཡུ་ཏྟ་དྷ་མྨཱ ཙ ཨི་དྷ ‘ཨ་ཏྟཱ, ལོ་ཀོ’ཏི ཙ ག་ཧི་ཏཱ’’ཏི ཝ་ད་ནྟི. ཨ་ནྟཱ་ན་ནྟ་ས་ཧ་ཙ་རི་ཏ་ཝཱ་དོ ཨ་ནྟཱ་ན་ནྟོ, ཡ་ཐཱ ‘‘ཀུ་ནྟཱ པ་ཙ་ར་ནྟཱི’’ཏི ཨ་ནྟཱ་ན་ནྟ་ས་ནྣི་སྶ་ཡོ ཝཱ ཡ་ཐཱ ‘‘མ་ཉྩཱ གྷོ་ས་ནྟཱི’’ཏི. སོ ཨེ་ཏེ་སཾ ཨ་ཏྠཱི་ཏི ཨ་ནྟཱ་ན་ནྟི་ཀཱ. ཏེ པ་ན ཡ་སྨཱ ཡ་ཐཱ་ཝུ་ཏྟ་ན་ཡེ་ན ཨ་ནྟཱ་ན་ནྟོ ཝཱ་དོ དི་ཊྛི ཨེ་ཏེ་ས་ནྟི ‘‘ཨ་ནྟཱ་ན་ནྟ་ཝཱ་དཱ’’ཏི ཝུ་ཙྩ་ནྟི. ཏ་སྨཱ ཨ་ཊྛ་ཀ་ཐཱ་ཡཾ ‘‘ཨ་ནྟཱ་ན་ནྟ་ཝཱ་དཱ’’ཏི ཝ་ཏྭཱ ‘‘ཨ་ནྟཾ ཝཱ’’ཏི་ཨཱ་དི་ནཱ ཨ་ཏྠོ ཝི་བྷ་ཏྟོ.

ཨེ་ཏྠཱ་ཧ – ཡུ་ཏྟཾ ཏཱ་ཝ པུ་རི་མཱ་ནཾ ཏི་ཎྞཾ ཝཱ་དཱི་ནཾ ཨ་ནྟ་ཏྟ་ཉྩ ཨ་ན་ནྟ་ཏྟ་ཉྩ ཨ་ནྟཱ་ན་ནྟ་ཏྟ་ཉྩ ཨཱ་ར་བྦྷ པ་ཝ་ཏྟ་ཝཱ་ད་ཏྟཱ ཨ་ནྟཱ་ན་ནྟི་ཀ་ཏྟཾ, པ་ཙྪི་མ་སྶ པ་ན ཏ་དུ་བྷ་ཡ་པ་ཊི་སེ་དྷ་ན་ཝ་སེ་ན པ་ཝ་ཏྟ་ཝཱ་ད་ཏྟཱ ཀ་ཐ ཨ་ནྟཱ་ན་ནྟི་ཀ་ཏྟ་ནྟི? ཏ་དུ་བྷ་ཡ་པ་ཊི་སེ་དྷ་ན་ཝ་སེ་ན པ་ཝ་ཏྟ་ཝཱ་ད་ཏྟཱ ཨེ་ཝ. ཡ་སྨཱ ཨ་ནྟཱ་ན་ནྟ་པ་ཊི་སེ་དྷ་ཝཱ་དོ་པི ཨ་ནྟཱ་ན་ནྟ་ཝི་ས་ཡོ ཨེ་ཝ ཏཾ ཨཱ་ར་བྦྷ པ་ཝ་ཏྟ་ཏྟཱ. ཨེ་ཏ་ད་ཏྠཾ་ཡེ་ཝ ཧི ས་ནྡྷཱ་ཡ ཨ་ཊྛ་ཀ་ཐཱ་ཡཾ ‘‘ཨཱ་ར་བྦྷ པ་ཝ་ཏྟ་ཝཱ་དཱ’’ཏི ཝུ་ཏྟཾ. ཨ་ཐ ཝཱ ཡ་ཐཱ ཏ་ཏི་ཡ་ཝཱ་དེ དེ་ས་བྷེ་ད་ཝ་སེ་ན ཨེ་ཀ་སྶེ་ཝ ཨ་ནྟ་ཝ་ནྟ་ཏཱ ཨ་ན་ནྟ་ཏཱ ཙ ས་མྦྷ་ཝ་ཏི, ཨེ་ཝཾ ཏ་ཀྐཱི་ཝཱ་དེ་པི ཀཱ་ལ་བྷེ་ད་ཝ་སེ་ན ཨུ་བྷ་ཡ་ས་མྦྷ་ཝ་ཏོ ཨ་ཉྙ་མ་ཉྙ་པ་ཊི་སེ་དྷེ་ན ཨུ་བྷ་ཡ་ཉྙེ་ཝ ཝུ་ཙྩ་ཏི. ཀ་ཐཾ? ཨ་ནྟ་ཝ་ནྟ་ཏཱ་པ་ཊི་སེ་དྷེ་ན ཧི ཨ་ན་ནྟ་ཏཱ ཝུ་ཙྩ་ཏི, ཨ་ན་ནྟ་ཏཱ་པ་ཊི་སེ་དྷེ་ན ཙ ཨ་ནྟ་ཝ་ནྟ་ཏཱ, ཨ་ནྟཱ་ན་ནྟཱ་ན་ཉྩ ན ཏ་ཏི་ཡ་ཝཱ་ད་བྷཱ་ཝོ ཀཱ་ལ་བྷེ་ད་སྶ ཨ་དྷི་པྤེ་ཏ་ཏྟཱ. ཨི་དཾ ཝུ་ཏྟཾ ཧོ་ཏི – ཡ་སྨཱ ཨ་ཡཾ ལོ་ཀ་ས་ཉྙི་ཏོ ཨ་ཏྟཱ ཨ་དྷི་ག་ཏ་ཝི་སེ་སེ་ཧི མ་ཧེ་སཱི་ཧི ཨ་ན་ནྟོ ཀ་དཱ་ཙི ས་ཀྑི་དི་ཊྛོ་ཏི ཨ་ནུ་སུ་ཡྻ་ཏི, ཏ་སྨཱ ནེ་ཝ་ནྟ་ཝཱ. ཡ་སྨཱ པ་ན ཏེ་ཧི་ཡེ་ཝ ཀ་དཱ་ཙི ཨ་ནྟ་ཝཱ ས་ཀྑི་དི་ཊྛོ་ཏི ཨ་ནུ་སུ་ཡྻ་ཏི, ཏ་སྨཱ ན པ་ན ཨ་ན་ནྟོ་ཏི. ཡ་ཐཱ ཙ ཨ་ནུ་སྶུ་ཏི་ཏ་ཀྐཱི་ཝ་སེ་ན, ཨེ་ཝཾ ཛཱ་ཏི་སྶ་ར་ཏ་ཀྐཱི ཨཱ་དཱི་ན་ཉྩ ཝ་སེ་ན ཡ་ཐཱ་ས་མྦྷ་ཝཾ ཡོ་ཛེ་ཏ་བྦཾ. ཨ་ཡ་ཉྷི ཏ་ཀྐི་ཀོ ཨ་ཝ་ཌྜྷི་ཏ་བྷཱ་ཝ་པུ་བྦ་ཀ་ཏྟཱ པ་ཊི་བྷཱ་ག་ནི་མི་ཏྟཱ་ནཾ ཝ་ཌྜྷི་ཏ་བྷཱ་ཝ་སྶ ཝ་ཌྜྷི་ཏ་ཀཱ་ལ་ཝ་སེ་ན ཨ་པྤ་ཙྩ་ཀྑ་ཀཱ་རི་ཏཱ་ཡ ཨ་ནུ་སྶ་ཝཱ་དི་མ་ཏྟེ ཋ་ཏྭཱ ‘‘ནེ་ཝ་ནྟ་ཝཱ’’ཏི པ་ཊི་ཀྑི་པ་ཏི. ཨ་ཝ་ཌྜྷི་ཏ་ཀཱ་ལ་ཝ་སེ་ན པ་ན ‘‘ན པ་ནཱ་ན་ནྟོ’’ཏི, ན པ་ན ཨ་ནྟ་ཏཱ་ན་ནྟ་ཏཱ་ནཾ ཨ་ཙྩ་ནྟ་མ་བྷཱ་ཝེ་ན ཡ་ཐཱ ཏཾ ‘‘ནེ་ཝ་ས་ཉྙི་ནཱ་ས་ཉྙཱི’’ཏི. པུ་རི་མ་ཝཱ་ད་ཏྟ་ཡ་པ་ཊི་ཀྑེ་པོ ཙ ཨ་ཏྟ་ནཱ ཡ་ཐཱ་དྷི་པྤེ་ཏ་པྤ་ཀཱ་ར་ཝི་ལ་ཀྑ་ཎ་ཏཱ་ཡ ཏེ་སཾ, ཨ་ཝ་སྶ་ཉྩེ་ཏཾ ཨེ་ཝཾ ཝི་ཉྙཱ་ཏ་བྦཾ, ཨ་ཉྙ་ཐཱ ཝི་ཀྑེ་པ་པ་ཀྑཾ་ཡེ་ཝ བྷ་ཛེ་ཡྻ ཙ་ཏུ་ཏྠ་ཝཱ་དོ. ན ཧི ཨ་ནྟ་ཏཱ་ཨ་ན་ནྟ་ཏཱ་ཏ་དུ་བྷ་ཡ་ཝི་ནི་མུ་ཏྟོ ཨ་ཏྟ་ནོ པ་ཀཱ་རོ ཨ་ཏྠི, ཏ་ཀྐཱི་ཝཱ་དཱི ཙ ཡུ་ཏྟི་མ་གྒ་ཀོ, ཀཱ་ལ་བྷེ་ད་ཝ་སེ་ན ཙ ཏ་དུ་བྷ་ཡཾ ཨེ་ཀ་སྨི་མྤི ན ན ཡུ་ཛྫ་ཏཱི་ཏི.

ཀེ་ཙི པ་ན ཡ་དི པ་ནཱ་ཡཾ ཨ་ཏྟཱ ཨ་ནྟ་ཝཱ སི་ཡཱ, དཱུ་ར་དེ་སེ ཨུ་པ་པ་ཛྫ་ནཱ་ནུ་སྶ་ར་ཎཱ་དི ཀི་ཙྩ་ནི་པྥ་ཏྟི ན སི་ཡཱ. ཨ་ཐ ཨ་ན་ནྟོ, ཨི་དྷ ཋི་ཏ་སྶ དེ་ཝ་ལོ་ཀ་ནི་ར་ཡཱ་དཱི་སུ སུ་ཁ་དུ་ཀྑཱ་ནུ་བྷ་ཝ་ན་མྤི སི་ཡཱ. ས་ཙེ པ་ན ཨ་ནྟ་ཝཱ ཙ ཨ་ན་ནྟོ ཙ, ཏ་དུ་བྷ་ཡ་དོ་ས་ས་མཱ་ཡོ་གོ. ཏ་སྨཱ ‘‘ཨ་ནྟ་ཝཱ, ཨ་ན་ནྟོ’’ཏི ཙ ཨ་བྱཱ་ཀ་ར་ཎཱི་ཡོ ཨ་ཏྟཱ་ཏི ཨེ་ཝཾ ཏ་ཀྐ་ན་ཝ་སེ་ན ཙ་ཏུ་ཏྠ་ཝཱ་ད་པྤ་ཝ་ཏྟིཾ ཝ་ཎྞེ་ནྟི. ཨེ་ཝ་མྤི ཡུ་ཏྟཾ ཏཱ་ཝ པ་ཙྪི་མ་ཝཱ་དཱི་དྭ་ཡ་སྶ ཨ་ནྟཱ་ན་ནྟི་ཀ་ཏྟཾ ཨ་ནྟཱ་ན་ནྟཱ་ནཾ ཝ་སེ་ན ཨུ་བྷ་ཡ་ཝི་ས་ཡ་ཏྟཱ ཏེ་སཾ ཝཱ་ད་སྶ. པུ་རི་མ་ཝཱ་དཱི་དྭ་ཡ་སྶ པ་ན ཀ་ཐཾ ཝི་སུཾ ཨ་ནྟཱ་ན་ནྟི་ཀ་ཏྟ་ནྟི? ཨུ་པ་ཙཱ་ར་ཝུ་ཏྟི་ཡཱ. ས་མུ་དི་ཏེ་སུ ཧི ཨ་ནྟཱ་ན་ནྟ་ཝཱ་དཱི་སུ པ་ཝ་ཏྟ་མཱ་ནོ ཨ་ནྟཱ་ན་ནྟི་ཀ-ས་དྡོ ཏ་ཏྠ ནི་རུ་ལ༹ྷ་ཏཱ་ཡ པ་ཙྩེ་ཀ་མྤི ཨ་ནྟཱ་ན་ནྟི་ཀ་ཝཱ་དཱི་སུ པ་ཝ་ཏྟ་ཏི, ཡ་ཐཱ ཨ་རཱུ་པ་ཛ྄ཛྷཱ་ནེ་སུ པ་ཙྩེ་ཀཾ ཨ་ཊྛ་ཝི་མོ་ཀྑ་པ་རི་ཡཱ་ཡོ, ཡ་ཐཱ ཙ ལོ་ཀེ ས་ཏྟཱ་ས་ཡོ་ཏི. ཨ་ཐ ཝཱ ཨ་བྷི་ནི་ཝེ་ས་ཏོ པུ་རི་མ་ཀཱ་ལ་པྤ་ཝ་ཏྟི་ཝ་སེ་ན ཨ་ཡཾ ཏ་ཏྠ ཝོ་ཧཱ་རོ ཀ་ཏོ. ཏེ་ས་ཉྷི དི་ཊྛི་ག་ཏི་ཀཱ་ནཾ ཏ་ཐཱ་རཱུ་པ་ཙེ་ཏོ་ས་མཱ་དྷི་ས་མ་དྷི་ག་མ་ཏོ པུ་བྦ་ཀཱ་ལཾ ‘‘ཨ་ནྟ་ཝཱ ནུ ཨ་ཡཾ ལོ་ཀོ, ཨ་ན་ནྟོ ནཱུ’’ཏི ཨུ་བྷ་ཡཱ་ཀཱ་རཱ་ཝ་ལ་མྦི་ནོ པ་རི་ཝི་ཏ་ཀྐ་སྶ ཝ་སེ་ན ནི་རུ་ལ༹ྷོ ཨ་ནྟཱ་ན་ནྟི་ཀ་བྷཱ་ཝོ ཝི་སེ་ས་ལཱ་བྷེ་ན ཏ་ཏྠ ཨུ་པྤ་ནྣེ་པི ཨེ་ཀཾ་ས་གྒཱ་ཧེ པུ་རི་མ་སི་དྡྷ་རུ་ལ༹ྷི་ཡཱ ཝོ་ཧ་རཱི་ཡ་ཏཱི་ཏི.

༥༤-༦༠. ཝུ་ཏྟ་ན་ཡེ་ནཱཏི ‘‘ཏ་ཀྐ་ཡ་ཏཱི་ཏི ཏ་ཀྐཱི’’ཏི་ཨཱ་དི་ནཱ (དཱི. ནི. ཨ་ཊྛ. ༡.༣༤) ས་དྡ་ཏོ, ‘‘ཙ་ཏུ་བྦི་དྷོ ཏ་ཀྐཱི’’ཏི་ཨཱ་དི་ནཱ (དཱི. ནི. ཨ་ཊྛ. ༡.༣༤) ཨ་ཏྠ་ཏོ ཙ ས་སྶ་ཏ་ཝཱ་དེ ཝུ་ཏྟ་ཝི་དྷི་ནཱ. དི་ཊྛ་པུ་བྦཱ་ནུ་སཱ་རེ་ནཱཏི ད་སྶ་ན་བྷཱུ་ཏེ་ན ཝི་ཉྙཱ་ཎེ་ན ཨུ་པ་ལ་དྡྷ་པུ་བྦ་སྶ ཨ་ནྟ་ཝ་ནྟཱ་དི་ནོ ཨ་ནུ་སྶ་ར་ཎེ་ན. ཨེ་ཝ་ཉྩ ཀ་ཏྭཱ ཨ་ནུ་སྶུ་ཏི་ཏ་ཀྐཱི་སུ་དྡྷ་ཏ་ཀྐཱི་ན་མྤི ཨི་དྷ ས་ངྒ་ཧོ སི་དྡྷོ ཧོ་ཏི. ཨ་ཐ ཝཱ དི་ཊྛ་གྒ་ཧ་ཎེ་ནེ་ཝ ‘‘ན་ཙྩ་གཱི་ཏ་ཝཱ་དི་ཏ་ཝི་སཱུ་ཀ་ད་སྶ་ནཱ’’ཏི་ཨཱ་དཱི་སུ (དཱི. ནི. ༡༠, ༡༩༤) ཝི་ཡ སུ་ཏཱ་དཱི་ན་མྤི ག་ཧི་ཏ་ཏཱ ཝེ་དི་ཏ་བྦཱ. ‘‘ཨ་ནྟ་ཝཱ’’ཏི་ཨཱ་དི་ནཱ ཨི་ཙྪི་ཏ་སྶ ཨ་ཏྟ་ནོ ས་བྦ་དཱ བྷཱ་ཝ་པ་རཱ་མ་ས་ན་ཝ་སེ་ནེ་ཝ ཨི་མེ་སཾ ཝཱ་དཱ་ནཾ པ་ཝ་ཏྟ་ན་ཏོ ས་སྶ་ཏ་དི་ཊྛི་ས་ངྒ་ཧོ ད་ཊྛ་བྦོ. ཏ་ཐཱ ཧི ཝ་ཀྑ་ཏི ‘‘སེ་སཱ ས་སྶ་ཏ་དི་ཊྛི་ཡོ’’ཏི (དཱི. ནི. ཨ་ཊྛ. ༩༧-༩༨).