༢. ཨ་བྷི་དྷ་མྨ་བྷཱ་ཛ་ནཱི་ཡ་ཝ་ཎྞ་ནཱ

༧༢༥. སཱ་མ་ཉྙེ་ན ཝ་ཏྭཱ ཝི་སེ་སེ་ན ཨ་ཝུ་ཏྟ་ཏྟཱཏི ‘‘ཏེ་སཾ ཝི་པཱ་ཀེ’’ཏི ཡ་ཐཱ་ཝུ་ཏྟ་ཀུ་ས་ལ་ཝི་པཱ་ཀ་ཏཱ་དི་སཱ་མ་ཉྙེ་ན ཝ་ཏྭཱ ས་ཧེ་ཏུ་ཀཱ་ཧེ་ཏུ་ཀཱ་དི་ཝི་སེ་སེ་ན ཨ་ཝུ་ཏྟ་ཏྟཱ, ས་རཱུ་པེ་ན ནི་དྡྷཱ་རེ་ཏྭཱ ཨ་ཝུ་ཏྟ་ཏྟཱ་ཏི ཨ་ཏྠོ. ཨ་ཝི་པཱ་ཀ་ཏྟཱཏི ཨ་ཝི་པཱ་ཀ་དྷ་མྨ་ཏྟཱ. ཡ་དི ཨེ་ཝནྟི པ་ཙྩ་ཡ་བྷཱ་ཝ་ཏོ ལ་བྦྷ་མཱ་ནོ་པི དྷ་མྨ་བྷཱ་ཝོ ཨ་ཝི་པཱ་ཀ་དྷ་མྨ་ཏཱ་ཡ ཀི་རི་ཡཱ་ནཾ ཡ་དི ན ཝུ་ཏྟོ, ཨེ་ཝཾ ས་ཏི. ས་ཏི་པི པ་ཙྩ་ཡུ་པྤ་ནྣ་བྷཱ་ཝེ ཨ་ཝི་པཱ་ཀ་བྷཱ་ཝ་ཏོ ཨ་ཏྠ་བྷཱ་ཝོ་པི ན ཝ་ཏྟ་བྦོ. ཏེ་ནཱ་ཧ ‘‘ཝི་པཱ་ཀཱ ན ཧོ་ནྟཱི་ཏི ཨ་ཏྠ་བྷཱ་ཝོ ཙ ན ཝ་ཏྟ་བྦོ’’ཏི. ཨེ་ཝ་ཉྩེཏི ཡ་དི པ་ཙྩ་ཡུ་པྤ་ནྣ་ཏྟཱ ཀི་རི་ཡཱ་ནཾ ཨ་ཏྠ་བྷཱ་ཝོ ཝུ་ཏྟོ. ན་པྤ་ཊི་སི་དྡྷོ ཨི་ཙྪི་ཏོ་ཝཱ་ཏི ཨ་ཏྠོ. ཡ་དི ཨེ་ཝཾ ཀ་སྨཱ ན ཝུ་ཏྟོ་ཏི ཨཱ་ཧ ‘‘ཝི་པཱ་ཀ་སྶ པ་ནཱ’’ཏི་ཨཱ་དི. ཏེ་སནྟི ཀུ་ས་ལཱ་ཀུ་ས་ལཱ་ནཾ, ཝི་པཱ་ཀ་ཀི་རི་ཡ་དྷ་མྨཱ་ན་ཉྩ. ཨ་ཏྠ་དྷ་མྨ་ཏཱཏི ཝུ་ཏྟ་ན་ཡེ་ན ལ་བྦྷ་མཱ་ནོ་པི ཡ་ཐཱ་ཀྐ་མཾ ཨ་ཏྠ་བྷཱ་ཝོ, དྷ་མྨ་བྷཱ་ཝོ ཙ ན ཝུ་ཏྟོ. པ་ཙྩ་ཡ་བྷཱ་ཝཾ ས་ཏྟི་ཝི་སེ་སཾ ས་ནི་པྥཱ་དེ་ཏ་བྦ་ཏནྟི པ་ད་ཏྟ་ཡེ་ནཱ་པི ཝི་པཱ་ཀ་དྷ་མྨ་ཏ་མེ་ཝཱ་ཧ. སཱ ཧི ཝི་པཱ་ཀཱ་ནཾ ཧེ་ཏུ་བྷཱ་ཝ་ཏོ པ་ཙྩ་ཡ་བྷཱ་ཝོ, ཏ་དུ་པྤཱ་ད་ན་ས་མ་ཏྠ་ཏཱ་ཡ ས་ཏྟི་ཝི་སེ་སོ, ཏེ་ཧི ས་ག་བྦྷཱ ཝི་ཡ ཧོ་ཏཱི་ཏི ‘‘ས་ནི་པྥཱ་དེ་ཏ་བྦ་ཏཱ’’ཏི ཙ ཝུ་ཙྩ་ཏི. ཏཾ པ་སྶ་ནྟཱི ནི་པྥཱ་ད་ཀ་ཝི་སེ་སཱ་པི ནི་པྥཱ་དེ་ཏ་བྦཱ་པེ་ཀྑཱ ཧོ་ཏི དྷ་མྨ་པ་ཊི་ས་མྦྷི་དཱ. ཏཾ་ས་མྦ་ནྡྷེ་ནཱཏི ནི་པྥཱ་དེ་ཏ་བྦ་ས་མྦ་ནྡྷེ་ན. དྷ་མྨ་པ་ཊི་ས་མྦྷི་དཾ ཝ་ད་ནྟེ་ན ཨ་ཏྠ་པ་ཊི་ས་མྦྷི་དཱ་པི ཝུ་ཏྟཱ.

ས་བྷཱ་ཝ་དྷ་མྨེ པ་ཉྙ་ཏྟི ས་བྷཱ་ཝ་པ་ཉྙ་ཏྟཱིཏི ཨཱ་ཧ ‘‘ན ས་ཏྟཱ་དི་པ་ཉྙ་ཏྟི་ཡཱ’’ཏི. ས་བྷཱ་ཝེ་ན, ནི་རུ་ཏྟི་ཡེ་ཝ ཝཱ ས་བྷཱ་ཝ་པ་ཉྙ་ཏྟཱི་ཏི ཝུ་ཏྟཱ་ཏི ཨཱ་ཧ ‘‘ཨ་ཝི་པ་རཱི་ཏ་པ་ཉྙ་ཏྟི་ཡཱ ཝཱ’’ཏི.

༧༤༦. ཝོ་ཧཱ་ར་བྷཱུ་མིཾ, ཨ་དྷི་ག་མ་བྷཱུ་མི་ཉྩ ཨེ་ཀ་ཛ྄ཛྷཾ ཀ་ཏྭཱ ཨཱ་ཧ ‘‘ཀཱ་མཱ་ཝ་ཙ་རཱ, ལོ་ཀུ་ཏྟ་རཱ ཙ བྷཱུ་མི བྷཱུ་མཱི’’ཏི. ཙི་ཏྟུ་པྤཱ་དཱ ཝཱ པ་ཝ་ཏྟི་ཊྛཱ་ན་བྷཱ་ཝ་ཏོ བྷཱུ་མི.

ཨ་བྷི་དྷ་མྨ་བྷཱ་ཛ་ནཱི་ཡ་ཝ་ཎྞ་ནཱ ནི་ཊྛི་ཏཱ.