༢. པ་ཝ་ཏྟི་ཝཱ་ར་ཝ་ཎྞ་ནཱ
༣༣-༣༤. ‘‘ཡ་སྶ ཀུ་ས་ལཱ དྷ་མྨཱ ཨུ་པྤ་ཛྫ་ནྟི, ཏ་སྶ ཨ་བྱཱ་ཀ་ཏཱ དྷ་མྨཱ ཨུ་པྤ་ཛྫ་ནྟཱི’’ཏི ཨེ་ཏ་སྶ ཝི་སྶ་ཛྫ་ནེ ‘‘ཨ་བྱཱ་ཀ་ཏཱ ཙཱ་ཏི ཙི་ཏྟ་ས་མུ་ཊྛཱ་ན་རཱུ་པ་ཝ་སེ་ན ཝུ་ཏྟ’’ནྟི ཨ་ཊྛ་ཀ་ཐཱ་ཡཾ ཝུ་ཏྟཾ, ཨི་མ་སྨིཾ པ་ན པ་ཉྷེ ཀ་མྨ་ས་མུ་ཊྛཱ་ནཱ་དི་རཱུ་པ་ཉྩ ལ་བྦྷ་ཏི, ཏཾ པ་ན པ་ཊི་ལོ་མ་ཝཱ་ར་སྶ ཝི་སྶ་ཛྫ་ནེ ས་བྦེ་སཾ ཙ་ཝ་ནྟཱ་ནཾ, པ་ཝ་ཏྟེ ཙི་ཏྟ་སྶ བྷ་ངྒ་ཀྑ་ཎེ, ཨཱ་རུ་པྤེ ཨ་ཀུ་ས་ལཱ་ནཾ ཨུ་པྤཱ་ད་ཀྑ་ཎེ ཏེ་སཾ ཀུ་ས་ལཱ ཙ དྷ་མྨཱ ན ཨུ་པྤ་ཛྫ་ནྟི ཨ་བྱཱ་ཀ་ཏཱ ཙ དྷ་མྨཱ ན ཨུ་པྤ་ཛྫ་ནྟཱིཏི ཨེ་ཏྠ པ་ཝ་ཏྟེ ཙི་ཏྟ་སྶ བྷ་ངྒ་ཀྑ་ཎེ ཨུ་པྤ་ཛྫ་མཱ་ན་མྤི ཀ་མྨ་ས་མུ་ཊྛཱ་ནཱ་དི་རཱུ་པཾ ཨ་གྒ་ཧེ་ཏྭཱ ‘‘ཨ་བྱཱ་ཀ་ཏཱ ཙ དྷ་མྨཱ ན ཨུ་པྤ་ཛྫ་ནྟཱི’’ཏི ཝུ་ཏྟ་ཏྟཱ ཙི་ཏྟ་ས་མུ་ཊྛཱ་ན་རཱུ་པ་མེ་ཝ ཨི་དྷཱ་དྷི་པྤེ་ཏཾ. ཀ་མྨ་ས་མུ་ཊྛཱ་ནཱ་དི་རཱུ་པེ ན ཝི་དྷཱ་ནཾ, ནཱ་པི པ་ཊི་སེ་དྷོ་ཏི ཀེ་ཙི ཝ་ད་ནྟི, ཏ་ཐཱ ཙི་ཏྟ་ས་མུ་ཊྛཱ་ན་རཱུ་པ་མེ་ཝ ས་ནྡྷཱ་ཡ ‘‘ཡ་སྶ ཀུ་ས་ལཱ དྷ་མྨཱ ཨུ་པྤ་ཛྫ་ནྟི, ཏ་སྶ ཨ་བྱཱ་ཀ་ཏཱ དྷ་མྨཱ ནི་རུ་ཛ྄ཛྷ་ནྟཱི་ཏི? ནོ’’ཏི (ཡ་མ. ༣.དྷ་མྨ་ཡ་མ་ཀ.༡༦༣) ཝུ་ཏྟ་ནྟི. ཏཾ པ་ནེ་ཏཾ ཨེ་ཝཾ ན ས་ཀྐཱ ཝ་ཏྟུཾ ཙི་ཏྟ་སྶ བྷ་ངྒ་ཀྑ་ཎེ ཀ་མྨ་ས་མུ་ཊྛཱ་ན་རཱུ་པཱ་དཱི་ན་མྤི ཨུ་པྤཱ་ད་སྶ ཨུ་པྤཱ་ད་ཀྑ་ཎེ ཙ ནི་རོ་དྷ་སྶ ཨེ་ཝ་མཱ་དཱི་ཧི ཨེ་ཝ པཱ་ལཱི༹་ཧི པ་ཊི་སེ་དྷ་སི་དྡྷི་ཏོ.
ཡེ ཙ ཝ་ད་ནྟི ‘‘ཡ་ཐཱ པ་ཊི་ས་མྦྷི་དཱ་མ་གྒེ ནི་རོ་དྷ་ཀ་ཐཱ་ཡཾ ‘སོ་ཏཱ་པ་ཏྟི་མ་གྒ་ཀྑ་ཎེ ཛཱ་ཏཱ དྷ་མྨཱ ཋ་པེ་ཏྭཱ ཙི་ཏྟ་ས་མུ་ཊྛཱ་ན་རཱུ་པཾ ས་བྦེ་པི ཝི་རཱ་གཱ ཙེ་ཝ ཧོ་ནྟི ཝི་རཱ་གཱ་ར་མྨ་ཎཱ ཝི་རཱ་ག་གོ་ཙ་རཱ ཝི་རཱ་ག་ས་མུ་དཱ་ག་ཏཱ ཝི་རཱ་ག་པ་ཏི་ཊྛཱ’ཏི་ཨཱ་དཱི་སུ ‘ཋ་པེ་ཏྭཱ རཱུ་པ’ནྟི ཨ་ཝ་ཏྭཱ ཙི་ཏྟ་པ་ཊི་བ་དྡྷ་ཏྟཱ ཙི་ཏྟ་ཛ་རཱུ་པཱ་ནཾ ‘ཋ་པེ་ཏྭཱ ཙི་ཏྟ་ས་མུ་ཊྛཱ་ན་རཱུ་པ’ནྟི ཝུ་ཏྟཾ, ཨེ་ཝ་མི་དྷཱ་པི ཙི་ཏྟ་པ་ཊི་བ་དྡྷ་ཏྟཱ ཙི་ཏྟ་ཛ་རཱུ་པ་མེ་ཝ ཀ་ཐི་ཏ’’ནྟི, ཏ་ཉྩ ཏ་ཐཱ ན ཧོ་ཏི. ཡེ་ས་ཉྷི སོ་ཏཱ་པ་ཏྟི་མ་གྒོ ས་ཧ་ཛཱ་ཏ་པ་ཙྩ་ཡོ ཧོ་ཏི, ཡེ་སུ ཙ ཝི་རཱ་གཱ་དི་ཨཱ་ས་ངྐཱ ཧོ་ཏི, ཏེ སོ་ཏཱ་པ་ཏྟི་མ་གྒ་ས་ཧ་ཛཱ་ཏཱ དྷ་མྨཱ སོ་ཏཱ་པ་ཏྟི་མ་གྒ་ཀྑ་ཎེ ཛཱ་ཏཱ དྷ་མྨཱ་ཏི ཏ་ཏྠ ཝུ་ཏྟཱ. སོ་ཏཱ་པ་ཏྟི་མ་གྒ་ཀྑ་ཎེ ཛཱ་ཏཱཏི ཧི ཝ་ཙ་ནཾ མ་གྒེ ཛཱ་ཏ་ཏཾ དཱི་པེ་ཏི, ན ཙ ཀ་མྨ་ཛཱ་དཱི་ནི ཨ་མ་གྒེ ཛཱ་ཡ་མཱ་ནཱ་ནི མ་གྒ་ཀྑ་ཎེ ཛཱ་ཏ་ཝོ་ཧཱ་རཾ ཨ་ར་ཧ་ནྟི ཏེ་སཾ ཏ་སྶ སོ་ཏཱ་པ་ཏྟི་མ་གྒ་ཀྑ་ཎེ ས་ཧ་ཛཱ་ཏ་པ་ཙྩ་ཡ་ཏྟཱ་བྷཱ་ཝ་ཏོ, ཏ་སྨཱ མ་གྒ་ཀྑ་ཎེ ཏཾ་ས་ཧ་ཛཱ་ཏ་དྷ་མྨེ་སུ ཋ་པེ་ཏ་བྦཾ ཋ་པེ་ཏུཾ ‘‘ཋ་པེ་ཏྭཱ ཙི་ཏྟ་ས་མུ་ཊྛཱ་ན་རཱུ་པ’’ནྟི ཝུ་ཏྟཾ, ཨི་དྷ པ་ན ཀུ་ས་ལཱ་དི་དྷ་མྨཱ ཡ་སྶ ཡ་ཏྠ ཨུ་པྤ་ཛྫ་ནྟི ནི་རུ་ཛ྄ཛྷ་ནྟི ཙ, ཏ་སྶ པུ་གྒ་ལ་སྶ ཏ་སྨི་ཉྩ ཨོ་ཀཱ་སེ ཨ་བྱཱ་ཀ་ཏ་དྷ་མྨཱ་ནཾ ཨུ་པྤཱ་ད་ནི་རོ་དྷཱ་ནཾ ཀུ་ས་ལཱ་དི་པ་ཊི་བ་དྡྷ་ཏཱ ཨ་པྤ་ཊི་བ་དྡྷ་ཏཱ ཙ ཨཱ་མ་ཊྛཱ, ན ཙ ཀ་མྨ་ཛཱ་དི་རཱུ་པཾ ཨ་བྱཱ་ཀ་ཏཾ ན ཧོ་ཏི, ཏ་སྨཱ ས་ནྣི་ཊྛཱ་ནེ་ན ག་ཧི་ཏ་སྶ པུ་གྒ་ལ་སྶ ཨོ་ཀཱ་སེ ཝཱ ཨུ་པྤཱ་ད་ནི་རོ་དྷེ་སུ ཝི་ཛྫ་མཱ་ནེ་སུ ཨ་བྱཱ་ཀ་ཏཱ་ནཾ ཏེ ཝེ་དི་ཏ་བྦཱ, ཨ་ཝི་ཛྫ་མཱ་ནེ་སུ ཙ པ་ཊི་སེ་དྷེ་ཏ་བྦཱ, ན ཙ ཨ་ཙི་ཏྟ་པ་ཊི་བ་དྡྷཱ ཨ་བྱཱ་ཀ་ཏཱ་ཏི ཨེ་ཏྠ ན ག་ཧི་ཏཱ་ཏི ས་ཀྐཱ ཝ་ཏྟུཾ ནི་རོ་དྷ་ས་མཱ་པ་ནྣཱ་ནཾ ཨ་ས་ཉྙ་ས་ཏྟཱ་ན་ཉྩ ཨུ་པྤཱ་ད་ནི་རོ་དྷ་ཝ་ཙ་ན་ཏོ་ཏི.
ཙ་ཏུ་ཏྠ་པ་ཉྷེ པ་ཝ་ཏྟེ ཨ་ཀུ་ས་ལཱ་བྱཱ་ཀ་ཏ་ཙི་ཏྟ་སྶ ཨུ་པྤཱ་ད་ཀྑ་ཎེཏི ཨི་དཾ ‘‘ཡ་སྶ ཝཱ པ་ན ཨ་བྱཱ་ཀ་ཏཱ དྷ་མྨཱ ཨུ་པྤ་ཛྫ་ནྟཱི’’ཏི ཨེ་ཏེ་ན ས་ནྣི་ཊྛཱ་ནེ་ན ག་ཧི་ཏེ་སུ པ་ཉྩ་ཝོ་ཀཱ་རེ ཨ་ཀུ་ས་ལཱ་བྱཱ་ཀ་ཏ་ཙི་ཏྟཱ་ནཾ ཙ་ཏུ་ཝོ་ཀཱ་རེ ཙ ཨ་བྱཱ་ཀ་ཏ་ཙི་ཏྟ་སྶེ་ཝ ཨུ་པྤཱ་ད་ཀྑ་ཎ་ས་མ་ངྒི་ནོ ས་ནྡྷཱ་ཡ ཝུ་ཏྟཾ. ཨེ་ཝཾ ས་བྦ་ཏྠ ས་ནྣི་ཊྛཱ་ན་ཝ་སེ་ན ཝི་སེ་སོ ཝེ་དི་ཏ་བྦོ.
༧༩. ‘‘ཨེ་ཀཱ་ཝ་ཛྫ་ནེ་ན ༡༦༦ ཨུ་པྤ་ནྣ་སྶཱ’’ཏི ཝུ་ཏྟཾ, ནཱ་ནཱ་ཝ་ཛྫ་ནེ་ན་པི པ་ན ཏ་ཏོ པུ་རི་མ་ཏ་ར་ཛ་ཝ་ན་ཝཱི་ཐཱི་སུ ཨུ་པྤ་ནྣ་སྶ ‘‘ཨུ་པྤཱ་ད་ཀྑ་ཎེ ཏེ་སཾ ཨ་ཀུ་ས་ལཱ དྷ་མྨཱ ནུ་པྤ་ཛྫི་སྶ་ནྟི, ནོ ཙ ཏེ་སཾ ཀུ་ས་ལཱ དྷ་མྨཱ ནུ་པྤ་ཛྫ་ནྟཱི’’ཏི ཨི་དཾ ལ་ཀྑ་ཎཾ ལ་བྦྷ་ཏེ་ཝ, ཏ་སྨཱ ཨེ་ཏེ་ན ལ་ཀྑ་ཎེ་ན ས་མཱ་ན་ལ་ཀྑ་ཎཾ ས་བྦཾ ཡ་སྶ ཙི་ཏྟ་སྶ ཨ་ན་ནྟ་རཱ ཨ་གྒ་མ་གྒཾ པ་ཊི་ལ་བྷི་སྶ་ནྟི, ཏ་སྶ ཙི་ཏྟ་སྶ ཨུ་པྤཱ་ད་ཀྑ་ཎེཏི ཨེ་ཏེ་ནེ་ཝ ཀུ་ས་ལཱ་ནཱ་ག་ཏ་བྷཱ་ཝ་པ་རི་ཡོ་སཱ་ནེ་ན ཏཱ་ཡ ཨེ་ཝ ས་མཱ་ན་ལ་ཀྑ་ཎ་ཏཱ་ཡ དཱི་པི་ཏཾ ཧོ་ཏཱི་ཏི ད་ཊྛ་བྦཾ. ཨེ་ས ན་ཡོ ཨ་ཀུ་ས་ལཱ་ཏཱི་ཏ་བྷཱ་ཝ་སྶ ཨ་བྱཱ་ཀ་ཏཱ་ཏཱི་ཏ་བྷཱ་ཝ་སྶ ཙ ཨཱ་དི་མྷི ‘‘དུ་ཏི་ཡེ ཨ་ཀུ་ས་ལེ’’ཏི, ‘‘དུ་ཏི་ཡེ ཙི་ཏྟེ’’ཏི ཙ ཝུ་ཏྟ་ཊྛཱ་ནེ. ཡ་ཐཱ ཧི བྷཱ་ཝ་ནཱ་ཝཱ་རེ བྷཱ་ཝ་ནཱ་པ་ཧཱ་ནཱ་ནཾ པ་རི་ཡོ་སཱ་ནེ་ན ཨ་གྒ་མ་གྒེ་ན ཏ་ཏོ པུ་རི་མ་ཏ་རཱ་ནི་པི བྷཱ་ཝ་ནཱ་པ་ཧཱ་ནཱ་ནི ད་སྶི་ཏཱ་ནི ཧོ་ནྟི, ཨེ་ཝ་མི་དྷཱ་པི ཏཾ ཏཾ ཏེ་ན ཏེ་ན ཨཱ་དི་ནཱ ཨ་ནྟེ་ན ཙ ད་སྶི་ཏ་ནྟི.
༡༠༠. པ་ཉྩ་ཝོ་ཀཱ་རེ ཨ་ཀུ་ས་ལཱ་ནཾ བྷ་ངྒ་ཀྑ་ཎེ ཏེ་སཾ ཨ་ཀུ་ས་ལཱ ཙ དྷ་མྨཱ ནི་རུ་ཛ྄ཛྷ་ནྟི ཨ་བྱཱ་ཀ་ཏཱ ཙ དྷ་མྨཱ ནི་རུ་ཛ྄ཛྷ་ནྟཱིཏི ཝ་ཙ་ནེ་ན པ་ཊི་ས་ནྡྷི་ཙི་ཏྟ་ཏོ སོ་ལ༹་ས་མཾ, ཏ་ཏོ པ་ར་མྤི ཝཱ བྷ་ཝ་ནི་ཀ་ནྟི་ཙི་ཏྟཾ ཧོ་ཏི, ན ཏ་ཏོ ཨོ་ར་ནྟི ཝི་ཉྙཱ་ཡ་ཏཱི་ཏི.
པ་ཝ་ཏྟི་ཝཱ་ར་ཝ་ཎྞ་ནཱ ནི་ཊྛི་ཏཱ.
དྷ་མྨ་ཡ་མ་ཀ་ཝ་ཎྞ་ནཱ ནི་ཊྛི་ཏཱ.