༦. ཚ་ཀྐ་ནི་དྡེ་ས་ཝ་ཎྞ་ནཱ

༢༠༢. ཚ་ཀྐེ ཨེ་ཀ་ནྟ་ཏོ པཱ་ཀ་ཊཱ ས་མྨཱ་ས་མྦུ་དྡྷཱ་ད་ཡོ ཏེ ཡ་ཐཱ་ཝུ་ཏྟ་གུ་ཎཱ པུ་གྒ་ལཱ་ཏི ད་སྶེ་ནྟོ ‘‘ས་མྨཱ་ས་མྦུ་དྡྷོ ཏེ་ན ད་ཊྛ་བྦོ’’ཏི་ཨཱ་དི་མཱ་ཧ. ཏ་ཏྠ ཏེ་ནཱཏི སཱ་མཾ ས་ཙྩཱ་བྷི་ས་མ་ཡོ ཏ་ཏྠ ཙ ས་བྦ་ཉྙུ་ཏ་པྤ་ཏྟི་བ་ལེ་སུ ཙ ཝ་སི་བྷཱ་ཝ་པྤ་ཏྟཱི་ཏི ཨེ་ཏེ་ན ས་བྦེ་ན ས་མུ་དི་ཏེ་ན. ‘‘ས་བྦ་ཉྙུ་ཏ་ཉྙཱ་ཎེ་ནཱ’’ཏི པ་ན ཝུ་ཏྟེ ས་བྦ་མི་དཾ ས་ངྒ་ཧི་ཏཾ ཧོ་ཏི སཱ་མཾ ས་ཙྩཱ་བྷི་ས་མ་ཡེ་ན བ་ལེ་སུ ཙ ཝ་སི་བྷཱ་ཝ་པྤ་ཏྟི་ཡཱ ཙ ཝི་ནཱ ས་བྦ་ཉྙུ་ཏ་ཉྙཱ་ཎ་སྶ ཨ་བྷཱ་ཝཱ, ཏ་སྨཱ ཨ་ཊྛ་ཀ་ཐཱ་ཡཾ ‘‘ས་བྦ་ཉྙུ་ཏ་ཉྙཱ་ཎེ་ནཱ’’ཏི ཨེ་ཏྟ་ཀ་མེ་ཝ ཝུ་ཏྟཾ. ཏ་ཏྠ ཨ་ནཱ་ཙ་རི་ཡ་ཀེ་ན ཨ་ཏྟ་ནཱ ཨུ་པྤཱ་དི་ཏེ་ནཱཏི ཝ་ཙ་ནེ་ན ས་བྦ་ཉྙུ་ཏ་ཉྙཱ་ཎ་སྶ སཱ་ཙ་རི་ཡ་ཀ་ཏྟཾ པ་ར་ཏོ ཨུ་པྤ་ཏྟི་ཉྩ པ་ཊི་སེ་དྷེ་ཏི, ན སཱ་ཙ་རི་ཡ་ཀཾ པ་རེ་ཧི ཨུ་པྤཱ་དི་ཏ་ཉྩ ས་བྦ་ཉྙུ་ཏ་ཉྙཱ་ཎཾ. ན ཧི ཏཾ ཏཱ་དི་སཾ ནི་ཝཱ་རེ་ཏ་བྦཾ ཨ་ཏྠཱི་ཏི.

ཚ་ཀྐ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.