༧. པ་ཐ་ཝཱི་ཀ་མྨ་ཝི་པཱ་ཀོ་ཏི་ཀ་ཐཱ་ཝ་ཎྞ་ནཱ

༤༩༢. ཕ་སྶོ སུ་ཁ་ཝེ་ད་ནཱི་ཡཱ་དི་བྷེ་དོ ཧོ་ཏཱིཏི ཕ་སྶེ་ན ས་བྦ་མྤི ཀ་མྨ་ཝི་པཱ་ཀཾ ད་སྶེ་ཏྭཱ པུ་ན ཨ་ཏྟ་ཝ་ཛྫེ་ཧི ས་མྤ་ཡོ་ག་ད་སྶ་ན་ཏྠཾ ‘‘སོ ཙ ས་ཉྙཱ་ད་ཡོ ཙཱ’’ཏི་ཨཱ་དི ཝུ་ཏྟཾ. ཨ་ཏྠི ཙ ནེ་སནྟི སཱ་ཝ་ཛྫ་ནེ ཙ་ཀྑུ་ཝི་ཉྙཱ་ཎཱ་དི་ས་ཧ་ཛཱ་ཏ་དྷ་མྨེ ས་ནྡྷཱ་ཡ ཝུ་ཏྟཾ. ཡོ ཏ་ཏྠ ཨི་ཊྛ་ཝི་པཱ་ཀོ, ཏ་སྶ པ་ཏྠ་ནཱཏི ཨི་ཊྛ་ཝི་པཱ་ཀེ ཨེ་ཝ པ་ཏྠ་ནཾ ཀ་ཏྭཱ ཀ་མྨཾ ཀ་རོ་ནྟཱི་ཏི ཀ་མྨཱུ་པ་ནི་སྶ་ཡ་བྷཱུ་ཏ་མེ་ཝ པ་ཏྠ་ནཾ ད་སྶེ་ཏི, པ་ཙྩུ་པྤ་ནྣ་ཝེ་ད་ནཱ་པ་ཙྩ་ཡཾ ཝཱ ཏ་ཎྷཾ ཨུ་པཱ་དཱ་ནཱ་དི་ནི་བྦ་ཏྟ་ན་ཝ་སེ་ན དུ་ཀྑ་སྶ པ་བྷཱ་ཝི་ཏཾ. མཱུ་ལ་ཏ་ཎྷཱཏི པ་ཙྩུ་པྤ་ནྣ་ཝི་པཱ་ཀ་ཝ་ཊྚ་ནི་བྦ་ཏྟ་ཀ་ཀ་མྨ་སྶ ཨུ་པ་ནི་སྶ་ཡ་བྷཱུ་ཏཾ པུ་རི་མ་ཏ་ཎྷཾ, ཀ་མྨ་ས་ཧཱ་ཡཾ ཝཱ ཝི་པཱ་ཀ་སྶ ཨུ་པ་ནི་སྶ་ཡ་བྷཱུ་ཏཾ.

༤༩༣. ས་ཀ་ས་མ་ཡ་ཝ་སེ་ན ཙ ཙོ་ད་ནཱ་ཡ པ་ཡུ་ཛྫ་མཱ་ན་ཏཾ ད་སྶེ་ཏུཾ ‘‘ཏེ་ས་ཉྩ ལ་དྡྷི་ཡཱ’’ཏི་ཨཱ་དི་མཱ་ཧ.

༤༩༤. པ་ཊི་ལཱ་བྷ་ཝ་སེ་ནཱཏི ཀ་མྨེ ས་ཏི པ་ཐ་ཝི་ཡཱ་དཱི་ནཾ པ་ཊི་ལཱ་བྷོ ཧོ་ཏཱི་ཏི ཀ་མྨཾ ཏཾ་སཾ་ཝ་ཏྟ་ནི་ཀཾ ནཱ་མ ཧོ་ཏཱི་ཏི ད་སྶེ་ཏི.

པ་ཐ་ཝཱི་ཀ་མྨ་ཝི་པཱ་ཀོ་ཏི་ཀ་ཐཱ་ཝ་ཎྞ་ནཱ ནི་ཊྛི་ཏཱ.