༧. དྷ་མྨ་ཀ་ཐཱ་ཝ་ཎྞ་ནཱ

༨༨༧-༨༨༨. དྷ་མྨ་ཀ་ཐཱ་ཡཾ རཱུ་པ་ཊྛ་ཏོ ཨ་ཉྙ་སྶ རཱུ་པ་སྶ ཨ་བྷཱ་ཝཱཏི ཡོ རཱུ་པ་སྶ ནི་ཡཱ་མོ ཝུ་ཙྩེ་ཡྻ, སོ རཱུ་པ་ཊྛོ ནཱ་མ ཀོ་ཙི རཱུ་པ་ཏོ ཨ་ཉྙོ ན་ཏྠཱི་ཏི རཱུ་པ་ཊྛ་ཏོ ཨ་ཉྙཾ རཱུ་པ་ཉྩ ན ཧོ་ཏི, ཏ་སྨཱ རཱུ་པཾ རཱུ་པ་མེ་ཝ, ན ཝེ་ད་ནཱ་དི་ས་བྷཱ་ཝ་ནྟི ཨ་དྷི་པྤཱ་ཡེ་ན ‘‘རཱུ་པཾ རཱུ་པ་ཊྛེ་ན ནི་ཡ་ཏ’’ནྟི ཝ་ཏྟ་བྦཾ, ན ཨ་ཉྙ་ཐཱ རཱུ་པ་ཊྛེ་ན ནི་ཡཱ་མེ་ནཱ་ཏི ཨ་དྷི་པྤཱ་ཡོ. ཏ་ཏྠ རཱུ་པ་ཏོ ཨ་ཉྙ་སྶ རཱུ་པ་ཊྛ་སྶ ཨ་བྷཱ་ཝེ ད་སྶི་ཏེ རཱུ་པ་ཊྛ་ཏོ ཨ་ཉྙ་སྶ རཱུ་པ་སྶ ཨ་བྷཱ་ཝོ ད་སྶི་ཏོ་ཡེ་ཝ ནཱ་མ ཧོ་ཏཱི་ཏི ཏ་མེ་ཝ རཱུ་པ་ཏོ ཨ་ཉྙ་སྶ རཱུ་པ་ཊྛ་སྶ ཨ་བྷཱ་ཝཾ ད་སྶེ་ནྟོ ‘‘རཱུ་པ་ས་བྷཱ་ཝོ ཧཱི’’ཏི་ཨཱ་དི་མཱ་ཧ. ཨེ་ས ཝོ་ཧཱ་རོཏི རཱུ་པ་སྶ ས་བྷཱ་ཝོ རཱུ་པ་ས་བྷཱ་ཝོ, རཱུ་པ་སྶ ཨ་ཏྠོ རཱུ་པ་ཊྛོ་ཏི ཨེ་ཝཾ ཨ་ཉྙ་ཏྟཾ ག་ཧེ་ཏྭཱ ཝི་ཡ པ་ཝ་ཏྟོ རཱུ་པ་ས་བྷཱ་ཝ་ཝོ་ཧཱ་རོ རཱུ་པ་ཊྛ་ཝོ་ཧཱ་རོ ཝཱ ཝེ་ད་ནཱ་དཱི་ཧི ནཱ་ན་ཏྟ་མེ་ཝ སོ ས་བྷཱ་ཝོ་ཏི ནཱ་ན་ཏྟ་ས་ཉྙཱ་པ་ན་ཏྠཾ ཧོ་ཏཱི་ཏི ཨ་ཏྠོ. ཏ་སྨཱཏི རཱུ་པ་སྶ རཱུ་པ་ཊྛེ་ན ཨ་ན་ཉྙ་ཏྟཱ. ‘‘རཱུ་པཾ རཱུ་པ་མེ་ཝ, ན ཝེ་ད་ནཱ་དི་ས་བྷཱ་ཝ’’ནྟི ཨ་ཝ་ཏྭཱ ‘‘རཱུ་པཾ རཱུ་པ་ཊྛེ་ན ནི་ཡ་ཏ’’ནྟི ཝ་ད་ཏོ ཏ་ཉྩ ཝ་ཙ་ནཾ ཝུ་ཏྟ་པྤ་ཀཱ་རེ་ན ས་དོ་སཾ, ཨ་ཐ ཀ་སྨཱ ‘‘རཱུ་པ་ཉྷི རཱུ་པ་ཊྛེ་ན ནི་ཡ་ཏ་ནྟི རཱུ་པཾ རཱུ་པ་མེ་ཝ, ན ཝེ་ད་ནཱ་དི་ས་བྷཱ་ཝ་ནྟི ཨ་དྷི་པྤཱ་ཡེ་ན ཝ་ཏྟ་བྦ’’ནྟི ཝ་ད་ནྟོ ‘‘རཱུ་པཾ རཱུ་པ་ཊྛེ་ན ནི་ཡ་ཏ’’ནྟི པ་ཊི་ཛཱ་ནཱ་ཏཱི་ཏི ཨ་ཏྠོ ད་ཊྛ་བྦོ. ན་ནུ ཙེ་ཏཾ ཨ་ཏྟ་ནཱ་ཝ ཝུ་ཏྟཾ, ན པ་རེ་ནཱ་ཏི པ་ཊི་ཛཱ་ནཱ་ཏཱི་ཏི ན ཝ་ཏྟ་བྦ་ནྟི? ན, ཨ་ཏྟཱ་ན་མྤི པ་རཾ ཝི་ཡ ཝ་ཙ་ན་ཏོ. ཝ་ཏྟ་བྦ་ནྟི ཝཱ ས་ཀ་ཝཱ་དི་ནཱ ཝ་ཏྟ་བྦ་ནྟི ཝུ་ཏྟཾ ཧོ་ཏི. ཡ་དི ཙ ཏེ་ན ཝ་ཏྟ་བྦཾ པ་ཊི་ཛཱ་ནཱ་ཏི ཙ སོ ཨེ་ཏ་མ་ཏྠ་ནྟི, ཨ་ཐ ཀ་སྨཱ པ་ཊི་ཛཱ་ནཱ་ཏི ས་ཀ་ཝཱ་དཱི་ཏི ཨ་ཡ་མེ་ཏྠ ཨ་ཏྠོ. ཨ་ཏྠ་ནྟ་ར་ཝ་སེ་ནཱཏི ཏ་ཏྠ ཝུ་ཏྟ་མེ་ཝ ཀཱ་ར་ཎཾ ནི་གཱུ་ཧི་ཏྭཱ པ་རེ་ན ཙོ་དི་ཏ་ནྟི ཏ་མེ་ཝ ཀཱ་ར་ཎཾ ད་སྶེ་ཏྭཱ ཙོ་ད་ནཾ ནི་ཝ་ཏྟེ་ཏི. ཨི་ཏོ ཨ་ཉྙ་ཐཱཏི རཱུ་པཱ་དི་ས་བྷཱ་ཝ་མ་ཏྟཾ མུ་ཉྩི་ཏྭཱ ཏེ་ན པ་རི་ཀ་པྤི་ཏཾ ནི་ཡ་ཏཾ ན་ཏྠཱི་ཏི ཏ་སྶ པ་རི་ཀ་པྤི་ཏ་སྶ ནི་ཝ་ཏྟ་ན་ཏྠཾ པུ་ན ཏེ་ནེ་ཝ ན་ཡེ་ན ཙོ་དེ་ཏུཾ ‘‘མི་ཙྪ་ཏྟ་ནི་ཡ་ཏ’’ནྟི་ཨཱ་དི་མཱ་ཧཱ་ཏི ཨ་ཏྠོ.

དྷ་མྨ་ཀ་ཐཱ་ཝ་ཎྞ་ནཱ ནི་ཊྛི་ཏཱ.

ཨེ་ཀ་ཝཱི་ས་ཏི་མ་ཝ་གྒ་ཝ་ཎྞ་ནཱ ནི་ཊྛི་ཏཱ.