༩. ཝ་ཙ་ན་སོ་དྷ་ན་ཝ་ཎྞ་ནཱ

༥༥-༥༩. པུ་གྒ་ལོ ཨུ་པ་ལ་བྦྷ་ཏཱི་ཏི པ་ད་དྭ་ཡ་སྶ ཨ་ཏྠ་ཏོ ཨེ་ཀ་ཏྟེཏི ཨེ་ཏྠ ཏ་དེ་ཝ ཨེ་ཀ་ཏྟཾ པ་རེ་ན ས་མྤ་ཊི་ཙྪི་ཏཾ ཨ་ས་མྤ་ཊི་ཙྪི་ཏ་ནྟི ཝི་ཙཱ་རེ་ཏ་བྦ་མེ་ཏཾ. པུ་གྒ་ལ་སྶ ཧི ཨ་ཝི་བྷ་ཛི་ཏ་བྦ་ཏཾ, ཨུ་པ་ལ་བྦྷ་ཏཱི་ཏི ཨེ་ཏ་སྶ ཝི་བྷ་ཛི་ཏ་བྦ་ཏཾ ཝ་ད་ནྟོ ཝི་བྷ་ཛི་ཏ་བྦཱ་ཝི་བྷ་ཛི་ཏ་བྦ་ཏྠཱ་ནཾ ཨུ་པ་ལ་བྦྷ་ཏི་པུ་གྒ་ལ-ས་དྡཱ་ནཾ ཀ་ཐཾ ཨ་ཏྠ་ཏོ ཨེ་ཀ་ཏྟཾ ས་མྤ་ཊི་ཙྪེ་ཡྻཱ་ཏི? ཡ་ཐཱ ཙ ཝི་བྷ་ཛི་ཏ་བྦཱ་ཝི་བྷ་ཛི་ཏ་བྦ་ཏྠཱ་ནཾ ཨུ་པ་ལ་བྦྷ་ཏི-རཱུ་པ-ས་དྡཱ་ནཾ ཏཾ ཝི་བྷཱ་གཾ ཝ་ད་ཏོ རཱུ་པཾ ཀི་ཉྩི ཨུ་པ་ལ་བྦྷ་ཏི, ཀི་ཉྩི ན ཨུ་པ་ལ་བྦྷ་ཏཱི་ཏི ཨ་ཡཾ པ་ས་ངྒོ ནཱ་པ་ཛྫ་ཏི, ཨེ་ཝཾ ཨེ་ཏ་སྶ་པི ཡ་ཐཱ་ཝུ་ཏྟ་ཝི་བྷཱ་གཾ ཝ་ད་ཏོ ཡ་ཐཱ་ཨཱ་པཱ་དི་ཏེ་ན པ་ས་ངྒེ་ན ན བྷ་ཝི་ཏ་བྦ་ནྟི མ་གྒི་ཏ་བྦོ ཨེ་ཏྠ ཨ་དྷི་པྤཱ་ཡོ.

༦༠. ‘‘སུ་ཉྙ་ཏོ ལོ་ཀཾ ཨ་ཝེ་ཀྑ་སྶཱུ’’ཏི (སུ. ནི. ༡༡༢༥) ཨེ་ཏེ་ན ཨ་ཏྠ་ཏོ པུ་གྒ་ལོ ན་ཏྠཱི་ཏི ཝུ་ཏྟཾ ཧོ་ཏཱི་ཏི ཨཱ་ཧ ‘‘ན་ཏྠཱི་ཏི་པི ཝུ་ཏྟ’’ནྟི.

ཝ་ཙ་ན་སོ་དྷ་ན་ཝ་ཎྞ་ནཱ ནི་ཊྛི་ཏཱ.