སོ་དྷ་ན་ཧཱ་ར་ཝ་ཎྞ་ནཱ

‘‘མ་མཾ ཝཱ…པེ… བྷཱ་སེ་ཡྻུ’’ནྟི ཨཱ་ར་མྦྷོ. ‘‘དྷ་མྨ་སྶ…པེ… ས་ངྒྷ་སྶ…པེ… བྷཱ་སེ་ཡྻུ’’ནྟི པ་ད་སུ་དྡྷི, ནོ ཨཱ་ར་མྦྷ་སུ་དྡྷི. ‘‘ཏ་ཏྲ ཏུ་མྷེ་ཧི…པེ… ཀ་ར་ཎཱི་ཡཱ’’ཏི པ་ད་སུ་དྡྷི ཙེ་ཝ ཨཱ་ར་མྦྷ་སུ་དྡྷི ཙ. དུ་ཏི་ཡ་ན་ཡཱ་དཱི་སུ་པི ཨེ་སེ་ཝ ན་ཡོ. ཏ་ཐཱ ‘‘ཨ་པྤ་མ་ཏྟ་ཀཾ ཁོ པ་ནེ་ཏ’’ནྟི་ཨཱ་དི ཨཱ་ར་མྦྷོ. ‘‘ཀ་ཏ་མ’’ནྟི་ཨཱ་དི པུ་ཙྪཱ. ‘‘པཱ་ཎཱ་ཏི་པཱ་ཏཾ པ་ཧཱ་ཡཱ’’ཏི་ཨཱ་དི པ་ད་སུ་དྡྷི, ནོ ཨཱ་ར་མྦྷ་སུ་དྡྷི, ནོ ཙ པུ་ཙྪཱ་སུ་དྡྷི. ‘‘ཨི་དཾ ཁོ’’ཏི་ཨཱ་དི པུ་ཙྪཱ་སུ་དྡྷི ཙེ་ཝ པ་ད་སུ་དྡྷི ཙ ཨཱ་ར་མྦྷ་སུ་དྡྷི ཙ.

ཏ་ཐཱ ‘‘ཨ་ཏྠི བྷི་ཀྑ་ཝེ’’ཏི་ཨཱ་དི ཨཱ་ར་མྦྷོ. ‘‘ཀ་ཏ་མེ ཙ ཏེ’’ཏི་ཨཱ་དི པུ་ཙྪཱ. ‘‘ས་ནྟི བྷི་ཀྑ་ཝེ’’ཏི་ཨཱ་དི ཨཱ་ར་མྦྷོ. ‘‘ཀི’’ནྟི་ཨཱ་དི ཨཱ་ར་མྦྷ པུ་ཙྪཱ. ‘‘ཡ་ཐཱ་ས་མཱ་ཧི་ཏེ’’ཏི་ཨཱ་དི པ་ད་སུ་དྡྷི, ནོ ཨཱ་ར་མྦྷ་སུ་དྡྷི ནོ ཙ པུ་ཙྪཱ་སུ་དྡྷི. ‘‘ཨི་མེ ཁོ ཏེ’’ཏི་ཨཱ་དི པ་ད་སུ་དྡྷི ཙེ་ཝ པུ་ཙྪཱ་སུ་དྡྷི ཙ ཨཱ་ར་མྦྷ་སུ་དྡྷི ཙ. ཨི་མི་ནཱ ན་ཡེ་ན ས་བྦ་ཏྠ ཨཱ་ར་མྦྷཱ་ད་ཡོ ཝེ་དི་ཏ་བྦཱ་ཏི. ཨ་ཡཾ སོ་དྷ་ནོ ཧཱ་རོ.