༡༠. ཝོ་ཧཱ་ར་ཀ་ཐཱ་ཝ་ཎྞ་ནཱ

༣༤༧. ཝོ་ཧཱ་ར་ཀ་ཐཱ་ཡཾ ཨུ་དཱ་ཧུ སོ་ཏཱ་དཱི་ནི་པཱིཏི ཨེ་ཀ་ནྟ་ལོ་ཀི་ཡེ་སུ ཝི་ས་ཡ་ཝི་ས་ཡཱི་སུ ཝི་ས་ཡ་སྶེ་ཝ ལོ་ཀུ་ཏྟ་ར་བྷཱ་ཝོ, ན ཝི་ས་ཡཱི་ན་ནྟི ན་ཏྠེ་ཏྠ ཀཱ་ར་ཎཾ. ཡ་ཐཱ ཙ ཝི་ས་ཡཱི་ནཾ ལོ་ཀུ་ཏྟ་ར་བྷཱ་ཝོ ཨ་སི་དྡྷོ, ཏ་ཐཱ ཝི་ས་ཡ་སྶ ས་དྡཱ་ཡ་ཏ་ན་སྶ. ཏ་ཏྠ ཡ་ཐཱ ཨ་སི་དྡྷ་ལོ་ཀུ་ཏྟ་ར་བྷཱ་ཝ་སྶ ཏ་སྶ ལོ་ཀུ་ཏྟ་ར་ཏཱ, ཨེ་ཝཾ སོ་ཏཱ་དཱི་ནཾ ཨཱ་པ་ནྣཱ་ཏི ཀི་ནྟི ཏཱ་ནི་པི ལོ་ཀུ་ཏྟ་རཱ་ནཱི་ཏི ཨ་ཏྠོ ད་ཊྛ་བྦོ.

ཡ་དི ལོ་ཀུ་ཏྟ་རེ པ་ཊི་ཧ་ཉྙེ་ཡྻ, ལོ་ཀུ་ཏྟ་རོ སི་ཡཱ་ཏི ཨ་ཏྠོ ན ག་ཧེ་ཏ་བྦོ. ན ཧི ལོ་ཀུ་ཏྟ་རེ པ་ཊི་ཧ་ཉྙ་ཏཱི་ཏི པ་རི་ཀ་པྤི་ཏེ་པི ས་དྡ་སྶ ལོ་ཀུ་ཏྟ་ར་བྷཱ་ཝོ ཨ་ཏྠཱི་ཏི ཨ་དྷི་པྤཱ་ཡོ. ‘‘ལོ་ཀི་ཡེ་ན ཉཱ་ཎེ་ནཱ’’ཏི ཨུ་དྡྷ་ཊཾ, ‘‘ཝི་ཉྙཱ་ཎེ་ནཱ’’ཏི པ་ན པཱ་ལི༹, ཏ་ཉྩ ཝི་ཉྙཱ་ཎཾ སོ་ཏ་ས་མྦ་ནྡྷེ་ན སོ་ཏ་ཝི་ཉྙཱ་ཎ་ནྟི ཝི་ཉྙཱ་ཡ་ཏཱི་ཏི. ཨ་ནེ་ཀ་ནྟ་ཏཱཏི ལོ་ཀི་ཡེ་ན ཉཱ་ཎེ་ན ཛཱ་ནི་ཏ་བྦ་ཏོ ལོ་ཀི་ཡོ་ཏི ཨེ་ཏ་སྶ ཧེ་ཏུ་སྶ ལོ་ཀི་ཡེ ལོ་ཀུ་ཏྟ་རེ ཙ ས་མྦྷ་ཝ་ཏོ ཨ་ནེ་ཀ་ནྟ་བྷཱ་ཝོ སི་ཡཱ་ཏི ཨ་དྷི་པྤཱ་ཡོ.

ཝོ་ཧཱ་ར་ཀ་ཐཱ་ཝ་ཎྞ་ནཱ ནི་ཊྛི་ཏཱ.