༡. བ་ལ་ཀ་ཐཱ་ཝ་ཎྞ་ནཱ
༣༥༤. ཨི་ནྡྲི་ཡ་པ་རོ་པ་རི་ཡ་ཏྟཾ ཨ་སཱ་དྷཱ་ར་ཎནྟི ཡ་ཐཱ ནི་དྡེ་ས་ཏོ ཝི་ཏྠཱ་ར་ཏོ ས་བྦཾ ས་བྦཱ་ཀཱ་རཾ ཋཱ་ནཱ་ཊྛཱ་ནཱ་དིཾ ཨ་ཛཱ་ན་ནྟཱ་པི ‘‘ཨ་ཊྛཱ་ན་མེ་ཏཾ ཨ་ན་ཝ་ཀཱ་སོ, ཡཾ དི་ཊྛི་ས་མྤ་ནྣོ པུ་གྒ་ལོ ཀ་ཉྩི ས་ངྑཱ་རཾ ནི་ཙྩ་ཏོ ཨུ་པ་ག་ཙྪེ་ཡྻཱ’’ཏི་ཨཱ་དི་ནཱ (ཨ. ནི. ༡.༢༦༨) ཋཱ་ནཱ་ཊྛཱ་ནཱ་ནི ཨུ་དྡེ་ས་ཏོ ས་ངྑེ་པ་ཏོ སཱ་ཝ་ཀཱ ཛཱ་ན་ནྟི, ན ཨེ་ཝཾ ‘‘ཨཱ་ས་ཡཾ ཛཱ་ནཱ་ཏི ཨ་ནུ་ས་ཡཾ ཛཱ་ནཱ་ཏཱི’’ཏི་ཨཱ་དི་ནཱ (པ་ཊི. མ. ༡.༡༡༣) ཨུ་དྡེ་ས་མ་ཏྟེ་ན་པི ཨི་ནྡྲི་ཡ་པ་རོ་པ་རི་ཡ་ཏྟཾ ཛཱ་ན་ནྟཱི་ཏི ‘‘ཨ་སཱ་དྷཱ་ར་ཎ’’ནྟི ཨཱ་ཧ. ཐེ་རེ་ན པ་ན ས་དྡྷཱ་དཱི་ནཾ ཨི་ནྡྲི་ཡཱ་ནཾ ཏི་ཀྑ་མུ་དུ་བྷཱ་ཝ་ཛཱ་ན་ན་མ་ཏྟཾ ས་ནྡྷཱ་ཡ ‘‘ས་ཏྟཱ་ནཾ ཨི་ནྡྲི་ཡ་པ་རོ་པ་རི་ཡ་ཏྟཾ ཡ་ཐཱ་བྷཱུ་ཏཾ པ་ཛཱ་ནཱ་མཱི’’ཏི (པ་ཊི. མ. ༢.༤༤) ཝུ་ཏྟཾ, ན ཡ་ཐཱ་ཝུ་ཏྟཾ ཨི་ནྡྲི་ཡ་པ་རོ་པ་རི་ཡ་ཏྟ་ཉཱ་ཎཾ ཏ་ཐཱ་ག་ཏ་བ་ལ་ནྟི ཨ་ཡ་མེ་ཏྠ ཨ་དྷི་པྤཱ་ཡོ ད་ཊྛ་བྦོ. ‘‘ཨུ་དྡེ་ས་ཏོ ཋཱ་ནཱ་ཊྛཱ་ནཱ་དི་མ་ཏྟ་ཛཱ་ན་ན་ཝ་སེ་ན པ་ཊི་ཛཱ་ནཱ་ཏཱི’’ཏི ཝུ་ཏྟཾ, ཨེ་ཝཾ པ་ན པ་ཊི་ཛཱ་ན་ནྟེ་ན ‘‘ཏ་ཐཱ་ག་ཏ་བ་ལཾ སཱ་ཝ་ཀ་སཱ་དྷཱ་ར་ཎ’’ནྟི ཨི་ད་མྤི ཨེ་ཝ་མེ་ཝ པ་ཊི་ཉྙཱ་ཏཾ སི་ཡཱ་ཏི ཀ་ཐ་མ་ཡཾ ཙོ་དེ་ཏ་བྦོ སི་ཡཱ.
༣༥༦. སེ་སེ་སུ པ་ཊི་ཀྑེ་པོ ས་ཀ་ཝཱ་དི་སྶ ཋཱ་ནཱ་ཊྛཱ་ན་ཉཱ་ཎཱ་དཱི་ནཾ སཱ་དྷཱ་ར་ཎཱ་སཱ་དྷཱ་ར་ཎ་ཏྟཱ ཏ་ཏྠ སཱ་དྷཱ་ར་ཎ་པ་ཀྑཾ ས་ནྡྷཱ་ཡཱ་ཏི ཨ་དྷི་པྤཱ་ཡོ.
བ་ལ་ཀ་ཐཱ་ཝ་ཎྞ་ནཱ ནི་ཊྛི་ཏཱ.