༡༠. པུ་རེ་ཛཱ་ཏ་པ་ཙྩ་ཡ་ནི་དྡེ་ས་ཝ་ཎྞ་ནཱ

༡༠. ན་ཡ་ད་སྶ་ན་ཝ་སེ་ན ཡཱ་ནི ཝི་ནཱ ཨཱ་ར་མྨ་ཎ་པུ་རེ་ཛཱ་ཏེ་ན ན ཝ་ཏྟ་ནྟི, ཏེ་སཾ ཙ་ཀྑུ་ཝི་ཉྙཱ་ཎཱ་དཱི་ནཾ ཨཱ་ར་མྨ་ཎ་པུ་རེ་ཛཱ་ཏ་ད་སྶ་ནེ་ན མ་ནོ་དྭཱ་རེ་པི ཡཾ ཡ་དཱ་ར་མྨ་ཎ་པུ་རེ་ཛཱ་ཏེ་ན ཝ་ཏྟ་ཏི, ཏ་སྶ ཏ་དཱ་ལ་མྦི་ཏཾ ས་བྦ་མྤི རཱུ་པ་རཱུ་པཾ ཨཱ་ར་མྨ་ཎ་པུ་རེ་ཛཱ་ཏ་ནྟི ད་སྶི་ཏ་མེ་ཝ ཧོ་ཏི, ས་རཱུ་པེ་ན པ་ན ཨ་ད་སྶི་ཏ་ཏྟཱ ‘‘སཱ་ཝ་སེ་ས་ཝ་སེ་ན དེ་ས་ནཱ ཀ་ཏཱ’’ཏི ཨཱ་ཧ. ཙི་ཏྟ་ཝ་སེ་ན ཀཱ་ཡཾ པ་རི་ཎཱ་མ་ཡ་ཏོ ཨི་དྡྷི་ཝི་དྷཱ་བྷི་ཉྙཱ་ཡ ཙ ཨ་ཊྛཱ་ར་ས་སུ ཡཾ་ཀི་ཉྩི ཨཱ་ར་མྨ་ཎ་པུ་རེ་ཛཱ་ཏཾ ཧོ་ཏཱི་ཏི ད་ཊྛ་བྦཾ.

ཏ་དཱ་ར་མྨ་ཎ་བྷཱ་ཝི་ནོཏི ཨེ་ཏྠ པ་ཊི་ས་ནྡྷི་བྷཱ་ཝི་ནོ ཝ་ཏྠུ་པུ་རེ་ཛཱ་ཏཱ་བྷཱ་ཝེ་ན ཨི་ཏ་ར་སྶ་པི ཨ་བྷཱ་ཝཱ ཨ་གྒ་ཧ་ཎཾ. བྷ་ཝ་ངྒ་བྷཱ་ཝི་ནོ པ་ན ག་ཧ་ཎཾ ཀཱ་ཏ་བྦཾ ན ཝཱ ཀཱ་ཏ་བྦཾ པ་ཊི་ས་ནྡྷི་ཡཱ ཝི་ཡ ཨ་པ་རི་བྱ་ཏྟ་སྶ ཨཱ་ར་མྨ་ཎ་སྶ ཨཱ་ར་མྨ་ཎ་མ་ཏྟ་བྷཱ་ཝ་ཏོ, ‘‘མ་ནོ་དྷཱ་ཏཱུ་ན་ཉྩཱ’’ཏི ཨེ་ཏྠ ས་ནྟཱི་ར་ཎ་བྷཱ་ཝི་ནོ མ་ནོ་ཝི་ཉྙཱ་ཎ་དྷཱ་ཏུ་ཡཱ་པི.

པུ་རེ་ཛཱ་ཏ་པ་ཙྩ་ཡ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.