༡༨. དྷ་མྨ་ཧ་ད་ཡ་ཝི་བྷ་ངྒོ
༡. ས་བྦ་ས་ངྒཱ་ཧི་ཀ་ཝཱ་ར་ཝ་ཎྞ་ནཱ
༩༧༨. དྷཱ་ཏུ་ས་མྦྷ་ཝ…པེ… ས་ངྒ་ཧི་ཏ་ཏྟཱཏི ཨེ་ཏྠ ཁ་ནྡྷཱ་དཱི་ནཾ ཀཱ་མ་དྷཱ་ཏུ་ཨཱ་དི་དྷཱ་ཏཱུ་སུ ས་མྦྷ་ཝ་བྷེ་ད་བྷི་ནྣཱ་ནཾ ནི་ར་ཝ་སེ་ས་ཏོ ས་ངྒ་ཧི་ཏ་ཏྟཱ་ཏི ཝི་བྷཱ་གེ་ན ཡོ་ཛ་ནཱ, ཏ་ཐཱ སེ་སེ་སུ་པི པ་རི་ཡཱ་པ་ནྣ་པ་བྷེ་ད་བྷི་ནྣཱ་ན་ནྟི་ཨཱ་དི་ནཱ. ཏ་ཏྠ ‘‘ནི་ར་ཝ་སེ་ས་ཏོ ས་ངྒ་ཧི་ཏ་ཏྟཱ’’ཏི ཨི་མི་ནཱ ‘‘ས་བྦ་ས་ངྒཱ་ཧི་ཀ་ཝཱ་རོ’’ཏི ཨ་ཡ་མ་སྶ ཨ་ཏྠཱ་ནུ་ག་ཏཱ ས་མ་ཉྙཱ་ཏི ད་སྶེ་ཏི. ཡ་སྨཱ ཙེ་ཏྠ ཁ་ནྡྷཱ་དཱི་ནཾ དྭཱ་ད་ས་ནྣཾ ཀོ་ཊྛཱ་སཱ་ནཾ ཨ་ན་ཝ་སེ་ས་ས་ངྒ་ཧོ, ཏ་སྨཱ ཨེ་ཝཾ དུ་ཏི་ཡ་ཝཱ་རཱ་དཱི་ན་ཉྩེ་ཏྠ ཨ་ནུ་པྤ་ཝེ་སོ ཝེ་དི་ཏ་བྦོ. ཁ་ནྡྷཱ་དཱི་ན་མེ་ཝ ཧི ཏེ་སཾ ས་མྦྷ་ཝཱ་དི་ཝི་ཙཱ་རོ ཨུ་པྤ་ཏྟཱ་ནུ་པྤ་ཏྟི་ད་སྶ་ན་ཝཱ་རོ་ཏི ཝ་ཏྟུཾ ཡུ་ཏྟོ་ཏི ཡོ་ཛ་ནཱ. ཨ་ནུ་པྤ་ཏྟི་ད་སྶ་ན་ཉྩེ་ཏྠ ཨ་ཏྠཱ་པ་ཏྟི་སི་དྡྷཾ ཝེ་དི་ཏ་བྦཾ. ན ཧི ཏ་ཏྠ ‘‘ཀ་ཏི ཁ་ནྡྷཱ ན པཱ་ཏུ་བྷ་ཝ་ནྟཱི’’ཏི་ཨཱ་དི་པཱ་ལི༹ ཨ་ཏྠི.
༩༧༩. པུ་ཙྪཱ་ནུ་རཱུ་པནྟི ཡེ་ནཱ་དྷི་པྤཱ་ཡེ་ན པུ་ཙྪཱ ཀ་ཏཱ, ཏ་ད་ནུ་རཱུ་པཾ. ཨ་ཝི་ཏ་ཐ་བྱཱ་ཀ་ར་ཎཾ ནཱ་མ བུ་དྡྷཱ་ནཾ ཨེ་ཝ ཨཱ་ཝེ་ཎི་ཀཾ, ཨ་ཉྙེ་སཾ ཏཾ ཡཱ་དི་ཙྪི་ཀཾ སུ་ཏ་ཀྑ་ར་ས་དི་ས་ནྟི ཨཱ་ཧ ‘‘ས་བྦ་ཉྙུ་ཝ་ཙ་ནཾ ཝི་ཉྙཱ་ཡ ཀ་ཏ་ཏྟཱ’’ཏི.
ས་བྦ་ས་ངྒཱ་ཧི་ཀ་ཝཱ་ར་ཝ་ཎྞ་ནཱ ནི་ཊྛི་ཏཱ.
༢. ཨུ་པྤ་ཏྟཱ་ནུ་པྤ་ཏྟི་ཝཱ་ར་ཝ་ཎྞ་ནཱ
༩༩༡. ‘‘ཀཱ་མ་བྷ་ཝེ’’ཏི ཨི་དཾ ཨོ་ཀཱ་ས་ཝ་སེ་ན ཝ་ཏྭཱ པུ་ན ས་ཏྟ་ས་ནྟཱ་ན་ཝ་སེ་ན ཝ་ཏྟུཾ ‘‘ཀཱ་མ་དྷཱ་ཏུ་ས་མྦྷཱུ་ཏཱ་ན་ཉྩཱ’’ཏི ཝུ་ཏྟ་ནྟི ཏ་མ་ཏྠ་ཝི་སེ་སཾ ད་སྶེ་ནྟོ ‘‘ཨི་དྡྷི་ཡཱ…པེ… ཨ་ཏྠོ’’ཏི ཨཱ་ཧ. ‘‘ན ཝ་ཏྟ་བྦཾ སི་ཡཱ’’ཏི ཀ་སྨཱ ཝུ་ཏྟཾ, ཡ་དི་པི ཨ་ས་ཉྙ་ས་ཏྟཱ་ནཾ ཨ་ཙ་ཀྑུ་ཀ་ཏྟཱ རཱུ་པཱ་ཡ་ཏ་ནཾ ཨ་ཙྩ་ནྟ་སུ་ཁུ་མ་ཏྟཱ ཧེ་ཊྛི་མ་བྷཱུ་མི་ཀཱ་ན་ཉྩ ཨ་གོ་ཙ་རོ, ས་མཱ་ན་བྷཱུ་མི་ཀཱ་ནཾ པ་ན ཝེ་ཧ་པྥ་ལཱ་ནཾ, ཨུ་པ་རི་བྷཱུ་མི་ཀཱ་ན་ཉྩ སུ་དྡྷཱ་ཝཱ་སཱ་ནཾ ཙ་ཀྑཱ་ཡ་ཏ་ན་སྶ གོ་ཙ་རོ ཧོ་ཏཱི་ཏི ཨཱ་ཡ་ཏ་ནཱ་དི་ཀི་ཙྩཾ ཀ་རོ་ཏི་ཡེ་ཝཱ་ཏི ས་ཀྐཱ ཝ་ཏྟུཾ. ཡཾ པ་ནེ་ཏྠ ཝི་ཏྠཱ་ར་ཏོ ཝ་ཏྟ་བྦཾ, ཏཾ ཧེ་ཊྛཱ ཝུ་ཏྟ་མེ་ཝ. ‘‘ཧེ་ཊྛ་ཏོ ཨ་ཝཱི་ཙི་ནི་ར་ཡཾ པ་རི་ཡ་ནྟཾ ཀ་ཏྭཱ ཨུ་པ་རི་ཏོ པ་ར་ནི་མྨི་ཏ་ཝ་ས་ཝ་ཏྟི་དེ་ཝེ ཨ་ནྟོ་ཀ་རི་ཏྭཱ ཡཾ ཨེ་ཏ་སྨི’’ནྟི་ཨཱ་དི་ནཱ (དྷ. ས. ༡༢༨༧) ཝུ་ཏྟ་པ་དེ་སཱ ཀཱ་མཱ་ཝ་ཙ་རཱ་དི་ཨོ་ཀཱ་སཱ. ཏེ ས་ཏྟ་ནི་ཀཱ་ཡཱ ཙ དྷཱ་ཏཱུ་ཏི ཝུ་ཙྩ་ནྟི ས་མུ་དཱ་ཡ་སྶ ཨ་ཝ་ཡ་ཝཱ་དྷཱ་ར་བྷཱ་ཝ་ཏོ ཡ་ཐཱ ‘‘མཱ་ས་པུ་ཉྫོ མཱ་སོ’’ཏི. ས་ཏྟཱ ཨུ་པྤ་ཛྫ་ནྟི ཨེ་ཏྠཱ་ཏི ས་ཏྟུ་པྤ་ཏྟི, ཨུ་པྤ་ཛྫ་ན་ཊྛེ་ན ས་ཏྟཱ་ཝ ཨུ་པྤ་ཏྟི ས་ཏྟུ་པྤ་ཏྟཱི་ཏི ཨེ་ཝཾ ཨོ་ཀཱ་ས་ས་ཏྟ་ལོ་ཀ་དྭ་ཡ་སྶ ས་ཏྟུ་པྤ་ཏྟི་པ་རི་ཡཱ་ཡོ ཝེ་དི་ཏ་བྦོ. ས་ཏྟ་བྷཱ་ཝེ་ན ཨུ་པྤ་ཏྟི, ན ཨ་ནུ་པཱ་དི་ནྣ་ཀྑ་ནྡྷཱ ཝི་ཡ ས་ངྑཱ་ར་བྷཱ་ཝེ་ནེ་ཝཱ་ཏི ཨ་དྷི་པྤཱ་ཡོ. ཀེ པ་ན ཏེ་ཏི ཨཱ་ཧ ‘‘ས་ཏྟཱ་ཝཱ་ས་ཝ་སེ་ན…པེ… ཨུ་པཱ་དི་ནྣ་ཀ་ཀྑ་ནྡྷཱ’’ཏི. ཏཾ་ཏཾ་པ་རི་ཡཱ་པ་ནྣཱ་ནནྟི ཏཾ་ཏཾ་ས་ཏྟཱ་ཝཱ་ས་པ་རི་ཡཱ་པ་ནྣཱ་ནཾ ས་ཏྟཱ་ནཾ, ས་ངྑཱ་རཱ་ན་མེ་ཝ ཝཱ. ས་དི་སཱ་དྷི་ཊྛཱ་ན་བྷཱ་ཝེ་ནཱཏི ས་དི་སཱ་ཀཱ་རེ་ན པ་ཝ་ཏྟ་མཱ་ནཱ་ནཾ ཁ་ནྡྷཱ་ནཾ པ་ཏི་ཊྛཱ་ན་བྷཱ་ཝེ་ན. ཡེ་བྷུ་ཡྻེ་ན ཧི ཏ་སྨིཾ ས་ཏྟཱ་ཝཱ་སེ དྷ་མྨཱ ས་མཱ་ནཱ་ཀཱ་རེ་ན པ་ཝ་ཏྟ་ནྟི.
ཨུ་པྤ་ཏྟཱ་ནུ་པྤ་ཏྟི་ཝཱ་ར་ཝ་ཎྞ་ནཱ ནི་ཊྛི་ཏཱ.
༣. པ་རི་ཡཱ་པ་ནྣཱ་པ་རི་ཡཱ་པ་ནྣ་ཝཱ་ར་ཝ་ཎྞ་ནཱ
༩༩༩. ཏ་ཏྠ, ཨ་ཉྙ་ཏྠ ཙཱཏི ཏ་སྨིཾ, ཨ་ཉྙ་སྨི་ཉྩ བྷ་ཝེ, ཨོ་ཀཱ་སེ ཙ. པ་རི་ཙྪེ་ད་ཀཱ་རི་ཀཱ་ཡ ཀཱ་མཱ་དི་ཏ་ཎྷཱ་ཡ པ་རི་ཙྪི་ཛྫ ཨཱ་པ་ནྣཱ ག་ཧི་ཏཱ་ཏི པ་རི་ཡཱ་པ་ནྣཱ་ཏི ཏཾ་ཏཾ་བྷ་ཝཱ་དི་ཨ་ནྟོ་ག་དྷཱ ཏཾ་ཏཾ་པ་རི་ཡཱ་པ་ནྣཱ.
པ་རི་ཡཱ་པ་ནྣཱ་པ་རི་ཡཱ་པ་ནྣ་ཝཱ་ར་ཝ་ཎྞ་ནཱ ནི་ཊྛི་ཏཱ.
༦. ཨུ་པྤཱ་ད་ཀ་ཀ་མྨ་ཨཱ་ཡུ་པྤ་མཱ་ཎ་ཝཱ་རོ
༡. ཨུ་པྤཱ་ད་ཀ་ཀ་མྨ་ཝ་ཎྞ་ནཱ
༡༠༢༡. དྷཱ་ཏུ་ཏྟ་ཡ་བྷཱུ་ཏ་དེ་ཝ་ཝ་སེ་ནཱཏི ཀཱ་མཱ་དི་དྷཱ་ཏུ་ཏྟ་ཡེ ནི་བྦ་ཏྟ་དེ་ཝཱ་ནཾ ཝ་སེ་ན.
ཨུ་པྤཱ་ད་ཀ་ཀ་མྨ་ཝ་ཎྞ་ནཱ ནི་ཊྛི་ཏཱ.
༢. ཨཱ་ཡུ་པྤ་མཱ་ཎ་ཝ་ཎྞ་ནཱ
༡༠༢༦. སུ་པ་རི་མ་ཛྫི་ཏ་ཀ་ཉྩ་ནཱ་དཱ་སཾ ཝི་ཡ སོ་བྷ་ཏི ཝི་ཛྫོ་ཏ་ཏཱི་ཏི སུ་བྷོ, ས་རཱི་རོ་བྷཱ་སོ, ཏེ་ན སུ་བྷེ་ན ཀི་ཎྞཱ ཝི་ཀི་ཎྞཱ་ཏི སུ་བྷ་ཀི་ཎྞཱ.
༡༠༢༧. ཏཾ་ཏཾ་མ་ན་སི་ཀཱ་རནྟི པ་རི་ཏྟ་པ་ཐ་ཝཱི་ཀ་སི་ཎཱ་དི་ག་ཏ་མ་ན་སི་ཀཱ་རཾ. ཨ་པྤ་ནཱ་ཀྑ་ཎེ་པཱིཏི པི-ས་དྡེ་ན པུ་བྦ་བྷཱ་གཾ ས་མྤི་ཎྜེ་ཏི. ཚ་ནྡ་ནཾ ཨཱ་ར་མྨ་ཎ་པ་རི་ཡེ་ས་ནཾ ཚ་ནྡོ, ཀ་ཏྟུ་ཀ་མྱ་ཏཱ་ཚ་ནྡོ. པ་ཎི་དྷཱ་ནཾ ཙི་ཏྟ་ཊྛ་པ་ནཱ པ་ཎི་དྷི, ས་ཉྙཱ་ཝི་རཱ་གཱ་དཱི་ཧི ཨཱ་ར་མྨ་ཎ་སྶ ཝི་སེ་ས་ནཾ ཏ་ཐཱ་པ་ཝ་ཏྟཱ་ཡ བྷཱ་ཝ་ནཱ་ཡ ཨཱ་ར་མྨ་ཎ་ཀ་ར་ཎ་མེ་ཝ.
ཝི་པུ་ལཾ ཝུ་ཙྩ་ཏི མ་ཧ་ནྟཾ, ས་ནྟ་བྷཱ་ཝོ་པི མ་ཧ་ནཱི་ཡ་ཏཱ་ཡ མ་ཧ་ནྟ་མེ་ཝཱ་ཏི ཨཱ་ཧ ‘‘ཝི་པུ་ལཱ ཕ་ལཱ་ཏི ཝི་པུ་ལ་ས་ནྟ་སུ་ཁཱ་ཡུ་ཝ་ཎྞཱ་དི་ཕ་ལཱ’’ཏི.
༡༠༢༨. ཡཾ ཙཱ་ཏུ་མ་ཧཱ་རཱ་ཛི་ཀཱ་ནཾ ཨཱ་ཡུ་པྤ་མཱ་ཎཾ, ས་ཉྫཱི་ཝེ ཨེ་སོ ཨེ་ཀོ ར་ཏྟི་དི་ཝོ, ཏཱ་ཡ ར་ཏྟི་ཡཱ ཏིཾ་ས ར་ཏྟི་ཡོ མཱ་སོ, ཏེ་ན མཱ་སེ་ན དྭཱ་ད་ས་མཱ་སི་ཀོ སཾ་ཝ་ཙྪ་རོ, ཏེ་ན སཾ་ཝ་ཙྪ་རེ་ན པ་ཉྩ ཝ་སྶ་ས་ཏཱ་ནི ས་ཉྫཱི་ཝེ ཨཱ་ཡུ་པྤ་མཱ་ཎཾ. ཡཾ ཏཱ་ཝ་ཏིཾ་སཱ་ནཾ ཨཱ་ཡུ་པྤ་མཱ་ཎཾ, ཨེ་སོ ཀཱ་ལ༹་སུ་ཏྟེ ཨེ་ཀོ ར་ཏྟི་དི་ཝོ…པེ… ཏེ་ན སཾ་ཝ་ཙྪ་རེ་ན ཝ་སྶ་ས་ཧ་སྶཾ ཀཱ་ལ༹་སུ་ཏྟེ ཨཱ་ཡུ་པྤ་མཱ་ཎཾ. ཡཾ ཡཱ་མཱ་ནཾ ཨཱ་ཡུ་པྤ་མཱ་ཎཾ, ཨེ་སོ ས་ངྒྷཱ་ཏེ ཨེ་ཀོ ར་ཏྟི་དི་ཝོ…པེ… ཏེ་ན སཾ་ཝ་ཙྪ་རེ་ན དྭེ ཝ་སྶ་ས་ཧ་སྶཱ་ནི ས་ངྒྷཱ་ཏེ ཨཱ་ཡུ་པྤ་མཱ་ཎཾ. ཡཾ ཏུ་སི་ཏཱ་ནཾ ཨཱ་ཡུ་པྤ་མཱ་ཎཾ, རོ་རུ་ཝེ ཨེ་སོ ཨེ་ཀོ ར་ཏྟི་དི་ཝོ…པེ… ཏེ་ན སཾ་ཝ་ཙྪ་རེ་ན ཙ་ཏྟཱ་རི ཝ་སྶ་ས་ཧ་སྶཱ་ནི རོ་རུ་ཝེ ཨཱ་ཡུ་པྤ་མཱ་ཎཾ. ཡཾ ནི་མྨཱ་ན་ར་ཏཱི་ནཾ ཨཱ་ཡུ་པྤ་མཱ་ཎཾ, མ་ཧཱ་རོ་རུ་ཝེ ཨེ་སོ ཨེ་ཀོ ར་ཏྟི་དི་ཝོ…པེ… ཏེ་ན སཾ་ཝ་ཙྪ་རེ་ན ཨ་ཊྛ ཝ་སྶ་ས་ཧ་སྶཱ་ནི མ་ཧཱ་རོ་རུ་ཝེ ཨཱ་ཡུ་པྤ་མཱ་ཎཾ. ཡཾ པ་ར་ནི་མྨི་ཏ་ཝ་ས་ཝ་ཏྟཱི་ནཾ དེ་ཝཱ་ནཾ ཨཱ་ཡུ་པྤ་མཱ་ཎཾ, ཏཱ་པ་ནེ ཨེ་སོ ཨེ་ཀོ ར་ཏྟི་དི་ཝོ…པེ… ཏེ་ན སཾ་ཝ་ཙྪ་རེ་ན སོ་ལ༹་ས ཝ་སྶ་ས་ཧ་སྶཱ་ནི ཏཱ་པ་ནེ ཨཱ་ཡུ་པྤ་མཱ་ཎཾ. མ་ཧཱ་ཏཱ་པ་ནེ ཨུ་པ་ཌྜྷ་ནྟ་ར་ཀ་པྤོ. ཨ་ཝཱི་ཙི་ཡཾ ཨེ་ཀོ ཨ་ནྟ་ར་ཀ་པྤོ ཙ ཨཱ་ཡུ་པྤ་མཱ་ཎ་ནྟི ཝ་ད་ནྟི. དེ་ཝཱ་ནཾ ཨ་དྷི་མུ་ཏྟ་ཀཱ་ལ་ཀི་རི་ཡཱ ཝི་ཡ ཏཱ་དི་སེ་ན པུ་ཉྙ་བ་ལེ་ན ཨ་ནྟ་རཱ་པི མ་ར་ཎཾ ཧོ་ཏཱི་ཏི ‘‘ཀ་མྨ་མེ་ཝ པ་མཱ་ཎ’’ནྟི ཝུ་ཏྟ་ནྟི ཝེ་དི་ཏ་བྦཾ. ཨེ་ཝ་ཉྩ ཀ་ཏྭཱ ཨ་བྦུ་དཱ་དི་ཨཱ་ཡུ་པ་རི་ཙྪེ་དོ་པི ཡུ་ཏྟ་ཏ་རོ ཧོ་ཏཱི་ཏི.
ཀིཾ ཛྷཱ་ནནྟི ཨ་ཊྛ་སུ ཛྷཱ་ནེ་སུ ཀ་ཏ་རཾ ཛྷཱ་ནཾ. བྷ་ཝ་སཱི་སཱ་ནཱིཏི བྷ་ཝ་གྒཱ་ནི, པུ་ཐུ་ཛྫ་ན་བྷ་ཝ་གྒཾ ཨ་རི་ཡ་བྷ་ཝ་གྒཾ ས་བྦ་བྷ་ཝ་གྒ་ནྟི ཝེ་ཧ་པྥ་ལཱ་དཱི་ནཾ ས་མ་ཉྙཱ. ཀ་སྶ་ཙི ས་ཏྟཱཏི པུ་ཐུ་ཛྫ་ན་སྶ, ཀ་སྶ་ཙི པ་ཉྩཱཏི སོ་ཏཱ་པ་ནྣ་སྶ, ས་ཀ་དཱ་གཱ་མི་ནོ ཙ, ཀ་སྶ་ཙི ཏ་ཡོཏི ཨ་ནཱ་གཱ་མི་ནོ ཝ་སེ་ན ཝུ་ཏྟཾ. ཏ་སྨཱ སོ བྲ་ཧྨ་ཀཱ་ཡི་ཀཱ་དཱི་ཧི ཙུ་ཏོ ཨ་རཱུ་པཾ ཨུ་པ་པ་ཛྫ་ནྟོ ཝེ་དི་ཏ་བྦོ. ‘‘ན་ཝ་སུ བྲ་ཧྨ་ལོ་ཀེ་སུ ནི་བྦ་ཏྟ་ཨ་རི་ཡ་སཱ་ཝ་ཀཱ་ནཾ ཏ་ཏྲཱུ་པ་པ་ཏྟི་ཡེ་ཝ ཧོ་ཏི, ན ཧེ་ཊྛཱུ་པ་པ་ཏྟཱི’’ཏི (ཝི་བྷ. ཨ་ཊྛ. ༡༠༢༨) ཨ་ཡཾ ཨ་ཊྛ་ཀ་ཐཱ་པཱ་ཋོ་ཏི ཨ་དྷི་པྤཱ་ཡེ་ན ‘‘ཡཾ པ་ནཱ’’ཏི་ཨཱ་དི ཝུ་ཏྟཾ. ‘‘ཏ་ཏྲཱུ་པ་པ་ཏྟི་པི ཧོ་ཏི ཨུ་པ་རཱུ་པ་པ་ཏྟི་པི, ན ཧེ་ཊྛཱུ་པ་པ་ཏྟཱི’’ཏི པ་ན པཱ་ཋོ་ཏི ཏེ་ན ‘‘ཧེ་ཊྛཱུ་པ་པ་ཏྟི་ཡེ་ཝ ནི་ཝཱ་རི་ཏཱ’’ཏི་ཨཱ་དི་ཝ་ཙ་ནེ་ན པ་ཡོ་ཛ་ནཾ ན་ཏྠི. ཨ་རཱུ་པ་དྷཱ་ཏཱུ་པ་པ་ཏྟི ཙ ན ནི་ཝཱ་རི་ཏཱ་ཏི ས་མྦ་ནྡྷོ. ཨ་རཱུ་པ་དྷཱ་ཏཱུ་པ་པ་ཏྟི ན ནི་ཝཱ་རི་ཏཱ ‘‘མ་ཏྠ་ཀེ ཋི་ཏོ་ཝ པ་རི་ནི་བྦཱ་ཏཱི’’ཏི ནི་ཡ་མ་སྶ ཨ་ནི་ཙྪི་ཏ་ཏྟཱ.
ཨ་ཉྙ་ཏྠཱཏི ཀཱ་མ་ལོ་ཀེ. ཏ་ཏྠཱཏི རཱུ་པ་ལོ་ཀེ. ཨ་ཡཾ ཨ་ཊྛ་ཀ་ཐཱཏི ‘‘པ་ཋ་མ་ཛ྄ཛྷཱ་ན་བྷཱུ་མི་ཡཾ ནི་བྦ་ཏྟོ…པེ… པ་རི་ནི་བྦཱ་ཏཱི’’ཏི ཨེ་ཝཾ པ་ཝ་ཏྟཱ ཨ་ཊྛ་ཀ་ཐཱ. ཏེ་ནེ་ཝཱཏི ཡ་སྨཱ རཱུ་པ་དྷཱ་ཏུ་ཡཾ ཨུ་པ་པ་ནྣོ ཨ་དྷི་པྤེ་ཏོ, ན ཨུ་པ་པ་ཛྫ་ནཱ་ར་ཧོ, ཏེ་ནེ་ཝ ཀཱ་ར་ཎེ་ན. ཏ་སྶཱཏི ཡ་ཐཱ་ཝུ་ཏྟ་སྶ རཱུ་པ་དྷཱ་ཏུ་ཡཾ ཨུ་པ་པ་ནྣ་སྶ ཨ་རི་ཡ་སཱ་ཝ་ཀ་སྶ. ཡེ་ན རཱུ་པ་རཱ་གེ་ན ཏ་ཏྠ རཱུ་པ་བྷ་ཝེ ཨུ་པ་པ་ནྣོ, ཏ་སྨིཾ ཨ་རཱུ་པ་ཛ྄ཛྷཱ་ནེ་ན ཝི་ཀྑ་མྦྷི་ཏེ ས་མྨ་དེ་ཝ དི་ཊྛཱ་དཱི་ན་ཝེ་སུ ཡ་ཐཱ ཀཱ་མ་རཱུ་པ་བྷ་ཝེ་སུ ཨཱ་ཡ་ཏིཾ བྷ་ཝཱ་བྷི་ལཱ་སོ ན བྷ་ཝི་སྶ་ཏི, ཨེ་ཝཾ ཨ་རཱུ་པ་བྷ་ཝེ་པཱི་ཏི ད་སྶེ་ནྟོ ཨཱ་ཧ ‘‘པུ་ན…པེ… བྷ་ཝི་སྶ་ཏི་ཡེ་ཝཱ’’ཏི. ཏ་ཏྠ ནི་བྦ་ཏྟོཏི རཱུ་པ་དྷཱ་ཏུ་ཡཾ ཨུ་པ་པ་ནྣོ. ཨ་རི་ཡ་མ་གྒཾ བྷཱ་ཝེ་ཏྭཱཏི ཧེ་ཊྛི་མཾ ཨ་རི་ཡ་མ་གྒཾ ས་མྤཱ་དེ་ཏྭཱ. ནི་བྦ་ཏྟ་བྷ་ཝཱ་དཱི་ན་ཝ་ད་སྶ་ན་ཝ་སེ་ནཱཏི ཏ་སྨིཾ རཱུ་པ་བྷ་ཝེ ནི་བྦ་ཏྟོ་པི ཏ་ཏྠེ་ཝ ཨཱ་དཱི་ན་ཝ་ད་སྶ་ན་ཝ་སེ་ན. ཨ་ནི་ཝ་ཏྟི་ཏ་བྷ་ཝཱ་བྷི་ལཱ་སོཏི ཨུ་པ་རི ཨ་རཱུ་པ་བྷ་ཝེ ཨ་ཝི་སྶ་ཊྛ་བྷ་ཝ་པ་ཏྠ་ནོ, ཡ་ཏོ ཨ་རཱུ་པ་དྷཱ་ཏུ་ཡཾ ཨུ་པ་པ་ཛྫ་ནཱ་ར་ཧོ. ཏ་སྶ ཝ་སེ་ནཱཏི ཏཱ་དི་ས་སྶ ཨ་རི་ཡ་སཱ་ཝ་ཀ་སྶ ཝ་སེ་ན. ‘‘ཀ་སྶ་ཙི པ་ཉྩ, ཀ་སྶ་ཙི ཏ་ཡོ ཨ་ནུ་ས་ཡཱ ཨ་ནུ་སེ་ནྟཱི’’ཏི ཨ་ཡཾ ཡ་མ་ཀ་པཱ་ལི༹ (ཡ་མ. ༢.ཨ་ནུ་ས་ཡ་ཡ་མ་ཀ.༣༡༢) པ་ཝ་ཏྟཱ.
ཨཱ་ཡུ་པྤ་མཱ་ཎ་ཝ་ཎྞ་ནཱ ནི་ཊྛི་ཏཱ.
༧. ཨ་བྷི་ཉྙེ་ཡྻཱ་དི་ཝཱ་ར་ཝ་ཎྞ་ནཱ
༡༠༣༠. ‘‘རུ་པྤ་ན་ལ་ཀྑ་ཎཾ རཱུ་པཾ, ཨ་ནུ་བྷ་ཝ་ན་ལ་ཀྑ་ཎཱ ཝེ་ད་ནཱ’’ཏི་ཨཱ་དི་ནཱ སཱ་མ་ཉྙ་ལ་ཀྑ་ཎ་པ་རི་གྒཱ་ཧི་ཀཱ. ‘‘ཕུ་ས་ན་ལ་ཀྑ་ཎོ ཕ་སྶོ, སཱ་ཏ་ལ་ཀྑ་ཎཾ སུ་ཁ’’ནྟི་ཨཱ་དི་ནཱ ཝི་སེ་ས་ལ་ཀྑ་ཎ་པ་རི་གྒཱ་ཧི་ཀཱ.
‘‘ཙ་ཏྟཱ་རོ ཁ་ནྡྷཱ སི་ཡཱ ཀུ་ས་ལཱ’’ཏི་ཨཱ་དཱི་སུ ཨི་དྷ ཡཾ ཝ་ཏྟ་བྦཾ, ཏཾ ཁ་ནྡྷ་ཝི་བྷ་ངྒཱ་དཱི་སུ ཝུ་ཏྟཾ, ཏ་སྨཱ ཏ་ཏྠ ཝུ་ཏྟ་ན་ཡེ་ནེ་ཝ ག་ཧེ་ཏ་བྦ་ནྟི ཨ་དྷི་པྤཱ་ཡོ. སེ་སཾ ཡ་དེ་ཏྠ ན ཝུ་ཏྟཾ, ཏཾ སུ་ཝི་ཉྙེ་ཡྻ་མེ་ཝཱ་ཏི.
ཨ་བྷི་ཉྙེ་ཡྻཱ་དི་ཝཱ་ར་ཝ་ཎྞ་ནཱ ནི་ཊྛི་ཏཱ.
དྷ་མྨ་ཧ་ད་ཡ་ཝི་བྷ་ངྒ་ཝ་ཎྞ་ནཱ ནི་ཊྛི་ཏཱ.
ཨི་ཏི ས་མྨོ་ཧ་ཝི་ནོ་ད་ནི་ཡཱ ཊཱི་ཀཱ་ཡ ལཱི་ན་ཏྠ་ཝ་ཎྞ་ནཱ
ཝི་བྷ་ངྒ-ཨ་ནུ་ཊཱི་ཀཱ ས་མ་ཏྟཱ.