༢. ཨ་ནྟ་རཱ་བྷ་ཝ་ཀ་ཐཱ་ཝ་ཎྞ་ནཱ

༥༠༥. ཨ་ཏི་དཱུ་ར་སྶ ཨ་ནྟ་རི་ཏ་སྶ པ་ཏྟ་བྦ་སྶ དེ་ས་སྶ ད་སྶ་ན་ཏོ དི་བྦ་ཙ་ཀྑུ་ཀོ ཝི་ཡ. ཨཱ་ཀཱ་སེ་ན པ་ཐ་ཝ་ནྟ་ར་ཊྛཱ་ནཱ་ནི བྷི་ནྡི་ཏྭཱ ག་མ་ན་ཏོ ཨི་དྡྷི་མཱ ཝི་ཡ. ན ས་ཧ་དྷ་མྨེ་ནཱཏི ཡ་དི སོ བྷ་ཝཱ་ནཾ ཨ་ནྟ་རཱ ན སི་ཡཱ, ན ནཱ་མ ཨ་ནྟ་རཱ་བྷ་ཝོ་ཏི པ་ཊི་ཀྑེ་པེ ཀ་ར་ཎཾ ན་ཏྠཱི་ཏི ཨ་དྷི་པྤཱ་ཡོ.

༥༠༦. ཏ་ཏྠ ཛཱ་ཏི་ཛ་རཱ་མ་ར་ཎཱ་ནི ཙེ་ཝ ཙུ་ཏི་པ་ཊི་ས་ནྡྷི་པ་ར་མྤ་ར་ཉྩ ཨ་ནི་ཙྪ་ནྟོཏི ཨེ་ཏེ་ན ཙུ་ཏི་ཨ་ན་ནྟ་རཾ ཨ་ནྟ་རཱ་བྷ་ཝཾ ཁ་ནྡྷཱ་ཏི, ཝ་ཏྟ་མཱ་ནཱ ཛཱ་ཏཱི་ཏི, མཱ་ཏུ་ཀུ་ཙྪི་མེ་ཝ པ་ཝི་ཊྛཱ ཨ་ནྟ་ར་དྷཱ་ཡ་མཱ་ནཱ མ་ར་ཎ་ནྟི ན ཨི་ཙྪ་ཏི.

༥༠༧. ཡ་ཐཱ ཀཱ་མ་བྷ་ཝཱ་དཱི་སུ ཏ་ཏྠ ཏ་ཏྠེ་ཝ པུ་ན་པྤུ་ནཾ ཙ་ཝི་ཏྭཱ ཨུ་པ་པ་ཏྟི་ཝ་སེ་ན ཙུ་ཏི་པ་ཊི་ས་ནྡྷི་པ་ར་མྤ་རཱ ཧོ་ཏི, ཨེ་ཝཾ ཏཾ ཏ་ཏྠ ན ཨི་ཙྪ་ཏཱི་ཏི ད་སྶེ་ཏི.

ཨ་ནྟ་རཱ་བྷ་ཝ་ཀ་ཐཱ་ཝ་ཎྞ་ནཱ ནི་ཊྛི་ཏཱ.