༡༤. ཙུ་དྡ་ས་མ་ན་ཡོ ཝི་པྤ་ཡུ་ཏྟེ་ན་ས་ངྒ་ཧི་ཏཱ་ས་ངྒ་ཧི་ཏ་པ་ད་ཝ་ཎྞ་ནཱ

༤༥༦. ཙུ་དྡ་ས་མ་ན་ཡེ དྷ་མྨཱ་ཡ་ཏ་ནཱ་དཱི་ནཾ ཨ་ནཱ་ར་མྨ་ཎ་མི་སྶ་ཀ་ས་བྦ་ཙི་ཏྟུ་པྤཱ་ད་ག་ཏ་དྷ་མྨ་བྷཱ་ཝ་ཏོ ཝི་པྤ་ཡོ་ག་སྶ ཨ་རུ་ཧ་ཎཾ ད་ཊྛ་བྦཾ. ཛཱ་ཏི་ཨཱ་དི་ཏྟ་ཡ་སྶ ཙེ་ཏྠ དྷ་མྨ་ས་བྷཱ་ཝ་མ་ཏྟ་ཏྟཱ ན ཀ་ཐ་ཉྩི ས་མྤ་ཡོ་གོ ཝི་པྤ་ཡོ་གོ ཙ རུ་ཧ་ཏི ཨ་ཛ྄ཛྷ་ཏྟ་བ་ཧི་དྡྷ་དྷ་མྨཱ་ནཾ ས་བྦ་དྷ་མྨ་ས་མོ་དྷཱ་ན་ཏྟཱ, ཨ་ནི་ད་སྶ་ན་ཨ་པྤ་ཊི་གྷཱ་དཱི་ནཾ ཨ་ནཱ་ར་མྨ་ཎ་མི་སྶ་ཀ་ས་བྦ་ཙི་ཏྟུ་པྤཱ་ད་ཏྟཱ. དུ་ཀྑ་ས་ཙྩཱ་དི་དྷ་མྨཱ་ཝ ཨི་དྷ ཏེ་ཧི ཝི་པྤ་ཡུ་ཏྟཱ་ནཾ ས་ངྒ་ཧཱ་ས་ངྒ་ཧ་ས་བྦྷཱ་ཝཱ ག་ཧི་ཏཱ་ཏི.

པཱ་ལི༹་ཨུ་དྡཱ་ན་གཱ་ཐཱ་ཡཾ ས་མུ་ཙྪེ་དེ ན ལ་བྦྷ་ནྟཱིཏི པ་རི་ཡོ་སཱ་ནེ ན་ཡེ ན ལ་བྦྷ་ནྟཱི་ཏི ཨ་ཏྠོ. མོ་གྷ་པུ་ཙྪ་ཀེ་ན ཙཱཏི ཨ་ལ་བྦྷ་མཱ་ནཱ ཙ ཏེ མོ་གྷ་པུ་ཙྪ་ཀེ་ན ཧེ་ཏུ་ནཱ ན ལ་བྦྷ་ནྟི ཏེ་སཾ པུ་ཙྪཱ་ཡ མོ་གྷ་ཏྟཱ་ཏི ཝུ་ཏྟཾ ཧོ་ཏི. ཨ་ཐ ཝཱ མོ་གྷ་པུ་ཙྪ་ཀོ ཨ་ཊྛ་མོ ན་ཡོ, ཏེ་ན ཙ ས་ཧ ཨོ་སཱ་ན་ན་ཡེ ཨེ་ཏེ དྷ་མྨཱ ཝི་པྤ་ཡོ་ག་སྶ་པི ཨ་བྷཱ་ཝཱ ས་བྦ་ཐཱ་པི ན ལ་བྦྷ་ནྟཱི་ཏི ཨ་ཏྠོ.

ཙུ་དྡ་ས་མ་ན་ཡ་ཝི་པྤ་ཡུ་ཏྟེ་ན་ས་ངྒ་ཧི་ཏཱ་ས་ངྒ་ཧི་ཏ་པ་ད་ཝ་ཎྞ་ནཱ ནི་ཊྛི་ཏཱ.

དྷཱ་ཏུ་ཀ་ཐཱ་པ་ཀ་ར་ཎ-མཱུ་ལ་ཊཱི་ཀཱ ས་མ་ཏྟཱ.