༥. ས་ཏྟ་ཀྑ་ཏྟུ་པ་ར་མ་ཀ་ཐཱ་ཝ་ཎྞ་ནཱ

༦༤༡-༦༤༥. ས་ཏྟ་ཀྑ་ཏྟུ་པ་ར་མ་ཏཱ་ནི་ཡ་ཏོཏི ས་ཏྟ་ཀྑ་ཏྟུ་པ་ར་མ་ཏཱ་ཡ ནི་ཡ་ཏོ. ཨི་མཾ ཝི་བྷཱ་གནྟི ཨི་མཾ ཝི་སེ་སཾ. ཏྭཾ པ་ན་སྶ ནི་ཡཱ་མཾ ཨི་ཙྪ་སཱིཏི ཨ་ཝི་ནི་པཱ་ཏ་དྷ་མྨ་ཏཱ་ཕ་ལ་པྤ་ཏྟཱི་ཧི ཨ་ཉྙ་སྨིཾ ས་ཏྟ་ཀྑ་ཏྟུ་པ་ར་མ་བྷཱ་ཝེ ཙ ནི་ཡཱ་མཾ ཨི་ཙྪ་སཱི་ཏི ཨ་ཏྠོ.

ཨཱ་ན་ནྟ་རི་ཡཱ་བྷཱ་ཝནྟི ཡེ་ན སོ དྷ་མྨཱ་བྷི་ས་མ་ཡེ་ན བྷ་བྦོ ནཱ་མ ཧོ་ཏི, ཏ་སྶ ཨཱ་ན་ནྟ་རི་ཡ་ཀ་མྨ་སྶ ཨ་བྷཱ་ཝ་ནྟི ཨ་ཏྠོ, པུ་གྒ་ལ་སྶ ཝཱ ཨཱ་ན་ནྟ་རི་ཡ་བྷཱ་ཝ་སྶ ཨ་བྷཱ་ཝ་ནྟི. ཀིཾ པ་ན སོ ཨ་ནྟ་རཱ་དྷ་མྨཾ ཨ་བྷི་ས་མི་སྶ་ཏཱི་ཏི? ཀེ་ཙི ཝ་ད་ནྟི ‘‘ས་ཏྟ་ཀྑ་ཏྟུ་པ་ར་མོ ས་ཏྟ་མཾ བྷ་ཝཾ ནཱ་ཏི་ཀྐ་མ་ཏི, ཨོ་ར་ཏོ པ་ན ན་ཏྠི པ་ཊི་སེ་དྷོ’’ཏི. ཨ་པ་རེ ‘‘ཡོ བྷ་ག་ཝ་ཏཱ ཉཱ་ཎ་བ་ལེ་ན བྱཱ་ཀ་ཏོ, ཏ་སྶ ཨ་ནྟ་རཱ ཨ་བྷི་ས་མ་ཡོ ནཱ་མ ན་ཏྠི, ཏ་ཐཱ་པི བྷ་ཝ་ནི་ཡཱ་མ་སྶ ཀ་སྶ་ཙི ཨ་བྷཱ་ཝཱ བྷ་བྦོ་ཏི ཝུ་ཙྩ་ཏི. ཡ་ཐཱ ཀུ་ས་ལཱ ཨ་བྷི་ཉྙཱ་ཙེ་ཏ་ནཱ ཀ་དཱ་ཙི ཝི་པཱ་ཀཾ ཨ་ད་ད་མཱ་ནཱ་པི ས་ཏི ཀཱ་ར་ཎེ དཱ་ཏུཾ བྷ་བྦ་ཏཱ་ཡ ཝི་པཱ་ཀ་དྷ་མྨ་དྷ་མྨཱ ནཱ་མ, ཏ་ཐཱ ཨི་ནྡྲི་ཡཱ་ནཾ མུ་དུ་ཏཱ་ཡ ས་ཏྟ་ཀྑ་ཏྟུ་པ་ར་མོ, ན ནི་ཡཱ་མ་ས་བྦྷཱ་ཝཱ ནཱ་པི བྷ་ག་ཝ་ཏཱ བྱཱ་ཀ་ཏ་ཏྟཱ, ན ཙ ཨི་ནྡྲི་ཡ་མུ་དུ་ཏཱ ཨ་བྷ་བྦ་ཏཱ་ཀ་རོ དྷ་མྨོ་ཏི ན སོ ཨ་བྷ་བྦོ ནཱ་མ. ཨ་བྷ་བྦ་ཏཱ་ཀ་ར་དྷ་མྨཱ་བྷཱ་ཝ་ཏོ ཙེ་ཏྠ ཨ་བྷ་བྦ་ཏཱ པ་ཊི་སེ་དྷི་ཏཱ, ན པ་ན ཨ་ནྟ་རཱ ཨ་བྷི་ས་མེ་ཏུཾ བྷ་བྦ་ཏཱ ཝུ་ཏྟཱ. ཡ་དི ཙ ས་ཏྟ་ཀྑ་ཏྟུ་པ་ར་མོ ཨ་ནྟ་རཱ ཨ་བྷི་ས་མེ་ཡྻ, ཀོ་ལཾ་ཀོ་ལོ སི་ཡཱ’’ཏི. ཝི་སེ་སཾ པ་ན ཨ་ཀ་ཏྭཱ བྷ་བྦ་ས་བྷཱ་ཝ་ཏཱ་ཡ བྷ་བྦོ་ཏི ཝ་ཏྟུཾ ཡུ་ཏྟཾ. ན བྷ་ཝ་ནི་ཡཱ་མ་ཀཾ ཀི་ཉྩཱིཏི ཨེ་ཏྠ པ་སྶི་ཏྭཱ་ཏི ཝ་ཙ་ན་སེ་སོ, བྱཱ་ཀ་རོ་ཏཱི་ཏི ཝཱ ས་མྦ་ནྡྷོ.

ས་ཏྟ་ཀྑ་ཏྟུ་པ་ར་མ་ཀ་ཐཱ་ཝ་ཎྞ་ནཱ ནི་ཊྛི་ཏཱ.

དྭཱ་ད་ས་མ་ཝ་གྒ་ཝ་ཎྞ་ནཱ ནི་ཊྛི་ཏཱ.