༤. ཙ་ཏུ་ཀྐ་ནི་དྡེ་ས་ཝ་ཎྞ་ནཱ

༩༣༩. ཨེ་ཝཾ-ས་དྡེ་ནཱཏི ནི་ད་སྶ་ན་ཏྠེ་ན ཨེ་ཝཾ-ས་དྡེ་ནཱ་ཏི ཨ་དྷི་པྤཱ་ཡོ. བྷ་ཝོ ཨེ་ཝ ཨ་བྷི་ཝུ་དྡྷོ ཨ་བྷ་ཝོ ཡ་ཐཱ ‘‘ཨ་སེ་ཀྑཱ དྷ་མྨཱ’’ཏི (དྷ. ས. ཏི་ཀ་མཱ་ཏི་ཀཱ ༡༡). དུ་ཏི་ཡ་སྨིཾ པ་ཀྑེ བྷ་ཝཱ་བྷ་ཝ་ས་དྡེ་ན ས་མྤ་ཏྟི་ཝི་པ་ཏྟི་ཡོ, ཝུ་དྡྷི་ཧཱ་ནི་ཡོ ཝཱ ཝུ་ཏྟཱ་ཏི ཝེ་དི་ཏ་བྦཱ.

ཨ་ག་ཏི་ཡཱཏི ཨ་ཡུ་ཏྟ་ག་ཏི་ཡཱ, ཨ་པྤ་ཏི་རཱུ་པ་ཀི་རི་ཡཱ་ཡཱ་ཏི ཨ་ཏྠོ.

ཀོ་དྷཱུ་པཱ་ཡཱ་ས…པེ… མཱ་ཏུ་གཱ་མཱ ཝཱ ཨཱུ་མི་ཨཱ་དི་བྷ་ཡ་ནྟི ཡོ་ཛ་ནཱ. པ་ཉྩ་ཀཱ་མ་གུ་ཎ་མཱ་ཏུ་གཱ་མ་གྒ་ཧ་ཎེཏི པ་ཉྩ་ཀཱ་མ་གུ་ཎ་གྒ་ཧ་ཎེ, མཱ་ཏུ་གཱ་མ་གྒ་ཧ་ཎེ ཙ.

‘‘ས་ཡཾ་ཀ་ཏཾ སུ་ཁ་དུ་ཀྑ’’ནྟི་ཨཱ་དི་ཀཱ དི་ཊྛི ཡ་དི་པི ཨ་ཉྙེ་ས་མྤི དི་ཊྛི་ག་ཏི་ཀཱ་ནཾ ཨ་ཏྠེ་ཝ, ཏི་མྦ་རུ་ཀོ པ་ན ཏ་ཐཱ་དི་ཊྛི་ཀོ བྷ་ག་ཝ་ནྟཾ ཨུ་པ་ས་ངྐ་མི་ཏྭཱ པུ་ཙྪཱི་ཏི སཱ དི་ཊྛི ‘‘ཏི་མྦ་རུ་ཀ་དི་ཊྛཱི’’ཏི (སཾ. ནི. ༢.༡༨) ཝུ་ཏྟཱ. ཏེ་ནཱ་ཧ ‘‘ཏི་མྦ་རུ་ཀོ…པེ… ཨཱ་ག་ཏ་ཏྟཱ’’ཏི.

ཙ་ཏུ་ཀྐ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.