༣. པ་ཉྷ་པུ་ཙྪ་ཀ་ཝ་ཎྞ་ནཱ

༢༡༥. ཨེ་ཝཾ པུ་རི་མེ་སུ་པི དྭཱི་སཱུཏི ཀ་སྨཱ ཝུ་ཏྟཾ, ན་ནུ སུ་ཏྟ་ནྟ་བྷཱ་ཛ་ནཱི་ཡེ དུ་ཀྑ་ནི་རོ་དྷ་གཱ་མི་ནི་པ་ཊི་པ་དཱ་ནི་དྡེ་སེ ལོ་ཀི་ཡ་ལོ་ཀུ་ཏྟ་ར་མི་སྶ་ཀོ མ་གྒོ ཝུ་ཏྟོ. ཏ་སྶ ཧི ཨ་ཊྛ་ཀ་ཐཱ་ཡཾ (ཝི་བྷ. ཨ་ཊྛ. ༢༠༥) ‘‘ཙ་ཏཱུ་སུ ས་ཙྩེ་སུ ཨུ་གྒ་ཧཱ་དི་ཝ་སེ་ན པུ་བྦ་བྷཱ་ག་ཉཱ་ཎུ་པྤ་ཏྟིཾ ས་ནྡྷཱ་ཡ ཨི་དཾ ‘དུ་ཀྑེ ཉཱ་ཎ’ནྟི་ཨཱ་དི ཝུ་ཏྟཾ, པ་ཊི་ཝེ་དྷ་ཀྑ་ཎེ པ་ན ཨེ་ཀ་མེ་ཝ ཉཱ་ཎཾ ཧོ་ཏཱི’’ཏི ས་མྨཱ་དི་ཊྛི་ཡཱ, ཏ་ཐཱ ས་མྨཱ་ས་ངྐ་པྤཱ་དཱི་ན་ཉྩ ལོ་ཀི་ཡ་ལོ་ཀུ་ཏྟ་ར་མི་སྶ་ཀ་ཏཱ ད་སྶི་ཏཱ ‘‘ཨ་པི་ཙེ་སཱ ས་མྨཱ་དི་ཊྛི ནཱ་མ པུ་བྦ་བྷཱ་གེ ནཱ་ནཱ་ཀྑ་ཎཱ ནཱ་ནཱ་ར་མྨ་ཎཱ ཧོ་ཏི, མ་གྒ་ཀྑ་ཎེ ཨེ་ཀ་ཀྑ་ཎཱ ཨེ་ཀཱ་ར་མྨ་ཎཱ’’ཏི་ཨཱ་དི་ནཱ ཙཱ་ཏི? ས་ཙྩ་མེ་ཏཾ, ཨེ་ཝཾ པ་ན ཨཱ་ག་མ་ན་ཝ་སེ་ན ཏ་ཏྠཱ་པི ཙ་ཏུ་ས་ཙྩ་ཀ་མྨ་ཊྛཱ་ན་ད་སྶ་ནཱ་དི་མུ་ཁེ་ན ཨ་རི་ཡོ་ཝ ཨ་ཊྛ་ངྒི་ཀོ མ་གྒོ ད་སྶི་ཏོ. ཨེ་ཝ་ཉྩ ཀ་ཏྭཱ ‘‘པ་ཊི་ཝེ་དྷ་ཀྑ་ཎེ པ་ན ཨེ་ཀ་མེ་ཝ ཉཱ་ཎཾ ཧོ་ཏཱི’’ཏི མ་གྒ་ཉཱ་ཎ་སྶ ཨེ་ཀ་སྶེ་ཝ དུ་ཀྑ་ཉཱ་ཎཱ་དི་ཏཱ, ‘‘མ་གྒ་ཀྑ་ཎེ པ་ན…པེ… ཨེ་ཀོ་ཝ ཀུ་ས་ལ་ས་ངྐ་པྤོ ཨུ་པྤ་ཛྫ་ཏི, ཨ་ཡཾ ས་མྨཱ་ས་ངྐ་པྤོ ནཱ་མཱ’’ཏི་ཨཱ་དི་ནཱ མ་གྒ་ས་ངྐ་པྤཱ་དཱི་ནཾ ས་མྨཱ་ས་ངྐ་པྤཱ་དི་ཏཱ ཙ ནི་དྡྷཱ་རི་ཏཱ, པཱ་ལི༹་ཡ་ཉྩ ཨ་ཊྛ་ངྒི་ཀཾ མ་གྒཾ ཨུ་དྡི་སི་ཏྭཱ ཏ་མེ་ཝ ནི་དྡི་སི་ཏུཾ ‘‘དུ་ཀྑེ ཉཱ་ཎ’’ནྟི་ཨཱ་དི ཝུ་ཏྟཾ. ཏེ་ན སུ་ཏྟ་ནྟ་བྷཱ་ཛ་ནཱི་ཡེ་པི དྭི་ནྣཾ ལོ་ཀི་ཡ་ཏཱ, དྭི་ནྣཾ ལོ་ཀུ་ཏྟ་ར་ཏཱ ཝུ་ཏྟཱ ‘‘ཨེ་ཝཾ པུ་རི་མེ་སུ་པི དྭཱི་སཱུཏི ཨེ་ཏེ་ནཱ་ཏི.

པ་ཉྷ་པུ་ཙྪ་ཀ་ཝ་ཎྞ་ནཱ ནི་ཊྛི་ཏཱ.

ས་ཙྩ་ཝི་བྷ་ངྒ་ཝ་ཎྞ་ནཱ ནི་ཊྛི་ཏཱ.