༡༤. སི་ཀྑཱ་པ་ད་ཝི་བྷ་ངྒོ
༡. ཨ་བྷི་དྷ་མྨ་བྷཱ་ཛ་ནཱི་ཡ་ཝ་ཎྞ་ནཱ
༧༠༣. སི་ཀྑཱ་ས་ངྑཱ་ཏཱ་ནཾ ཀུ་ས་ལ་དྷ་མྨཱ་ནཾ པ་ཉྩ སཱི་ལ་ངྒཱ་ནི ནི་སྶ་ཡ་བྷཱ་ཝེ་ན ཝཱ པ་ཏི་ཊྛཱ སི་ཡུཾ, ཨུ་པ་ནི་སྶ་ཡ་བྷཱ་ཝེ་ན ཝཱ་ཏི ཏ་དུ་བྷ་ཡཾ ད་སྶེ་ནྟོ ཨཱ་ཧ ‘‘ས་མྤ་ཡོ་ག་ཝ་སེ་ན, ཨུ་པ་ནི་སྶ་ཡ་ཝ་སེ་ན ཙ ཨོ་ཀཱ་ས་བྷཱ་ཝེ་ནཱ’’ཏི.
༧༠༤. ‘‘ཀ་མྨ་པ་ཐཱ ཨེ་ཝཱ’’ཏི ནི་ཡ་མ་སྶ ཀ་ཏ་ཏྟཱ ཝུ་ཏྟཾ ‘‘ཨ་ས་བྦ་སཱ་དྷཱ་ར་ཎེ་སཱུ’’ཏི. ན ཧི ས་ཀྐཱ ཨི་ནྡྲི་ཡཱ་དི་སཱ་དྷཱ་ར་ཎ་ཀོ་ཊྛཱ་ས་ཝ་སེ་ན ནི་ཡ་མཾ ཀཱ་ཏུཾ. ཀ་མྨ་པ་ཐ་ཀོ་ཊྛཱ་སི་ཀཱ ཨེ་ཝ, ན ཛྷཱ་ནཱ་དི་ཀོ་ཊྛཱ་སི་ཀཱ. ཀ་མྨ་པ་ཐ་བྷཱ་ཝེ་ན ཨཱ་ག་ཏ་ནྟི ཝ་ད་ནྟི, དུ་གྒ་ཏི་ཡཱ, ཏ་ཏྠ ཨུ་པྤ་ཛྫ་ན་དུ་ཀྑ་སྶ ཙ པ་ཝ་ཏྟི་ཨུ་པཱ་ཡ་བྷཱ་ཝ་ཏོ་ཏི ཨ་དྷི་པྤཱ་ཡོ. ཨ་སྶ སུ་རཱ་པཱ་ན་སྶ. ཨུ་པ་ཀཱ་ར་ཀ་ཏྟཾ ས་བྦེ་སཾ. ས་བྷཱ་ག་ཏྟཾ མི་ཙྪཱ་ཙཱ་ར་སྶ.
ཏ་ཐཱ་ག་ཧི་ཏ་ས་ངྑཱ་རཱ་ར་མྨ་ཎ་ཏཱ་ཡཱཏི ‘‘ས་ཏྟཾ ཨ་ཝ་ཧ་རཱ་མི, ས་ཏྟེ ཝི་པྤ་ཊི་པ་ཛྫཱ་མཱི’’ཏི་ཨཱ་དི་ནཱ ས་ཏྟཱ་ཀཱ་རེ་ན ག་ཧི་ཏ་ས་ངྑཱ་རཱ་ར་མྨ་ཎ་ཏཱ་ཡ, ན པ་ན ས་ཏྟ་པ་ཉྙ་ཏྟི་ཨཱ་ར་མྨ་ཎ་ཏཱ་ཡཱ་ཏི ཨ་དྷི་པྤཱ་ཡོ. ‘‘པ་ཉྩ སི་ཀྑཱ་པ་དཱ’’ཏི་ཨཱ་དི་ནཱ ཏ་མེ་ཝ་ཏྠཾ ཝི་ཝ་ར་ཏི.
ཏ་སྶ ཏ་སྶཱཏི ཡ་སྶ ཡ་སྶ བྱ་ས་ན་ཏྠཱ་ཡ. ས་ཡཾ ཝཱ ཨུ་སུ་ཨཱ་དིཾ ཁི་པ་ཏི, ཨོ་པཱ་ཏ་ཁ་ཎ་ནཱ་དིཾ ཀ་རོ་ཏི, ཏཱ་དི་སཾ མ་ནྟཾ པ་རི་ཛ་པྤ་ཏི, ཀ་མྨ་ཛ་ཨི་དྡྷིཾ ཝ་ལ༹་ཉྫེ་ཏི, ཨ་ཉྙེ་ན ཝཱ ཏཾ ས་བྦཾ ཀཱ་རེ་ཏཱི་ཏི ཨཱ་ཧ ‘‘ནི་སྶ་གྒི་ཡ…པེ… དྭེ ཨེ་ཝ ག་ཧི་ཏཱ’’ཏི.
ཡ་དི་པི ཀོ་ཊྛཱ་ས་ཝཱ་རེ ཝི་ར་ཏི ས་རཱུ་པེ་ན ནཱ་ག་ཏཱ ‘‘ཡེ་ཝཱ་པ་ནཱ’’ཏྭེ་ཝ ཝུ་ཏྟཱ, བྷ་ཛཱ་པི་ཡ་མཱ་ནཱ པ་ན མ་གྒ་བྷཱ་ཝཾ་ཡེ་ཝ བྷ་ཛ་ཏཱི་ཏི ཨཱ་ཧ ‘‘ཝི་ར་ཏི་སཱི་ལཾ པ་ན མ་གྒ་ཀོ་ཊྛཱ་སི་ཀ’’ནྟི. སེ་ས་སཱི་ལཱ་ནནྟི སེ་ས་ཨ་ཝཱི་ཏི་ཀྐ་ནྟ་སཱི་ལཱ་ནཾ.
༧༡༢. ཨ་བྷ་བྦ་ཊྛཱ་ནཱཏི པཱ་ཎཱ་ཏི་པཱ་ཏཱ་ད་ཡོ. ཡ་ཐཱ པཱ་ཎཱ་ཏི་པཱ་ཏཱ་ད་ཡོ ཝེ་ར་ཧེ་ཏུ་ཏཱ་ཡ ཝེ་རཾ, ཨེ་ཝཾ ཏ་ད་ཉྙེ་པི ཨ་ཀུ་ས་ལཱ་ཏི ཝུ་ཏྟཾ ‘‘ཏཾ་ས་བྷཱ་ག་ཏཱ་ཡ ཝེ་ར་བྷཱུ་ཏཱ་ན’’ནྟི. ཝི་ར་ཏཱི་ནཾ ཨུ་པྤ་ཏྟི ན ན བྷ་ཝི་སྶ་ཏི སེ་ཀྑཱ་ན་ནྟི ཡོ་ཛ་ནཱ. ‘‘ཨ་ཀུ་ས་ལ་ས་མུ་ཊྛི་ཏཱ་ནི ཙཱ’’ཏི་ཨཱ་དི་ནཱ་པི སེ་ཀྑཱ་ནཾ ཨུ་བྷ་ཡེ་ན ཝི་ར་ཏི་ས་བྦྷཱ་ཝཾ་ཡེ་ཝ ཝི་བྷཱ་ཝེ་ཏི. ཏ་སྶ་ཏྠོ – ཡཱ་ནི ཨ་ཀུ་ས་ལ་ས་མུ་ཊྛི་ཏཱ་ནི ཀཱ་ཡ་ཀ་མྨཱ་དཱི་ནི, ཏཱ་ནི ཏེ་སཾ སེ་ཀྑཱ་ནཾ ཀཱ་ཡ་དུ་ཙྩ་རི་ཏཱ་དཱི་ནཱི་ཏི ཝེ་རཱ་ནི་ཡེ་ཝ, ཏེ་ཧི ཝེ་རེ་ཧི ཏེ་སཾ སེ་ཀྑཱ་ནཾ ཝི་ར་ཏི་ཡོ ས་མྦྷ་ཝ་ནྟི་ཡེ་ཝ. ཡ་ཏོཏི ཡ་སྨཱ པཱ་ཎཱ་ཏི་པཱ་ཏཱ་དི་ཝི་ར་མི་ཏ་བྦ་ནི་པྤ་རི་ཡཱ་ཡ་ཝེ་རཱ་བྷཱ་ཝེ་པི ཀཱ་ཡ་དུ་ཙྩ་རི་ཏཱ་དི་ཝེ་ར་མ་ཏྟ་ཏོ སེ་ཀྑཱ་ནཾ ཝི་ར་ཏི་ས་མྦྷ་ཝ་ཏོ. ན་ཕ་ལ་བྷཱུ་ཏ་སྶཱ་པཱིཏི ཡ་ཐཱ ཕ་ལ་སྶ མ་གྒ་པ་ཊི་བི་མྦ་བྷཱུ་ཏ་ཏྟཱ མ་གྒ་ས་དི་སཾ ས་ཏྟ་ཨ་ཊྛ་ངྒི་ཀ་ཏཱ སི་ཡཱ, ཨེ་ཝཾ ཨ་ཕ་ལ་བྷཱུ་ཏ་སྶཱ་པི ས་ཀ་དཱ་གཱ་མི་མ་གྒཱ་དི་ཀ་སྶ ཡ་ཏོ ཝི་ར་ཏི་ས་མྦྷ་ཝ་ཏོ ཨ་ཊྛ་ངྒི་ཀ་ཏཱ ཧོ་ཏི, ཨ་ཉྙ་ཐཱ པ་ཉྩ་ངྒི་ཀོ ཨེ་ཝ སི་ཡཱ་ཏི ཨ་དྷི་པྤཱ་ཡོ.
ཨ་བྷི་དྷ་མྨ་བྷཱ་ཛ་ནཱི་ཡ་ཝ་ཎྞ་ནཱ ནི་ཊྛི་ཏཱ.
༢. པ་ཉྷ་པུ་ཙྪ་ཀ་ཝ་ཎྞ་ནཱ
༧༡༤. ཡ་ཐཱ་ཝི་ར་མི་ཏ་བྦ་ཏོཏི ཡོ ཡོ པཱ་ཎཱ་ཏི་པཱ་ཏཱ་དི ཝི་ར་མི་ཏ་བྦོ, ཏ་ཏོ ཝི་ར་ཏི་ཝ་སེ་ན.
པ་ཉྷ་པུ་ཙྪ་ཀ་ཝ་ཎྞ་ནཱ ནི་ཊྛི་ཏཱ.
སི་ཀྑཱ་པ་ད་ཝི་བྷ་ངྒ་ཝ་ཎྞ་ནཱ ནི་ཊྛི་ཏཱ.