༢. ཨ་བྷི་དྷ་མྨ་བྷཱ་ཛ་ནཱི་ཡ་ཝ་ཎྞ་ནཱ

༤༩༠. ཨ་བྷི་དྷ་མྨེཏི དྷ་མྨ་ས་ངྒ་ཧེ. སོ ཧི ནི་བྦ་ཏྟི་ཏཱ་བྷི་དྷ་མྨ་དེ་ས་ནཱ, ན ཝི་བྷ་ངྒ་དེ་ས་ནཱ ཝི་ཡ སུ་ཏྟ་ནྟ་ན་ཡ་ཝི་མི་སྶཱ. ཨ་རི་ཡོ་པ་པ་ད་ཏཾ ན ཀ་རོ་ཏི ཝི་ནཱ་པི ཏེ་ན་སྶ ཨ་རི་ཡ་བྷཱ་ཝ་སི་དྡྷི་ཏོ. ཏེ་ནཱ་ཧ ཨ་ཊྛ་ཀ་ཐཱ་ཡཾ ‘‘ཡ་ཐཱ ཧཱི’’ཏི་ཨཱ་དི.

༤༩༣. ‘‘ལོ་ཀི་ཡ་ཀཱ་ལེ་ནཱ’’ཏི ཨི་དཾ པུ་བྦ་བྷཱ་ག་བྷཱ་ཝ་ནཱ་ནུ་བྷཱ་ཝེ་ན ཀི་ཙྩཱ་ཏི་རེ་ཀ་སི་དྡྷཱི་ཏི ད་སྶ་ན་ཏྠཾ ཝུ་ཏྟཾ. ཨེ་ཏེ་སནྟི ས་མྨཱ་དི་ཊྛི་ཨཱ་དཱི་ནཾ. ཨ་པྤ་ཧཱ་ནེ, པ་ཧཱ་ནེ ཙ ཨཱ་དཱི་ན་ཝཱ་ནི་སཾ་ས་ཝི་བྷཱ་ཝ་ནཱ་དི་ནཱ ཝི་སེ་ས་པྤ་ཙྩ་ཡ་ཏྟཱ ས་མྨཱ་དི་ཊྛི་ཨཱ་དཱི་ནི མི་ཙྪཱ་ཝཱ་ཙཱ་དཱི་ནི པ་ཛ་ཧཱ་པེ་ནྟཱི་ཏི ཝུ་ཏྟཱ་ནི. མི་ཙྪཱ་ཝཱ་ཙཱ་དི་ཏོ ནི་ཝ་ཏྟི ས་མྨཱ་ཝཱ་ཙཱ་དི་ཀི་རི་ཡཱ་ཏི ཝུ་ཏྟཾ ‘‘ས་མྨཱ་ཝཱ་ཙཱ་དི་ཀི་རི་ཡཱ ཧི ཝི་ར་ཏཱི’’ཏི. ས་མྨཱ་དི་ཊྛི་ཨཱ་ད་ཡོ ཝི་ཡ ན ཀཱ་རཱ་པ་ཀ་བྷཱ་ཝེ་ན, ཏཾ་ས་མ་ངྒཱི་པུ་གྒ་ལོ ཝི་ཡ ན ཀ་ཏྟུ་བྷཱ་ཝེ་ན. ལོ་ཀུ་ཏྟ་ར་ཀྑ་ཎེ་པཱིཏི ན ཀེ་ཝ་ལཾ ལོ་ཀི་ཡ་ཀྑ་ཎེ་ཡེ་ཝ, ཨ་ཐ ཁོ ལོ་ཀུ་ཏྟ་ར་ཀྑ་ཎེ་པི.

ཁ་ནྡྷོ་པ་དྷིཾ ཝི་པ་ཙྩ་ཏཱིཏི པ་ཊི་ས་ནྡྷི་དཱ་ཡི་ཀཾ ས་ནྡྷཱ་ཡཱ་ཧ. ཏ་ཏྠ ཝི་པ་ཙྩ་ཏཱིཏི པ་ཝ་ཏྟི་ཝི་པཱ་ཀ་དཱ་ཡི་ཀཾ.

ཨེ་ཀེ་ཀནྟི ‘‘ཏ་ཏྠ ཀ་ཏ་མཱ ས་མྨཱ་དི་ཊྛཱི’’ཏི་ཨཱ་དི་ནཱ ཨེ་ཀེ་ཀཾ ཨ་ངྒཾ པུ་ཙྪི་ཏྭཱ. ཏ་སྶ ཏ་སྶེ་ཝཱཏི ཨེ་ཀེ་ཀ་ཨ་ངྒ་སྶེ་ཝ, ན ཨ་ངྒ་ས་མུ་དཱ་ཡ་སྶ. ས་ཧ པ་ན པུ་ཙྪི་ཏྭཱཏི ‘‘ཏ་ཏྠ ཀ་ཏ་མོ པ་ཉྩ་ངྒི་ཀོ མ་གྒོ’’ཏི པུ་ཙྪི་ཏྭཱ. ཨེ་ཀ་ཏོ ཝི་སྶ་ཛྫ་ན་པ་ཊི་ནི་དྡེ་ས་ཏྟཱཏི ཡ་དི་པི ‘‘ཏ་ཏྠ ཀ་ཏ་མཱ ས་མྨཱ་དི་ཊྛི? ཡཱ པ་ཉྙཱ’’ཏི་ཨཱ་དི་ནཱ (ཝི་བྷ. ༤༩༥) ཝི་སྶ་ཛྫ་ནཾ ཀ་ཏཾ, ‘‘ཏ་ཏྠ ཀ་ཏ་མོ པ་ཉྩ་ངྒི་ཀོ མ་གྒོ’’ཏི (ཝི་བྷ. ༤༩༤) པ་ན ཨེ་ཀ་ཏོ ཀ་ཏཱ་ཡ པུ་ཙྪཱ་ཡ ཝི་སྶ་ཛྫ་ན་ཝ་སེ་ན པ་ཊི་ནི་དྡེ་ས་བྷཱ་ཝ་ཏོ ན པཱ་ཊི་ཡེ་ཀྐཾ པུ་ཙྪཱ་ཝི་སྶ་ཛྫ་ནཾ ནཱ་མ ཧོ་ཏི. ཀ་སྨཱ པ་ནེ་ཏྠ པ་ཉྩ་ངྒི་ཀ་ཝཱ་རེ ཨེ་ཝ པཱ་ཊི་ཡེ་ཀྐཾ པུ་ཙྪཱ་ཝི་སྶ་ཛྫ་ནཾ ཀ་ཏཾ, ན ཨ་ཊྛ་ངྒི་ཀ་ཝཱ་རེ་ཏི ཙོ་ད་ནཾ ས་ནྡྷཱ་ཡཱ་ཧ ‘‘ཏ་ཏྠཱ’’ཏི་ཨཱ་དི. ཨེ་ཀེ་ཀ་མུ་ཁཱ་ཡཱཏི ས་མྨཱ་དི་ཊྛི་ཨཱ་དི་མུ་ཁཱ་ཡ. ཏེ་ན ཝུ་ཏྟཾ ‘‘ཨ་རི་ཡཾ ཝོ, བྷི་ཀྑ་ཝེ, ས་མྨཱ་དི་ཊྛིཾ དེ་སེ་སྶཱ་མི ས་ཨུ་པ་ནི་སཾ ས་པ་རི་ཀྑཱ་ར’’ནྟི་ཨཱ་དི (སཾ. ནི. ༥.༢༨). པུ་བྦ་སུ་དྡྷི་ཡཱ སི་ཛ྄ཛྷ་ནྟི. ཏ་ཐཱ ཧི ཝུ་ཏྟཾ ‘‘པུ་བྦེ་ཝ ཁོ པ་ན་སྶ ཀཱ་ཡ་ཀ་མྨཾ ཝ་ཙཱི་ཀ་མྨཾ ཨཱ་ཛཱི་ཝོ སུ་པ་རི་སུ་དྡྷོ ཧོ་ཏཱི’’ཏི (མ. ནི. ༣.༤༣༡), ཏ་སྨཱ ས་མྨཱ་ཝཱ་ཙཱ་དི་མུ་ཁཱ བྷཱ་ཝ་ནཱ ན་ཏྠཱི་ཏི ཨ་དྷི་པྤཱ་ཡོ. ཏེ་ནཱ་ཧ ‘‘ན མ་གྒ་སྶ ཨུ་པ་ཙཱ་རེ་ནཱ’’ཏི.

ཨ་བྷི་དྷ་མྨ་བྷཱ་ཛ་ནཱི་ཡ་ཝ་ཎྞ་ནཱ ནི་ཊྛི་ཏཱ.

མ་གྒ་ངྒ་ཝི་བྷ་ངྒ་ཝ་ཎྞ་ནཱ ནི་ཊྛི་ཏཱ.